🟥 राजापूर व आताच्या सिंधुदुर्ग -रत्नागिरी लोकसभा मतदार संघाला विचारवंतांची मोठी परंपरा

🟥 व्यावसायिक किरण उर्फ भैया सामंत यांना या मतदारसंघातील विचारवंत जनता स्विकारणार का?

🟥 सामंत कुटुंबिय नावापुरतेच सिंधुदुर्ग चे, जन्म व कर्म भूमी रत्नागिरीच

🎥 Kokan Live Breaking News

✍️ संपादकीय : सीताराम गावडे

🎴सिंधुदुर्ग, दि-०८:- पूर्वीचा राजापूर व आताचा सिंधुदुर्ग रत्नागिरी मतदारसंघ हा विचारवंतांचा मतदारसंघ म्हणून ओळखला जातो, या मतदारसंघाचे नेतृत्व बॅरिस्टर नाथ पै या अफाट बुद्धिमत्ता लाभलेल्या संसदपटूनी केले. लोकसभेची १९५७ ची निवडणूक जाहीर झाली तेव्हा रत्नागिरी मतदार संघातून १९५२ मधे निवडून आलेले खासदार मोरोपंत जोशी हेच पुन्हा निवडून येतील असं वाटत होतं. मात्र संयुक्त महाराष्ट्राच्या चळवळीमुळं लोकमत काँग्रेसच्या बाजूनं नव्हतं. तसंच नाथ पै यांचं वक्तृत्व, बोलण्यातला कृत्रिम जिव्हाळा, त्यांचा जनमानसावर असलेला प्रभाव या गुणांमुळं ते सहज निवडून आले.

लोकसभेतल्या पहिल्याच भाषणात त्यांनी संयुक्त महाराष्ट्राच्या निर्मितीचा प्रश्न उपस्थित केला. या भाषणानं सभागृहात लोकसभेचे उपसभापती, पंतप्रधान पंडित जवाहरलाल नेहरू, केंद्रीय मंत्री गोविंद वल्लभ पंत यांच्यासह सगळ्यांचंच लक्ष वेधून घेतलं. आपण करत असलेल्या कामाची इत्यंभूत माहिती लोकांना कळली पाहिजे. त्यांचा तो हक्कच आहे, अशी भूमिका नाथ पै यांची होती. त्यामुळंच करत असलेल्या प्रत्येक गोष्टीची माहिती ते मतदारसंघातल्या लोकांपर्यंत सुरुवातीपासूनच पोचवू लागले. लोकप्रतिनिधी जागरूक असेल, तर लोकही जागरूक राहतील, असं त्यांना वाटत होतं. झालंही तसंच आपापले प्रश्न घेऊन लोक स्वतः नाथ पैंकडे घेऊन येऊ लागले.लोकप्रतिनिधी लोकांमधे जाऊन अशा पद्धतीनं काम करतो, ही पद्धतही नाथ पै यांनी नव्यानं रुजवली होती,निवडून आल्यानंतर सर्वप्रथम मतदारसंघातल्या गरजांच्या प्राथमिकता त्यांनी निश्चित केल्या. कोणत्या प्रश्नासाठी कुणाला भेटायचं, हेही त्यांनी ठरवून घेतलं आणि त्यानुसार कालबद्ध कार्यक्रम आखून एकेक पावलं त्यांनी उचलली.

