🟥 वेडात मराठे वीर दौडले सात या सात वीरांच्या युध्दस्थळातील गडहिंग्लज तालुक्यातील नेसरी येथील स्मारकाला भेट

🟥 माजी नगराध्यक्ष बबन साळगावकर व उमेश कोरगांवकर यांचा पुढाकार..

🎥 Kokan Live Breaking News

✍️ ब्युरो न्यूज : कोकण लाईव्ह ब्रेकिंग

🎴सावंतवाडी, दि-२४:- निसर्ग सौंदर्याने मुक्त हस्ताने उधळण केलेल्या व इतिहासाची परंपरा लाभलेल्या कोल्हापूर जिल्हयातील अनेक ऐतिहासिक स्थळे आपला वेगळेपणचा ठसा उमठविल्या शिवाय राहत नाही. प्रत्येक स्थळावर निसर्गाची खूप मोठी कृपा लाभली आहे. कोल्हापूर जिल्ह्याचा अविभाज्य भाग म्हणजे गडहिंग्लज उपविभागातील नेसरी हे गाव महाराष्ट्र-कर्नाटक सीमेवरील महाराष्ट्राचे शेवटचे टोक, नेसरी खिंडीत छत्रपती शिवरायांचे सरसेनापती प्रतापराव गुजर आणि त्यांच्या सहा शिलेदारांनी आपल्या आत्म बलिदानाने इतिहास अजरामर केला आहे. त्यांच्या शौर्याची आठवण करून देणारी नेसरी पावनखिंड. सात वीरांचे स्मरण व्हावे म्हणून तत्कालीन आमदार तथा राज्य नियोजन मंडळाचे कार्याध्यक्ष स्व. बाबासाहेब कुपेकर यांच्या प्रयत्नातून शासनाने भव्य-दिव्य स्मारक उभारले आहे.

वेडात मराठे वीर दौडले सात या कवी कुसुमाग्रज च्या गीताने अंगावर शहारे उभे राहतात अशा स्थळाला भेट देण्याचा योग आला तो म्हणजे आमचे मीत्र माजी नगराध्यक्ष बबन साळगावकर,माजी नगरसेवक उमेश कोरगांवकर यांच्या मुळेच,या स्थळाला मी,माजी नगराध्यक्ष बबन साळगावकर, माजी नगरसेवक उमेश कोरगांवकर सुरेश भोगटे, सामाजिक कार्यकर्ते सुंदर गावडे यांनी भेट दिली.

प्रतापरावांच्या पराक्रमाची गाथा…… प्रतापरावाचे मूळ गाव रायगड जिल्ह्यातील माणगाव तालुक्यातील ताम्हाणे तर्फ गोरेगाव होते. प्रतापरावांचे मूळ नाव कडतोजी असे होते. शिवरायांच्या सैन्यातील एक शिलेदार म्हणून काम करतच पराक्रमाच्या व जिद्दीच्या जोरावर स्वराज्याचे सरनोबत झाले. कडतोजींचा पराक्रम पाहून त्यांना ” प्रतापराव ” किताब देवून गौरवण्यात आले होते. रणझुंजार प्रतापरावाने वादळ वेगाने झंझावत कार्य करून गनिमांना जेरीस आणले होते.

*नेसरीचा रणसंग्राम* …. . उमराणीच्या लढाईत प्रतापरावांच्याकडून अभय मिळालेला बेहेलोल खान पुन्हा शिवरायांच्या भूमीत धूमाकूळ घालून उपद्रव करू लागला होता. महाराजांचा राज्याभिषेक सोहळा जवळ येत असतानाच “बेहेलोल खान पुन्हा-पुन्हा स्वराज्यावर चालून येत आहे. वेळीच त्याचा बंदोबस्त करावा अन्यथा आम्हास तोंड दाखवू नका अशा आशयाचा खलिता महाराजांनी प्रतापरावांना पाठविला. खलिता हाती येताच प्रतापरावांचे रक्त सळसळू लागले. आपल्या प्राणापेक्षा प्रिय असणा-या महाराजांचा हुकूम पाळायचा या उद्शाने मनात अनेक उलट-सुलट विचार करत प्रतापराव गुर्जर फक्त सहा शिलेदारांसह नेसरी खिंडीत शेकडो सैन्यासह तळ ठोकून बसलेल्या बेहेलोल खानाच्या सैन्यांवर तुटून पडले. तो दिवस होता महाशिवरात्रीचा. मंगळवार ता. 24 फेब्रुवारी 1674 ला सात मर्दानी स्वराज्य रक्षणासाठी आपल्या प्राणांची आहूती देवून नेसरी खिंड पावन केली. प्रतापरावांच्या पराक्रमावर कवी कुसुमाग्रज यांनी लिहिलेले “वेडात मराठे वीर दौडले सात” हे गीत आज देखील कानी पडताच अंगातील रक्त संचारते. आणि प्रतापरावांचा इतिहास जीवंत होतो. त्यांच्या कार्याचे सतत स्मरण व्हावे यासाठी उभारलेल्या स्मारकाला शासनाने पर्यटन स्थळाचा दर्जा दिला. देशाच्या कानाकोप-यातून अनेक इतिहास प्रेमी, पर्यटक व शालेय विद्यार्थी या ऐतिहासिक स्थळाला भेट देतात.

