🟥 निसर्गाचा समतोल राखत आधुनिक शेती फलदायी ठरेल ; कृषी शास्त्रज्ञ डॉ.एम. पी.सणस

🎥 Kokan Live Breaking News

✍️ प्रतिनिधी : शैलेश गवस

🎴बांदा, दि-०४:- बदलत्या तंत्रज्ञानाचा वापर करत आधुनिक शेतीची कास धरावी. निसर्गाचा समतोल राखत, येथील निसर्गदत्त जैविकविविधतेचा आदर करीत व्यावसायिक शेती शेतकऱ्यांनी करावी. निसर्गाच्या मर्यादांचा अचूक वेध घेत आगामी कालखंडातील आधुनिक शेतीला सामोरे जावे लागेल. विविध रासायनिक खतांचा वापर जमिनीची सुपीकता नष्ट करीत आहे. यासाठी नैसर्गिक खतांचा वापर करून जमिनीची सुपीकता कशी वाढवता येईल याचा आजच्या आधुनिक शेतकऱ्यांनी विचार करण्याची वेळ आली आहे.असे प्रतिपादन कृषी शास्त्रज्ञ डॉ. एम.पी.सणस यांनी येथे केले.

येथील गोगटे- वाळके महाविद्यालयाच्या पालक -शिक्षक संघाच्या वतीने आयोजित करण्यात आलेल्या पालक मेळाव्यात’शेती विषयक मार्गदर्शन’ करताना डॉ. सणस बोलत होते. कार्यक्रमाच्या अध्यक्षस्थानी महाविद्यालयाचे प्राचार्य डॉ.जी. जी.काजरेकर हे होते.

येथील गोगटे- वाळके महाविद्यालयात प्रथम वर्ष कला व वाणिज्य, द्वितीय वर्ष कला व वाणिज्य, तृतीय वर्ष कला व वाणिज्य शाखेतील विद्यार्थ्यांच्या पालकांचा मेळावा आयोजित करण्यात आला होता.

कार्यक्रमाचे प्रास्ताविक व स्वागत शिक्षक -पालक संघाचे समन्वयक प्रा. रमाकांत सिताराम गावडे यांनी केले.

डॉ. सणस पुढे म्हणाले की आजच्या शेतीकडे एक उद्योग म्हणून पाहण्याची आवश्यकता आहे.आधुनिक शेतकऱ्यांनी काळाबरोबर स्वतःमध्ये बदल करणे आवश्यक आहे. बाजारपेठांची मागणी असणारी फळे,फुले, विविध भाजीपाला यांचा पूरक व्यवसाय म्हणून पाहणे गरजेचे आहे. नारळ,आंबा,काजू यासारख्या पिकांमध्ये मसाले वर्गीय आंतरपिके घेणे गरजेचे होऊन बसले आहे. विविध आंतर पिकांच्या माध्यमातून आर्थिक उन्नती साधता येते. निसर्गाचा समतोल साधत, जमिनीचे आरोग्य जपत सुपीक जमिनीतून शेतकऱ्यांनी भरघोस पिकांची निर्मिती करावी. यासाठी शास्त्रीय ज्ञानाचा वापर करावा. नवनवीन तंत्रज्ञानाच्या माध्यमातून स्वतःला सक्षम बनवावे.

यावेळी अध्यक्ष स्थानावरून बोलताना प्राचार्य डॉ.जी.जी. काजरेकर म्हणाले की शिक्षणातील बदल आत्मसात करत जगाला सामोरे जाण्याची क्षमता आजच्या तरुण पिढीकडे आहे. आज विद्यार्थ्याना विविध क्षेत्रात उल्लेखनीय कार्य करण्याची संधी उपलब्ध आहे.पालकांनी आपल्या पाल्यांशी मैत्रीपूर्ण सुसंवाद ठेवणे गरजेचे आहे.आपले पाल्य कोणत्याही वाम मार्गाला लागू नये,तो सुसंस्कृत, संस्कारक्षम व्हावा यासाठी शिक्षकांबरोबरच पालकांची ही महत्त्वपूर्ण भूमिका आहे.

यावेळी पालक व शिक्षक यांच्यात विविध विषयावर सुसंवाद झाला. यावेळी महाविद्यालयाच्या प्रगतीचा आढावा व शैक्षणिक वाटचालीचा अहवाल प्रा.डॉ. एस.पी. वेल्हाळ,प्रा. डॉ.दत्तगुरु जोशी यांनी सादर केला. यावेळी पालकांच्या वतीने श्री. सिद्धार्थ कदम, सौ.अक्षता सावंत यांनी आपली मनोगते व्यक्त केली. शेती विषयक मार्गदर्शनात पालकांनी प्रमुख पाहुण्यांची सुसंवाद साधत शेतीविषयक अनेक शंकांचे निरसन करून घेतले.यावेळी प्रा.अनिल शिर्के यांनी संकलित केलेली महाविद्यालयाच्या प्रगतीचा आढावा घेणारी चित्रफीत दाखवण्यात आली.या कार्यक्रमाचे सूत्रसंचालन प्रा. डॉ.एम एन वालावलकर यांनी केले तर आभार प्रा.डॉ. यु.टी.परब यांनी मानले.

 

 

*……….. सविस्तर बातमीसाठी खालील लिंक वर क्लिक करा…….👇👇👇👇*

 

_________________________

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

 

*🎴कोकण लाईव्ह ब्रेकिंग व्हाट्सअप ग्रुप*

 

https://chat.whatsapp.com/Cjzc6ZFBkl7JH6OQ0yQYy2

————————————-

 

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_