🟥 सिंधुदुर्ग रत्नागिरी लोकसभा मतदारसंघातून भाजपचाच उमेदवार

🟥 तुळशीचे लग्न फक्त यजमानी उभा करुन होत नाही, त्याला दिंडे,काठी ही लागते

🟥 किरण सामंत यांना लोकसभेची पडलेली स्वप्ने प्रत्यक्षात उतरणे कठीण

🟥 कालच्या संपादकीयला वाचकांचा उदंड प्रतिसाद

🎥 Kokan Live Breaking News

✍️ संपादकीय : सीताराम गावडे

🎴सिंधुदुर्ग, दि-०९:- राजापूर व आताच्या सिंधुदुर्ग -रत्नागिरी लोकसभा मतदारसंघाला विचार वंतांची मोठी परंपरा यामथळ्या खाली आम्ही संपादकीय प्रसिद्ध केल्यावर काल सकाळपासूनच अनेकांनी लेखाचे कौतुक करणारे फोन केले, तर राजकारणातील ज्येष्ठ व्यक्तींनी परखड अग्रलेखाचे कौतुकही केले. जे काही मांडायचे ते सडेतोड, कुणाचाही मुलाहिजा न ठेवतात हे आमचे पहिल्यापासूनचे धोरण, मग आपल्या ताकतीचा, राजकीय बाळाचा ,वापर करून कोणी कितीही धमकवण्याचा प्रयत्न केला तरी आम्ही त्याला आज पर्यंत भीक घातली नाही व यापुढेही घालणार नाही.कालचा संपादकीय लेख दोन लाख ६२ हजार वाचकांपर्यंत पोहोचला व त्यांनी तो वाचला व त्यातील सुज्ञवाचकांनी अभिप्रायही कळवला, त्यामुळेच कोकण लाईव्ह न्युज चॅनल अगदी बांद्या पासून चांद्या पर्यंत प्रत्येकाच्या घरात पोहोचला आहे हे दिसून आले आहे.उदंड प्रतिसादानंतर कोणी कितीही दबाव आणण्याचा प्रयत्न केला तरी या मतदारसंघातील विचारांची उच्च परंपरा व वैचारिक वैभव टिकून राहण्यासाठी आम्ही खारीचा वाटा उचलणार हे मात्र निश्चित.

रत्नागिरीचे पालकमंत्री उदय सामंत यांचे बंधू किरण उर्फ भैय्या सामंत हे उदय सामंत आमदार असल्या पासून त्यांच्या पश्चात त्यांची बाजू भक्कमपणे सांभाळातात असे ऐेकीवात आहे,मात्र भैय्या सामंत हे मुळातच कंत्राटदार आहेत, रत्नागिरी सिंधुदुर्गातील अनेक रस्ते त्यांनी बनवले आहेत, त्यांच्या रस्त्यांवर त्याकाळी अनेक आंदोलने झाली आहेत हे ही जनतेलाही माहिती आहे, त्यामुळे कोणी कितीही सोजवळ पणाचा आव आणून सामाजिक शालिनतेचे पांघरूण घेऊन जनतेसमोर जात असेल तर त्याची सत्य बाजूही यायला हवी या मताचे आम्ही आहोत.

शिक्षण मंत्री दीपक केसरकर यांच्या रत्नसिंधू या महत्त्वकांक्षी योजनेत उदय सामंत यांचे बंधू किरण सामंत यांना सदस्य म्हणून घेण्यात आले, तेव्हाच किरण सामंत यांची राजकारणातील इंट्री निश्चित झाली व त्यावेळेस कार्यकर्त्यांनी उतावळी नवरा गुडघ्याला बाशिंग बांधून किरण सामंत यांना भास्कर जाधव यांच्या विरोधात गुहागर विधानसभा मतदारसंघातून उमेदवारी द्यावी अशी जोरदार मागणी केली, कारण या मतदारसंघात आमदार भास्कर जाधव यांना तगडे आव्हान देणारा उमेदवार नव्हता म्हणून किरण सामंत यांच्या रूपाने हे तगडे आव्हान उभे करून भास्कर जाधव यांची राजकीय कारकीर्द संपवण्याचा बेत आखला गेला.

पालकमंत्री उदय सामंत यांच्या कडे त्यांच्या कार्यकर्त्यांनी तशी मागणी केली व भास्कर जाधव समर्थकांनी थेट किरण सामंतांची भेट घेऊन त्यावेळी एकनाथ शिंदे गटात प्रवेश केला, किरण सामंत यांचा गुहागर तालुक्यातील संपर्क लक्षात घेऊन कदाचित भास्कर जाधव यांच्यासमोर तगडे आव्हान उभे करण्यासाठी गुहागर विधानसभा मतदारसंघात किरण सामंत यांना उतरविण्याचा बेत होता.

