🟥 आंबोलीतील बाहेरील व्यक्तींची बेकायदा बांधकामे त्वरीत जमीनदोस्त करा

🟥 शासनाने बेकायदा बांधकामा बाबत ठोस भूमिका न घेतल्यास आंबोली धनदांडग्या व्यक्तींच्या हातात जाण्याची भिती

🟥 जे कबुलायतदार व आंबोलीचे नागरीक नाहीत अशांना घर नंबर मिळालेच कसे?

🎥 Kokan Live Breaking News

✍️ संपादकीय : सीताराम गावडे

🎴सावंतवाडी, दि-१७:- प्रति महाबळेश्वर समजल्या जाणाऱ्या आंबोली या थंड हवेच्या ठिकाणी, कबुलायतदार गावकार जमीनी शासन निर्णयानुसार शासन म्हणून नोंद असताना आंबोली बाहेरील धनदांडग्या व्यक्तीनी स्थानिकांना हाताशी धरून शेकडो एकर जमीन घशाखाली घालण्याचा निंदनीय प्रकार घडला असून या विरोधात पेरीचे भाटले,फौजदार वाडी,रमाईनगर,गावठणवाडी येथील सुमारे तीनशे ग्रामस्थ साखळी उपोषणाला बसले आहेत,या जागेवरील अतिक्रमण त्वरीत हटवून शासनाच्या जागा मोकळ्या करून देण्यासाठी हे त्यांचे आंदोलन आहे,उद्या शासनाने कबुलायतदार गावकार प्रश्न सोडवला की आम्हाला शासन जागा कूठून देणार? त्यामुळे आमच्या जागा वाचवाव्यात यासाठी ग्रामस्थांचे हे रास्त आंदोलन आहे,कोण पैशाच्या जोरावर सत्तेच्या पाठींब्यावर शासनाच्या जागेवर अतिक्रमण करून जागा हडप करण्याचा प्रयत्न करत असेल तर महसूल अधिकाऱ्यांनी स्वतः पुढाकार घेत आपले अधिकार वापरत या इमारती जमीनदोस्त करायला हव्यात असे आमचे स्पष्ट मत आहे.

आंबोली गावच्या सातबारावर शासन म्हणून नोंद झाल्यानंतर हळूहळू बाहेरील धनदांडग्या व्यक्ती स्थानिकांना हाताशी धरून घरे बांधायला सुरुवात केली, ग्रामपंचायत शासन परिपत्रकाचा चूकीचा अर्थ लावून त्याच्या घराला अनधिकृत संबोधून घर नंबर द्यायला लागलेत, हळूहळू ही संख्या वाढत गेली व जेव्हा ही गोष्ट स्थानिकांनी तहसिलदार,प्रांत यांच्या लक्षात आणून दिल्यावर तत्कालीन तहसीलदार सतीश कदम यांनी पत्र लिहून ग्रामपंचायत ने असे घर नंबर देऊ नये असे लेखी कळविले ,तरीही त्या पत्राला केराची टोपली दाखवत ग्रामपंचायत ने दाखले देणे सुरुच ठेवले परिणामी आंबोलीत बाहेरील व्यक्तीची घरे बांधण्याची संख्या झपाट्याने वाढली.

उच्च न्यायालय , सर्वोच्च न्यायालयाचे आंबोली जमीनी बाबत जैसे थे चे आदेश असताना व सदरची जागा सातबारा सदरी शासन म्हणून नोंद असताना, शासनाच्या जागेवर घर बाधायचे व त्या घराला अनधिकृत संबोधून घरपट्टी वसूल करण्याचे अधिकार ग्रामपंचायत ला कोणी दिले?शासना परिपत्रकाचा चूकीचा अर्थ लावत शासनाच्या जागेवर अशा प्रकारची बेकायदा परवानगी ग्रामपंचायत देत असेल तर ग्रामपंचायत आपल्या अधिकारांचा गैरवापर करते म्हणून संपूर्ण ग्रामपंचायत बराखस्त होऊन सरपंच व सदस्यांवर फौजदारी स्वरूपाची कारवाई होऊ शकते.

