🟥 हेलिकॉप्टरने फोटोग्राफी करण्यापेक्षा शेती करणं चांगलं? शिंदेंचा ठाकरेंना टोला

🎥 Kokan Live Breaking News

✍️ ब्युरो न्यूज : कोकण लाईव्ह ब्रेकिंग

🎴हिंगोली, दि-११:- सर्वसामान्य शेतकऱ्याचा मुलगा या राज्याचा मुख्यमंत्री झाल्यानंतर एवढा पोटसुळ का? एवढी पोटदुखी का? शेतकऱ्याचा मुलगा हेलिकॉप्टरने जातो आणि शेती करतो. हेलिकॉप्टरने शेती करणं चांगलंच आहे.हेलिकॉप्टरने फोटोग्राफी करण्यापेक्षा शेती करणं केव्हाही चांगलं? आणि म्हणून जेव्हा शेतात जातो तेव्हा शेतकऱ्याच्या पोराचे पाय तिकडे वळतात, हात जमिनीकडे वळतात कारण माझी नाळ या मातीशी जुळलेली आहे. मी जमिनीवरचा कार्यकर्ता आहे. मी तुमच्यामधीच एक कार्यकर्ता आहे. मी कालही कार्यकर्ता म्हणून काम केलं. आजही कार्यकर्ता म्हणून काम करतोय. आणि उद्याही कार्यकर्ता म्हणून काम करणार आहे. असे प्रतिपादन मुख्यमंत्री एकनाथ शिंदे यांनी बुधवारी (10 जानेवारी) हिंगोलीमध्ये आयोजित शिवसंकल्प अभियानात केले.

पुढे बोलताना मुख्यमंत्री एकनाथ शिंदे म्हणाले की, जी भूमिका घेतली आहे ही भूमिका बाळासाहेबांच्या विचारांची भूमिका आहे. धर्मवीर आनंद दिघेंच्या विचारांची भूमिका आहे. या महाराष्ट्रातील तमाम सर्वसामान्य माणसाच्या मनातली भूमिका आहे. त्यामुळे आमचा संकल्प एवढाच आहे की, या राज्याचा सर्वांगीण विकास, या राज्यातील तळागाळातील माणसाला न्याय मिळाला पाहिजे, म्हणून शेतकऱ्यांच्या पाठीशी उभं राहण्याचा निर्णय आपल्या सरकारने घेतला. जेव्हा अवकाळी अतिवृष्टी गारपीट झाली तेव्हा सगळे नियम आम्ही बाजूला ठेवले. NDRFचा निर्णय , SDRFचा नियम बाजूला ठेवत दोन हेक्टरचे आम्ही तीन हेक्टर करून नुकसान भरपाईचा निर्णय घेतल्याचेही मुख्यमंत्री एकनाथ शिंदे यांनी यावेळी सांगितले.

पुढे बोलताना मुख्यमंत्री एकनाथ शिंदे म्हणाले की, आज हे महा शिवसंकल्प अभियान आहे. महायुतीच्या पण बैठका जाहीर सभा होतील. आपल्या मित्र पक्षांच्या सोबत आपल्या बैठका होतील, त्याला आपण प्रतिसाद द्यावा, सोबतच अयोध्येमध्ये 22 तारखेला राम मंदिरांचं लोकार्पण होतेय. हिंदुहृदयसम्राट बाळासाहेब ठाकरेंचं काय स्वप्न होतं, एक दिवस पंतप्रधान करा मी अयोध्येत राम मंदिर बांधतो आणि काश्मीरमधील 370 कलम हटवतो. आज लाखो करोडो रामभक्तांचं, बाळासाहेबांचं स्वप्न कुणी साकार केलं तर या देशाचे पंतप्रधान नरेंद्र मोदींनी साकार केलं.आपल्यासाठी ही मोठी आनंदाची बाब आहे. पुढे बोलताना मुख्यमंत्री एकनाथ शिंदे म्हणाले की, मला आताच कोणीतरी सांगितलं की, काँग्रेसच्या सोनिया गांधी आणि मल्लिकार्जुन खर्गे यांना राम मंदिराचं निमंत्रण दिलं. मात्र ते म्हणाले की, आम्ही राम मंदिराच्या उद्घाटनाला जाणार नाही. अशा लोकांच्या बरोबर उभाठा युती करते. आणि उभाठाचे नेते पण पूर्वी सांगायचे, मंदिर वही बनायेंगे, तारीख नही बतायेंगे, पण मोदींनी मंदिरही बांधलं, तारीखही सांगितली.

पुढे बोलताना मुख्यमंत्री एकनाथ शिंदे म्हणाले की, दीड वर्ष आपण विकासकामांना प्राधान्य देतोय. आपल्याकडे शासन आपल्या दारी हा कार्यक्रम देखील होणार आहे. महिला सक्षमीकरण हा कार्यक्रम देखील होणार आहे. शासन आपल्या दारीमध्ये योजनांचा लाभ लोकांपर्यंत थेट पोहोचत आहे. म्हणून आपण शासन आपल्या दारी केलं सुरू केलं. असेही मुख्यमंत्री एकनाथ शिंदे यावेळी म्हणाले.

शब्द पाळणारं हे सरकार

 

यावेळी बोलताना मुख्यमंत्री एकनाथ शिंदे म्हणाले की, कुठल्याही आरक्षणाला धक्का न लावता मराठा समाजाला देखील न्याय देण्याचं काम सरकार करेन. फक्त मी एवढंच सांगतो काही राजकीय लोक आपली राजकीय पोळी भाजण्यासाठी समाजा- समाजामध्ये तेढ निर्माण करण्याचं काम करतात. त्यांच्यापासून सावध राहणं आवश्यक आहे. मी शब्द दिलाय, दिलेला कधीही मी फिरवत नाही. दिलेला शब्द पाळणं हे माझं काम आहे असेही मुख्यमंत्री एकनाथ शिंदे यावेळी मराठा आरक्षणासंदर्भात म्हणाले.

 

गेल्या दीड वर्षाच्या कार्यकाळात स्वतः बांधावर जाऊन काम करतोय. घरी बसून, फेसबुक लाइव्ह करून काम करत नाही. असेही मुख्यमंत्री एकनाथ शिंदे यावेळी म्हणाले. भारतामध्ये सर्वात जास्त हळद पिकवणारा जिल्हा म्हणून हिंगोली जिल्ह्याची ओळख आहे. त्यामुळेच शंभर कोटी रुपये हळद संशोधन केंद्राला दिले असल्याचेही यावेळी मुख्यमंत्री एकनाथ शिंदे यांनी यावेळी सांगितले.

 

 

*……….. सविस्तर बातमीसाठी खालील लिंक वर क्लिक करा…….👇👇👇👇*

 

_________________________

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

 

*🎴कोकण लाईव्ह ब्रेकिंग व्हाट्सअप ग्रुप*

 

https://chat.whatsapp.com/Cjzc6ZFBkl7JH6OQ0yQYy2

————————————-

 

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_