🟥 महिलेच्या तक्रारीवरून विनयभंग प्रकरणी राजापूरातील एका रिक्षा चालकाला अटक

🎥 Kokan Live Breaking News

✍️ प्रतिनिधी : अद्वैत अभ्यंकर.

🎴राजापूर,दि-१७:- राजापूर शहरातील जवाहरचौक ते बाजारपेठ परिसरात एका महिलेचा वारंवार पाठलाग करुन तिला आपल्या रिक्षात बसण्यासाठी हातवारे करुन त्या महिलेच्या मनास लज्जा उत्पन्न होईल असे कृत्य केल्या प्रकरणी राजापूर पोलीसांनी शहरातील महेश होलम या एका रिक्षा चालका विरोधात गुन्हा दाखल केला आहे. तशी माहिती पोलीसांनी पत्रकारांना दिली आहे.

त्या पिडीत महिलेच्या तक्रारीवरून रिक्षा चालक महेश महादेव होलम, रा. राजापुर (चव्हाणवाडी) याच्या विरोधात भा. दं. वि. कलम ३५४ (ड) अन्वये गुन्हा दाखल करण्यात आला असून त्याच्या मालकीची रिक्षा क्र. एम. एच.०८ के ३८५२ ही जप्त करण्यात आली असून त्यालाही अटक करण्यात आल्याची माहिती पोलीसांनी दिली आहे. मंगळवार १७ ऑक्टोबर तसेच त्या पूर्वीही वारंवार हा प्रकार घडल्याचे या महिलेने तक्रारीत म्हटले आहे.

रिक्षा चालक महेश होलम हा गेले काही दिवस वारंवार आपला पाठलाग करून रिक्षात बसण्यासाठी जबरदस्ती करत होता, तसेच रिक्षात बसण्यासाठी हाताचे इशारे करून मनास लज्जा उत्पन्न होईल असे कृत्य करत होता असे या पिडीत महिलेने तक्रारीत नमुद केले आहे. या पिडीत महीलेच्या तक्रारीवरून संशयीत आरोपी महेश होलम यास गुन्हा दाखल करून त्याच्या रिक्षासह ताब्यात घेण्यात आले असल्याचे पोलीसांनी सांगितले.

या प्रकरणी अधिक तपास पोलीस उपनिरिक्षक शिल्पा वेंगुर्लेकर करत आहेत.