यांच्यानंतर या मतदार संघाचे नेतृत्व रेल्वेमंत्री कै मधू दंडवते यांनी केले, त्यावेळी या मतदारसंघावर काँग्रेसचा पगडा असतानाही समाजवादी विचारसरणीचे प्रा मधु दंडवते निवडून यायचे त्यांनी इ.स. १९७१ ते इ.स. १९९० दरम्यान राजापूर मतदारसंघातून सलग पाच वेळा लोकसभा सदस्यपदी निवडले गेले. दंडवते मोरारजी देसाई यांच्या पंतप्रधानकाळात रेल्वेमंत्री होते. या काळात त्यांच्या पुढाकारामुळे रेल्वेच्या दुसऱ्या वर्गाचा प्रवास अनेक प्रकारे सुखावह झाला. या वर्गातील शयनकक्षातील लाकडी फळकुटे बदलून त्यावर कमीतकमी दोन इंच जाडीच्या गाद्या घालण्यात आल्या. याच सुमारास त्यांनी कोकण रेल्वेच्या विकासाचे काम सुरू केले. याशिवाय व्ही.पी. सिंग यांच्या पंतप्रधानकाळात दंडवते भारताचे अर्थमंत्री होते. ते इ.स. १९९०-१९९८ दरम्यान भारताच्या योजना आयोगाचे मुख्याधिकारी होते.त्यांच्या पत्नी प्रमिला दंडवते भारतातील समाजवादी चळवळीतील प्रमुख नेत्या होत्या. दंडवते आपल्या अगदी साध्या राहणीबद्दल ख्यातनाम होते. त्यांच्या मृत्यूनंतर त्यांच्या इच्छापत्रानुसार त्यांचे पार्थिव शरीर मुंबईमधील जे.जे. हॉस्पिटलला दान करण्यात आले,हिंदी आणि इंग्लिश या दोन्ही भाषांवर असलेले प्रभुत्व आणि व्यासंग यामुळे मधु दंडवते यांनी लोकसभेच्या कामकाजावर आपला ठसा उमटवला.

अर्थमंत्री, रेल्वेमंत्री, अशी महत्त्वाची पदे भूषवून त्यांनी या मतदारसंघाच्या संस्कृतीला साजेशी काम केले, त्यानंतर भारतीय सैन्यात मेजर पदावर कार्यरत असलेले सुधीर सावंत, निवडणूक रिंगणात उतरले,मेजर सुधीर सावंत यांनी काॅग्रेस मधून निवडणूक लढवली तरी त्यांच्यावर समाजवादाचा पगडा होता, राजीव गांधी यांच्या हत्तेनंतर सहानूभूतिच्या लाटेत मेजर विजयी झालेत त्यांनीही साजेसे काम केले.

मुंबई विद्यापीठामधून चार्टर्ड अकाउंटंटची पदवी मिळवणारे प्रभू राजकारणामध्ये शिरण्यापूर्वी सारस्वत बँकेच्या चेअरमनपदावर होते. बाळासाहेब ठाकरे ह्यांनी प्रभूना शिवसेनेत आणले व राजापूर मतदारसंघातून लोकसभेचे तिकीट दिले.कोकणाचे नेते नारायण राणे यांनी आपली सगळी ताकद वापरून सुरेश प्रभू यांना निवडून आणले, राजापूरमधून प्रभू सलग ४ वेळा लोकसभेवर निवडून आले. खासदार असताना १९९८ ते २००२ या काळात प्रभू ह्यांनी केंद्र सरकारमध्ये अनेक महत्त्वाची मंत्रिपदे सांभाळली. परंतु २००२ साली अंतर्गत बेबनावामुळे ठाकरे ह्यांनी प्रभूना मंत्रिपदाचा राजीनामा देण्यास भाग पाडले. २००९ सालच्या लोकसभा निवडणुकीमध्ये त्यांना पराभव पत्करावा लागला. परंतु तरी सुद्धा ते केंद्रात रेल्वेमंत्री होते हे विशेष.

९ नोव्हेंबर २०१४ रोजी मोदींच्या मंत्रिमंडळात नियुक्ती होण्यापूर्वी प्रभूनी भारतीय जनता पक्षामध्ये प्रवेश केला.सुरेश प्रभु हे निष्कलंक राजकारण्यांपैकी एक आहेत त्यांच वैयक्तिक आयुष्य एकदम साधं आहे राहणीमान व एकंदर स्टाईल साधीच आहे. ते सध्याच्या रत्नागिरी सिंधुदुर्ग मतदारसंघाचे माजी खासदार आहेत.