आता पर्यंत ग्रामपंचायत ने आपल्या अधिकारांचा गैरवापर करत आंबोली बाहेरील ११८ जणांना बेकायदा घर नंबर दिले आहेत,याचाच कहर की काय हिरण्यकेशी च्या बाजूला सुमारे एक एकर क्षेत्रावर सावंतवाडी शहरातील एका व्यावसायिकाने दोन नंबर धंद्यातून मिळालेल्या पैशाच्या जोरावर ड्रीम प्रोजेक्ट उभा केला आहे,व जवळपास २८ घरकुल उभीं केली आहेत ,एवढेच नव्हे तर त्या ठिकाणी प्रोजेक्ट चे उद्घाटन व्हायच्या अगोर बियर बार चा फलकही लावला आहे,सुमारे दोन ते तीन कोटी रुपये या प्रोजेक्ट वर खर्च केले गेले आहेत, प्रत्यक्षात त्या ठिकाणी १० बाय १० ,१० बाय १२ अशा लांबी रुंदी च्या खोप(झोपडी )ऊभारून त्याला ग्रामपंचायत कडून नंबर घेत त्या जागेवर मोठी इमारत उभारून तोच नंबर त्या इमारतीला चिटकवला जातो, आणि ग्रामपंचायत प्रशासन, महसूल विभाग मूग गिळून गप्प बसतो या मागचे इंगित काय हा आमचा सवाल आहे.

हिरण्यकेशी या पवित्र ठिकाणी आज बीयर बार चा फलक लागला उद्या डान्स बार सुरू होऊन आंबोलीचे हिरण्यकेशी चे पावित्र्य धोक्यात येईल अशी भिती ग्रामस्थांना वाटत आहे व ती रास्त आहे, शासनाच्या गायरान जागेवर अशा प्रकारची बेकायदा बांधकामे उभी राहत असतील व शासनाचे ग्रामसेवक,तलाठी, कोतवाल, तहसीलदार, प्रांताधिकारी झोपा काढत असतील तर पुढील परिस्थिती भयानक असेल हे मात्र निश्चित, शासनाच्या जागेवर बेकायदा बांधकामे उभी असतील तर ती त्वरित पाडून जागा मोकळी करावी असे सर्वोच्च न्यायालयाचे आदेश असताना, जिल्हाधिकारी या अतिक्रमण प्रकरणाकडे डोळेझाक का? करीत आहेत हा आमचा सवाल आहे.

या अनधिकृत बांधकामा बाबत कारवाई करायची असेल तर सर्वच बेकायदा बांधकामावर कारवाई करावी लागेल असे महसूल अधिकारी सांगून ग्रामस्थांना धमकावत असतील तर त्यांना आमचे एकच सांगणे आहे,ज्या स्थानिकांनी घरे बांधली आहेत त्याच्या वाट्याला भविष्यात जागा येणार आहे,मात्र ज्या बाहेरील धनदांडग्या व्यक्तीनी इमारती उभ्या केल्या आहेत,ते आंबोली चे रहिवासी आहेत का? त्यांचा आंबोलीशी संबंध काय?व त्यांना वरदहस्त कोणाचा हा आमचा सवाल आहे,स्थानिकाने एखादे घर बेकायदा बांधले असेल तर त्याचे भाऊ बंध वाटपाची वेळी बघून घेतील मात्र बाहेरील व्यक्तिला या पूढे गावात शासकीय जागेवर थारा नाही,शासनाने ही बांधकामे त्वरीत पाडावी अन्यथा आम्ही कायदा हातात घेऊन ती बांधकाम उध्दवस्त करु ही ग्रामस्थांनी दिलेली प्रशासनाला धमकी योग्य व कायद्याला धरुन आहे असे आमचे मत आहे.या बेकायदा बांधकामाला शासनाचा वरदहस्त मिळाला तर भविष्यात प्रत्येक ठिकाणी अशी बेकायदा बांधकामे उभी राहतील व त्याला शासन जबाबदार राहील असा इशाराही ग्रामस्थांनी दिला आहे तो ही योग्यच आहे असे आमचे मत आहे,शेवटी काय सौ सोनार की तो एक लोहार की हे शासनाने लक्षात ठेवावे व ग्रामस्थांच्या सहनशीलतेचा अंत पाहू नये.

 

 

*……….. सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

 

*🎴कोकण लाईव्ह ब्रेकिंग व्हाट्सअप ग्रुप*

 

https://chat.whatsapp.com/Cjzc6ZFBkl7JH6OQ0yQYy2

————————————-

 

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_