गुहागर विधानसभा मतदारसंघ हा पारंपरिक भाजपचा होता पण 2009 साली शिवसेना भाजप युतीच्या जागा वाटपात शिवसेनाप्रमुख बाळासाहेब ठाकरे यांनी रामदास भाई कदमांसाठी आपले वजन वापरून शिवसेनेकडे हा मतदारसंघ घेतला पण भाजपचे विनय नातू यांनी केलेल्या बंडखोरीमुळे हा मतदारसंघ राष्ट्रवादीत असलेल्या भास्कर जाधव यांच्या ताब्यात गेला राष्ट्रवादी सोडून शिवसेनेत गेल्यावरही भास्कर जाधव यांनी आपले वर्चस्व कायम राखले,

शिवसेना नेते मंत्री उदय सामंत यांनी या मतदारसंघात लक्ष घालण्यास सुरुवात केली त्याचवेळी अनेकांच्या मनात शंकेची पाल चुकचुकली, सर्वसामान्य कार्यकर्त्याला निवडणूक लढवायची असले तर ग्रामपंचायत ,पंचायत समिती ,जिल्हा परिषद ,हे सगळे परिक्रमण करून पुढे यावे लागते, मात्र राजकारणात प्रत्यक्ष कोणताही संबंध नसताना अचानकपणे किरण सामंत यांना पुढे आणून सुरुवातीला गुहागरची आमदारकी व आता रत्नागिरी सिंधुदुर्ग लोकसभेचे उमेदवारी ,व त्यांच्या वाढदिवसाला शुभेच्छा फलकावर अब दिल्ली दूर नही अशा आशयाचा मजकूर छापून तुळशीच्या लग्नात नुसता यजमानी असून चालणार नाही दिंडे,काठी,सुध्दा लागते याचा विसर उदय सामंत यांच्या कार्यकर्त्यांना बहुदा पडला असावा.

रत्नागिरी सिंधुदुर्ग लोकसभा मतदारसंघात भाजप आणि शिवसेना (शिंदे गट) यांच्यात रस्सीखेच सुरुच आहे. दोन्ही पक्ष आमचाच उमेदवार असला पाहिजे, असे दावे प्रतिदावे करत आहेत. दोन्ही पक्षांच्या वरिष्ठ पातळीवर लोकसभा उमेदवारीबाबत कोणतीही चर्चा झालेली नसून मंत्री उदय सामंत यांचे बंधू किरण सामंत यांनाच उमेदवारी मिळणार अशा आशयाचे बॅनर सिंधुदुर्ग रत्नागिरी लोकसभा मतदारसंघात लावण्यात आले आहेत.

भाजपच्या प्रदेश पदाधिकाऱ्यांची गेल्या आठवड्यात बैठक झाली, तेव्हा उपमुख्यमंत्री देवेंद्र फडणवीस यांनी ‘भावी’ खासदारांना सुनावले. ‘काही ठिकाणी ‘तसे’ बोर्ड लागत आहेत; पण कोणी स्वतःला ‘भावी’ वगैरे समजत असेल तर त्याचा करेक्ट कार्यक्रम झालाच म्हणून समजा’, – या फडणवीसांच्या वाक्यातला गर्भितार्थ महत्त्वाचा आहे. भाजपसाठी ‘मोदी की गॅरेंटी’ ही महत्त्वाची घोषणा आहे; पण भाजपच्या लोकसभा उमेदवारीची गॅरंटी आज कोणीही देऊ शकत नाही. ‘पुढचा खासदार मीच’ असे छातीठोकपणे सांगणे आजतरी जोखमीचे आहे. त्यामुळे सामंत हे उमेदवारीचे बाशिंग बांधून असले, तरी त्यांना भाजप आणि शिंदे गटाकडून संधी मिळणार का? असा प्रश्न समोर ठाकला आहे.व रत्नागिरी सिंधुदुर्ग लोकसभा मतदारसंघाची वैचारिक प्रगल्भता,पाहता प्रत्यक्ष राजकारणाचा कोणताही अनूभव नसलेल्या किरण उर्फ भैय्या सामंत यांना लोकसभा उमेदवारीचे पडलेले स्वप्न हे स्वप्नच राहणार आहे एवढे मात्र निश्चित..

 

 

*……….. सविस्तर बातमीसाठी खालील लिंक वर क्लिक करा…….👇👇👇👇*

 

_________________________

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

 

*🎴कोकण लाईव्ह ब्रेकिंग व्हाट्सअप ग्रुप*

 

https://chat.whatsapp.com/Cjzc6ZFBkl7JH6OQ0yQYy2

————————————-

 

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_