त्यांच्या खासदारकीच्या काळात अनेक गावांत रस्ते पोहचवण्याचं काम केले. आजही त्यांच्या मतदारसंघात त्यांना मानाचं स्थान आहे.

‌. खासदार सुरेश प्रभू यांना पराभूत करुन डॉ निलेश राणे उमद्या वयात तरुण तडफदार खासदार होण्याचा मान मिळाला. निलेश राणे यांची प्रशासनावरील पकड, जनतेचा बळकट पाठिंबा आणि तळागाळातील कार्यकर्त्यांचे आवडीचे व्यक्तिमत्त्व म्हणून परिचित आहेत. जनतेचे प्रश्न चुटकीसरशी सोडविण्यात ते तरबेज असल्याने जनपाठिंबा मोठा आहे. सामाजिक, शैक्षणिक, सांस्कृतिक क्षेत्रातील तसेच स्वतः डॉक्टरेट असल्याने औद्योगिक क्षेत्रातील नामवंतांमध्ये आवडीचे व्यक्तिमत्त्व म्हणून परिचित आहेत.निलेश राणे, खासदार विनायक राऊत यांनी या मतदारसंघात संस्कृती जोपासण्याचे काम केले म्हणून या मतदार संघाकडे विचारवंतांचा मतदारसंघ म्हणून पाहिले जाते.

वारे माप पैसा कमावून त्या पैशाच्या जोरावर मी मतदारांना विकत घेईन व या मतदार संघाचा खासदार होईन अशी स्वप्ने कोण उराशी बाळगून मी सिंधुदुर्गाचा सुपुत्र म्हणून मिरवून ,खासदार होण्याची स्वप्न पाहत असतील तर, सिंधुदुर्ग रत्नागिरी जिल्ह्यातील जनता सूज्ञ आहे, अशी स्वप्ने कोण दिवसा ढवळ्या पाहत असतील तर ही दिवा स्वप्न धुळीस मिळविल्या शिवाय येथील जनता स्वस्थ बसणार नाही याचा आम्हाला ठाम विश्वास आहे.

खास बॅ नाथ पै यांनी राजपूर भतदार संघाला एका विशिष्ट उंचीवर नेऊन ठेवले तीच परंपरा प्रा मधू दंडवते यांनी चालवली,मेजर सुधीर सावंत, सुरेश प्रभू, निलेश राणे,विनायक राऊत यांनी मतदार संघात काम करताना राजकारणाची पातळी कधीच घसरु दिली नाही,व ही सर्व मंडळी समाजकारणातून राजकारणात करत आली, त्यांच्या मध्ये व्यावसायिकता नव्हती ,त्यामुळे खासदारकीचा उपयोग व्यावसायिक कारणासाठी कधीच केला गेला नाही ही वस्तुस्थिती आहे.

या संपूर्ण कोकणावर त्या काळी केंद्रीय मंत्री नारायण राणे यांचा पगडा असताना त्यांनी त्याचा दुरूपयोग कधीच केला नाही,आजही रत्नागिरी सिंधुदुर्ग या मतदारसंघात राणेंचे वलय आहे व एक गठ्ठा मत ही राणेंना मानणाऱ्या जनतेची आहेत व डॉक्टर निलेश राणे यांनी स्वाभिमान पक्षातून निवडणूक लढविली त्यावेळी ते दिसून आले होते ,असे असताना राणे कुटुंबियांना विश्वासात न घेता जर कोण या मतदारसंघात निवडणूक लढवण्याचे मनसुबे आखत असतील तर ते शंभर टक्के यशस्वी होणार नाहीत याची खात्री आम्ही देतो.

