🟥 जिमखाना मैदानाच्या दुरावस्थेला जबाबदार कोण?

🟥 मोठी रक्कम मिळते म्हणून लाखो रूपये खर्च केलेले क्रिकेट मैदान कोणाला आंदन देणार का?

🟥 जिमखाना मैदानावर आता पर्यत एक कोटी रुपये खर्च झालेत ते कोणाच्या खिशातून वसूल करायचेत..

🟥 जिमखाना मैदानावर मोठ मोठी वाहने घालून पडलेले चर पाहून क्रिकेट प्रेमींनी संतापले..

🎥 Kokan Live Breaking News

✍️ संपादकीय : सीताराम गावडे

🎴सावंतवाडी, दि-२६:- गेले दहा पंधरा दिवस सावंतवाडी जिमखाना मैदान चर्चेत आहे, सगळे आजी माजी खेळाडू क्रिकेट प्रेमी यांना जिमखाना मैदानाची झालेली दुरावस्था उघड्या डोळ्यांनी पाहवली नाही एरवी शांत व संयमी असलेल्या सावंतवाडीकारांचा यावेळी मात्र संयम सुटला, सावंतवाडीकर पेटून उठले व नगरपालिकेवर धडक दिली मुख्याधिकारी साळुंखे यांनी येणेप्रमाणे उत्तरे देण्याचा प्रयत्न केला, मात्र त्यांच्या उत्तराने शांत होतील ते जिमखान्यावर खेळलेले क्रिकेट प्रेमी कसले, त्यांनी थेट मुख्याधिकाऱ्यांना जिमखानावर येण्याची विनंती केली व जिमखाना मैदानाची भर उन्हात पाहणी करायला लावली,

या मैदानाच्या झालेल्या दुरावस्थेला जबाबदार कोण असा प्रश्न विचारून मुख्याधिकारी यांच्यावर प्रश्नांचा भडीमार केला, खरे तर जिमखाना मैदान हे कुठच्याही सार्वजनिक कार्यक्रमासाठी देण्यात येऊ नये अशीच क्रिकेट प्रेमींची मागणी होती, त्या मैदानावर नगरपालिकेने लाखो रुपये खर्च केले आहेत, या मैदानाच्या परिक्षणासाठी दर महिन्याला एक लाख रुपये नगरपालिका खर्च करीत आहे,असे असताना जिमखाना मैदानाच्या भाड्यापोटी मिळणाऱ्या चार पाच लाखाला अख्या मैदानाची वाट लावायची हा कुठचा नियम?

काही वर्षांपूर्वी हे जिमखाना मैदान नगरपालिकेच्या मासिक सभेत ठराव करून स्वागत समारंभाच्या जेवणाच्या व्यवस्थे साठी देण्याचे ठरले, मात्र तो ठराव केल्यामुळेच या मैदानावर एक दोन मोठे इव्हेंट झाले, त्यावेळी एवढी मैदानाची वाट लागली नव्हती, आता मात्र विशाल पर्वाच्या निमित्ताने घेण्यात आलेल्या कार्यक्रमामुळे थेट वाहनेच मैदानातल्या गेली, त्यामुळे सुमारे ४० लाख रुपये खर्चून एक वर्षापूर्वीच तयार केलेली खेळपट्टी व मैदानावर चिखलाचे साम्राज्य तयार झाले, भले मोठे चर या मैदानावर पडले, ही झालेली दुरावस्था सावंतवाडीकर व क्रिकेट प्रेमी उघढ्या डोळ्यांनी पाहू शकले नाहीत, पुन्हा असा प्रकार घडू नये म्हणून सर्वपक्षीय संघटित झालेत व नगरपालिकेवर धडक दिली.

सध्या नगरपालिकेवर प्रशासक आहेत म्हणजे मुख्याधिकारी व सावंतवाडीचे प्रांताधिकारी हे प्रशासनाचे प्रमुख आहेत त्यांनी हे मैदान भाडेतत्त्वावर देताना काही अटी घातल्या होत्या त्या अटींची पूर्तता झाली काय? नगरपालिकेचा सुपरवायझर जर का त्या ठिकाणी नेमला होता तर तो एवढी मोठी वाहने मैदानात घुसताना कुठे होता? मैदानाच्या दुरावस्थेला जबाबदार कोणाला धरणार?त्या सुपरवायझर वर कोणती कारवाई करणार?असे अनेक प्रश्न विचारून क्रिकेट प्रेमीणी मुख्याधिकाऱ्यांना निरुत्तर केले.

या मैदानावर सचिन तेंडुलकर, विनोद कांबळे, भालचंद्र पंडित, कर्सन घावरी ,यासारखे महान क्रिकेटर खेळून गेले त्या मैदानाची झालेले दुरावस्था सावंतवाडीच्या दृष्टीने निश्चितच भूषणावह नाही. ज्याने कार्यक्रम घेतला त्याला आम्ही दोष देऊ शकत नाही, दोष आहे तो नगरपालिकेचा..नगरपालिकेने जर पद्धतशीरपणे या ठिकाणी देखभाल केली असती तर अशी वेळ आली नसती,आता मुख्याधिकाऱ्यांनी नोव्हेंबर पर्यंत या मैदानाची दुरुस्ती करून देतो असे आश्वासन दिले आहे, पण मैदानावरील चिखलात गेलेले गवत पुन्हा कसे उगवणार? जे भले मोठे चर पडले आहेत ते कशाने बुजवणार हाही मोठा प्रश्न आहे.

सावंतवाडी करांनी संयम पाळून मुख्याधिकारी यांना मुदत दिली, मात्र त्या मुदतीत मुख्याधिकारी ते काम पूर्ण करणार का, हा एक संशोधनाचा विषय आहे, मोती तलावातील गाळ मैदानाच्या सीमारेषेवर टाकण्यात आला आहे तो गाळ त्वरित उचलावा अशी मागणी यावेळी करण्यात आली मुख्याधिकारी यांनीही त्या गाळाची दुसरी कडे व्यवस्था करू असे आश्वासन दिले आहे.

एकंदरीत नगरपालिकेने क्रिकेट व्यतिरिक्त जिमखाना मैदान पुन्हा अन्य कार्यक्रमात देऊ नये अशी सावंतवाडीकरांची इच्छा आहे, पुन्हा ठराव नगरपालिकेच्या मासिक सभेत तो ठराव रद्द करून पुन्हा मैदान क्रिकेट खेळा व्यतिरिक्त अन्य कोणत्याही कार्यक्रमाला देण्यात येऊ नये असा ठराव करावा अशी मागणी क्रिकेट प्रेमींनी केली आहे व ती सर्वाथाने योग्यच आहे.