🟥 तिलारी डाव्या कालव्याचे काम निकृष्ट दर्जाचे ; ठेकेदारावर अधिकार्‍यांचा अंकुश नाही..

🟥 शेतकरी मात्र पाण्याच्या प्रतीक्षेत ; तर अधिकांऱ्यांची पाणी सोडण्यासाठी तारीख पे तारीख

🎥 Kokan Live Breaking News

✍️ प्रतिनिधी : प्रतिक राणे

🎴दोडामार्ग, दि-२५:- गेल्या काही दिवसांपासून तिलारी धरणाच्या कालव्यांची कामे सुरू आहेत.मात्र ती निकृष्ट दर्जाची कामे सुरू आहेत.अनेक ठिकाणी कालव्याची धोकादायक परिस्थिती निर्माण झाली आहे.जलसंपदा विभागाने फुटलेल्या कालव्याची दुरुस्तीसाठी साटेली- भेडशी येथे डाव्या मुख्य कालव्यात सुरू केली आहे. या कामावर कालवा विभाग एक कोनाळकट्टा यांच्याकडे जबाबदारी देणे सोडून हे काम देखरेखा विभाग सावंतवाडी दोन नंबर विभाग येथील अजित पाटील नामक अधिकाऱ्यांना जबाबदारी दिली आहे. मात्र संबंधित अधिकारी कामावर हजार नसल्याने हे काम पूर्ण पणे निकृष्ट दर्जाचे सुरु आहे.वाळू एवजी पावडर वापरून सिमेंटचा कमी वापर करीत हे काम सुरू आहे.व अधिकारी यावर पूर्णपणे डोळेझाकपणा करत आहे.त्यामुळे या कामाची सखोल चौकशी व्हावी अशी मागणी होत आहे.

तिलारी धरणाच्या डाव्या कालव्याला जानेवारी महिन्यात भगदाड पडले होते. या ठिकाणी तात्पुरते पाईप गोवा सरकारने घालून गोवा राज्यात पाणी पुरवठा सुरू केला होता, पण पाणी पुरवठा कमी होत असल्याने हे पाईप काढून कोटी रुपये खर्च करून सुमारे दिडशे मीटरचे काम हे नगर जिल्ह्यातील ठेकेदारांला दिले आहे. या ठेकेदाराला अनुभव नसल्याने कासवाच्या गतीने काम बोगस पध्दतीने सुरू केले आहे. ठरवून दिलेल्या नियमानुसार काम होताना दिसत नाही, गोवा येथील पाणी पुरवठा बंद करून महिना झाला गोवा राज्यात पाणी पुरवठा सुरू होणे आवश्यक आहे, पण कामाची पध्दत पाहाता नियोजित वेळेत गोवा राज्यात पाणी पुरवठा सुरू होणार नाही. लायनिंग क्रॉक्रिंट हे सहा इंच पाहिजे, पण ते कुठे भरत नाही, साडेतीन साडेचार असे मोजमाप केले असता आढळून आले. शिवाय यात सिमेंट वाळू याचा वापर अल्प केला गेला आहे. खडीची पावडर वापरली जात आहे. कामात कुठेही पारर्दशकता दिसून येत नाही.

साटेली भेडशी येथील काम काही दिवसांपूर्वी काही राजकीय मंडळींनी बंद केले होते ते दोन दिवसांपूर्वी सुरू केले, खरे पण ते काम योग्य पध्दतीने नियमात केले पाहिजे, यासाठी नेमलेले अधिकारी अजित पाटील साईटवर हजर नसतात. एका स्थानिक कर्मचारी याला ठेवले जाते. पण काम करून घेणे इंजिनिअरची जबाबदारी पण ते टाळत आहेत. दोडामार्ग तालुक्यांतील कामे ही या ठिकाणी कालवा उपविभाग एक मधून करून तेथील अधिकारी शाखा अभियंता यांची नेमणूक करणे सोडून सावंतवाडी चराठा येथील अधिकारी यांच्याकडे जबाबदारी दिल्याने बोगस काम केले जात आहे संबधित ठेकेदाराला पाठीशी घातले जात आहे.

तसेच आता शेतकऱ्यांच्या एन भाजी पाला लागवडी तसेच बागायतींना पाण्याची आवश्यकता असलेल्या हंगामात कालव्याचे पाणी बंद यामुळे शेतकऱ्यांचे देखील हाल होत आहेत.संबंधित विभागाला पाणी कधी सुरू करणार असे विचारले असता त्यांच्याकडून तारीख पे तारीख दिली जात आहे.त्यामुळे अधिकाऱ्यांचा ठेकेदारांवर कोणताही अंकुश नाही हे चित्र दिसत आहे.