पालकमंत्री उदय सामंत यांचे बंधू किरण उर्फ भैय्या सामंत हे पूर्णपणे व्यावसायिक आहेत हे सर्व ज्ञात आहे, व्यवसाय करत असताना ते अचानक पणे सिंधुदुर्ग जिल्ह्याशी सुताराम संबंध नसताना आपले नशीब आजमावत असतील तर ते या प्रयोगात कितपत यशस्वी होतील याची खात्री नाही, कारण सामंत बंधू हे नावापुरते सिंधुदुर्गचे असले तरी त्यांची कर्मभूमी ही रत्नागिरीच आहे, त्यामुळे सिंधुदुर्गातील जनता सुरुवातीपासून व्यावसायिक असलेल्या किरण सामंताना स्वीकारेल की नाही हा संशोधनाचा विषय आहे, किरण सामंत यांनी यापूर्वी सिंधुदुर्ग जिल्ह्यातील जनतेला कोणत्याही प्रकारची आर्थिक, शैक्षणिक, आरोग्य साठी ,मदत केलेली ऐंकीवात नाही ..

किरण सामंत हे नाव सिंधुदुर्गातील जनतेला अपरिचित आहे ,त्यामुळे कोणी कितीही बॅनर लावले तरी सिंधुदुर्गातील सुज्ञ जनतेच्या मनात घर करणे फार कठीण काम आहे ,जे प्रेम नारायण राणे कुटुंबीयांना मिळाले ते प्रेम ह्या जिल्ह्यातील सुज्ञ जनता इतरांनाही देईल याची शाश्वती नाही आणि खुद्द भाजप पक्षालाही किरण सामंत विजयी होतील याचा विश्वास नाही, त्यामुळे या मतदारसंघात भाजपची सात लाख मते आहेत असे आमदार नितेश राणे यांनी जाहिरात करून टाकले, त्यामुळे निवडणूक लढविण्याचा निर्णय कोणीही परस्पर घेऊ शकत नाही हे यावरून दिसून येते ,किरण सामंत यांनी आपण कितीही सिंधुदुर्गचा सुपुत्र आहोत अशी बतावणी केली असली तरी सिंधुदुर्गच्या दृष्टीने ते उपरेच आहेत. त्यामुळे सिंधुदुर्ग जिल्ह्यातील ठेकेदारांना हाताशी धरून गावोगावी जरी किरण उर्फ भैया सामंत यांचे वाढदिवसाला शुभेच्छा देणारे बॅनर लागले गेले असले तरी जनता त्याच्याकडे ढूंकूनही पाहणार नाही याची खात्री आहे व दुसरा भाग म्हणजे सिंधुदुर्गात शिंदे गटाचा प्रभाव नाही, किंबहुना कुडाळ मालवण मतदार संघाचे आमदार वैभव नाईक हे शिवसेनेतच राहिल्यामुळे व शिक्षण व भाषां मंत्री दीपक केसरकर यांच्याबरोबर पुर्वा श्रमीचे शिवसैनिक कोणीही न गेल्यामुळे शिवसैनिक मुळ शिवसेनेतच आहे,त्यामुळे राष्ट्रवादीतून केसरकर यांच्यावर गेलेली मंडळी तेवढीच शिंदे शिवसेनेचे शिलेदार आहेत या पलीकडे शिंदे शिवसेनेकडे तळागाळातील कार्यकर्ता जोडला गेला नाही ही वस्तुस्थिती नाकारता येणार नाही, म्हणून किरण सामंत यांनी आपले बंधू उदय सामंत यांच्या जोरावर सिंधुदुर्ग रत्नागिरी लोकसभा मतदारसंघातून निवडणूक लढवण्याची कितीही स्वप्न पाहिली असली तरी ती सत्यात उतरतील असे मात्र सध्या तरी दिसत नाही.

 

 

*……….. सविस्तर बातमीसाठी खालील लिंक वर क्लिक करा…….👇👇👇👇*

 

_________________________

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

 

*🎴कोकण लाईव्ह ब्रेकिंग व्हाट्सअप ग्रुप*

 

https://chat.whatsapp.com/Cjzc6ZFBkl7JH6OQ0yQYy2

————————————-

 

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_