🟥 सिंधुदुर्ग जिल्ह्याला अवैद्य धंद्यांचा विळखा ; कुणीही यावे आणि टीचकी मारून जावे अशी जिल्ह्याची अवस्था

🟥 सावंतवाडी शहरातील काही ठराविक दुकानात मिळते गोवा बनावटी दारू, तसेच चरस गांजा ; म्हणूनच आमचा सिंधुदुर्ग जिल्हा झाला सुजलाम सुफलाम..

🟥 कोट्यावधी रुपयाची दिवसाला होते अवैध धंद्यातून उलाढाल ; महाविद्यालयीन युवक ,बेरोजगार युवक या धंद्याचे बळी

🎥 Kokan Live Breaking News

✍️ संपादकीय : सीताराम गावडे

🎴सावंतवाडी,दि-०४:- सिंधुदुर्ग जिल्हा नवरत्नाची खान असे संबोधले जाते, या जिल्ह्यात अनेक विचारवंत थोर पुरुषांनी जन्म घेतला, त्यांच्या नावानेच हा जिल्हा ओळखला जातो,शांत संयमी व सुसंस्कृत जिल्हा म्हणून या जिल्ह्याची ओळख होती ती आता अंमली पदार्थासाठी होऊ लागली आहे, या जिल्ह्यातील प्रत्येक शहरातच नव्हे तर आता खेडोपाडी ही गोवा बनावटीची विषारी दारू, चरस, गांजा, यासारखे अंमली पदार्थ सहजरीत्या उपलब्ध होत आहेत,पोलीस प्रशासन असो किंवा राज्य उत्पादन शुल्क विभाग किंवा नार्को टेस्ट विभाग यांना त्यांच्या मुळापर्यंत पोहोचणे कधीच शक्य झाले नाही, म्हणूनच आज प्रत्येक शहरातील अनेक दुकानात खुल्या परमिटासारखी दारू,चरस, गांजा ,मिळत आहे. पोलीस मात्र सदरच्या दोन नंबर वाल्यांकडून हफ्ते खाऊन सुशेगाद आहेत असे म्हटले तर कुठेही वावगे ठरणार नाही.

सावंतवाडी शहराचा विषय घ्यायचा झाला तर शहरातील अगदी सालईवाड्यापासून शहराच्या शेवटच्या टोका पर्यंत खुले आम गोवा बनावटीची दारू मिळत आहे,नुसतीच मिळत नाही तर तुम्ही नुसता फोन केला तरी तुम्ही असाल त्या जागी अगदी तुमच्या चकण्या सहीत तुमचा दारुचा ब्रॅण्ड घेऊन दारु पंटर हजर होतात.

सावंतवाडी शहरातील पोलिस ठाण्याचे पोलिस निरीक्षक,शहर बीट अंमलदार, सहायक पोलिस निरीक्षक,या सर्वांवर लक्ष ठेऊन असलेल्या डि,वाय,एस,पी,डोळे मिटून गप्प आहेत,यामागचे इंगित काही समजत नाही,बीट अंमलदार, उपनिरीक्षक पोलीस निरीक्षक ही फक्त नावाला पद आहेत की काय अशी शंका आता वाटू लागली आहे, शहरातील नरेंद्र डोंगर परिसर, शिल्प ग्राम,भटवाडी परिसर जिमखाना परिसर या ठिकाणी खुलेआम दारूच्या मैफिली रंगतात ही दारू गोव्यातील विषारी असते मात्र अनेक वेळा पोलिसात तक्रार करूनही पोलीस काहीच दखल घेत नाही व ज्यावेळी पोलीस तिथे पोहोचतात त्या अगोदर ते तिथुन ऊठून गेलेले असतात ,त्यावरून असा संशय येतो की पोलिसांचे आणि संबंधित मद्यपिंचे काही लागेबांधे आहेत का?

दिवसाकाठी गोव्यातून लाखो रुपयांची अवैध विषारी दारु सिंधुदुर्ग जिल्ह्यासह महाराष्ट्राच्या इतर जिल्ह्यात राजरोस पणे जात आहे, राज्य उत्पादन शुल्क विभाग,स्थानिक पोलीस,पोलिसांची तपासणी नाकी मात्र हातावर हात धरून बसलेले असतात,सगळे काही माहिती असताना अळी मळी गुप चळी प्रमाणे पोलीस वागतात हे सगळं ठरलेलं सेटिंग आहे असा आमचा स्पष्ट आरोप आहे.

दारु माफिया,गांजा तस्कर कोट्यधीश झाले आहेत,पण याच्या व्यसनी गेलेल्यांची कुटुंबे उद्ध्वस्त झाली आहेत,आई वडिलांचा एकुलता एक मुलगा दारु,गांजा च्या व्यसना पायी आपले आयुष्य गमावून बसला आहे. त्यामुळे आई वडील ही उध्दवस्त झाले आहेत,अशी कितीतरी कुटुंब आम्ही याची डोळा पाहिली आहेत,आईचा आक्रोश हृदय पिळवटून टाकणारा असतो हे आम्ही अनुभवलंय,गांजा,चरस,गोव्यातील दोन नंबर विषारी दारु याच्या आहारी गेलेल्यांना बाहेर काढने तेवढे सोपे नसते,ऐन तारुण्यात व्यसनापायी एखादा मुलगा मृत्यूमुखी पडतो, त्यावेळी त्याच्या घरातून ऐंकू येणारा आक्रोश मन हेलावून टाकणारा असतो.

काही जण विचारतात गावडे साहेब तुम्ही एकटे कुठ पर्यंत लढणार,मी सांगतो अंगात रक्ताचा शेवटचा थेंब असे पर्यंत, कोणीतरी सुरवात केली पाहिजे ते शिवधनुष्य मी उचलले आहे,परिणामाची चिंता मुळीच नाही,माझ्या या अवैध धंद्या विरोधाच्या लढाईला वीस टक्के जरी यश मिळाले तरी मी समाधानी आहे,कारण ही लढाई नीती विरुद्ध अनितीची आहे,सत्य विरूद्ध असत्याची,या लढाईत मी एकटा जरी लढत असलो तरी हजारो अदृश्य हात माझ्या मागे उभे आहेत याची खात्री मला आहे, त्यामुळे हे दोन नंबर धंदे करणारे सत्तेतील असो वा विरोधातील मी लढाई लढणारच आम्हाला थांबवणार अजून तरी कोण जन्माला आला नाही,कारन आम्ही चुकीचे काही करत नाही त्यामुळे कोणाच्या……. घाबरत नाही.

 

 

*……….. सविस्तर बातमीसाठी खालील लिंक वर क्लिक करा…….👇👇👇👇*

 

_________________________

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

 

*🎴कोकण लाईव्ह ब्रेकिंग व्हाट्सअप ग्रुप*

 

https://chat.whatsapp.com/Cjzc6ZFBkl7JH6OQ0yQYy2

————————————-

 

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_