*वेडात मराठे वीर दौडले सात!* छत्रपती शिवरायांचे सरसेनापती प्रतापराव गुर्जर है। महापराक्रमी व प्रतापी वीरपुरुष होते. प्रत्येक रणसंग्रामात शत्रुला अक्षरश: झोडपून काढणारे प्रतापराव म्हणजे एक झंझावत, वादळ होते. स्वराज्याची दीर्घकाळ निष्ठेने सेवा करणाऱ्या प्रतापरावांच्या लढावा सांगणेस इतिहास मुका आहे पण रणगाजीचा ज्ञात इतिहास देदिप्यमान पराक्रमाने भरलेला आहे. * इ.स. १६६० साली शिवरायांच्या घोडदळात गुप्तहेर म्हणून शिलेदारी करणारे प्रतापराव २४ एप्रिल १६६० साली संभाजी

कावजी या स्वकीय महाकाय सरदाराचा द्वंद युध्दात पराभव करतात व १६६३ साली शाहिस्तेखानास सिंहगड हल्यात जबरी भार देतात. * शिवराय आखाच्या कैदेत असताना प्रतापराव समर्थपणे राज्य सांभाळतात. सुटकेनंतर शिवरायांनी सरनौबत केलेले. प्रतापराव बालाघाट, परांडा, हवेली, कलबर्गे, कल्याण,आवसे, उदगिरी, भागानगर (हैद्राबाद) पानशाहीपर्यंतचा मुलुख मारतात.

१७ ऑक्टोबर १६७० च्या दिंडोरी (नाशिक) रणसंग्रामात दाऊदखान व इखलासखान यांचा पराभव करतात. * याच साली बन्हाडातील (विदर्भातील) लाडाचे कारंजे हे समृध्द शहर लूटून स्वराज्यासाठी एक कोटीची संपत्ती आणतात व सुरतेतील दुसऱ्या स्वारीत महकुषसिंग राजपूत या वीस हजार सैन्यासह आलेल्या सरदाराचा पराभव व वध करतात. इतिहास या बुध्दास ‘कर्ण-अर्जुन युध्द’ असे संबोधतो.

फेब्रुवारी १६७२ मध्ये साठ हजार सैन्यासह आलेल्या दिलेरखानाचा साल्हेर येथे पराभव करतात. इंग्लीश लेखक सर डेनीस् किंकडने, “For the First time Maratha had won a pitched battle” असे वर्णन केलेल्या व मोंगलांना हादरवणाऱ्या या मैदानी युध्दास इतिहासात खूप महत्व आहे. * २० हजार सैन्यासह आलेल्या बहलोलखानाचा १५ एप्रिल,

१६७३ रोजी उमराणीजवळ पराभव करणारे प्रतापराव दाती धरून परत न येईन म्हणणाऱ्या बहलोलला धर्मवाट म्हणून सोडून देतात. “काय निमित्य सला (तह केलात ? शिपाईगिरी केलीत, सेनापतीसारखे वागला नाही” असा महाराजांच्या बोलण्याचा सल प्रतापराव मनी धरतात. * नेसरी खिंडीतले बलिदान – महाशिवरात्र, २४ फेब्रुवारी, १६७४

बहलोलने नेसरी कुपे दरम्यानच्या खिंडीत तक देऊन स्वराज्यावर पुन्हा आक्रमण केले तेंव्हा प्रतापराव सामानगड परिसरात होते. त्यांनी महाराजांकडे कुमक मागितली. “हा वरचेवरी येतो, यांसी गर्दीस मेळवून फत्ते करणे, न पेक्षा आम्हासी तोंड दाखविणे नाही” असे महाराज उलट लिहितात. “उपलब्ध सैन्यासह लवून विजयी हा” असा त्याचा अर्थ होता. उनि प्रतापरावांनी आपल्या सहा साथीदारांसह नेसरी खिंडीत बहलोलच्या सैन्यावर हल्ला केला. तुंबळ युध्द झाले व प्रतापरावांचेसह सर्व धारातीर्थी पडले. नेसरी खिंड पावन झाली. शिवावर सात देहांच्या बिल्वदलांचा अभिषेक झाला !

ती तेथल्या टाचा, तीरंग रक्ताचा ॥ क्षितीजावर उठतो अजुनी मेघ मातीचा, अद्याप विराणी कुणी वान्यावर गात ॥ वेडात मराठे वीर दौडले सात !

प्रतापराव गुर्जर व त्यांच्या सहा साथीदारांना मानाचा मुजरा !

.महाराष्ट्राला निसर्ग सौंदर्याची मौल्यवान देणगी लाभली आहे. डोंगर माथ्यांनी नटलेल्या भूमीत अनेक संत, महात्मे, होवून गेले. महाराष्ट्राला ख-या अर्थाने महान राष्ट्र बनविणारे छत्रपती शिवाजी महाराज यांच्या पराक्रमाने व शेकडो शूर-वीर मावळयांच्या बलिदानाने मराठा स्वराज्य उभारले गेले. महाराजांशी निष्ठा व स्वराज्य रक्षणाची तळमळ प्रत्येक मावळ्याच्या नसानसात भिनली होती. शेकडो वीरांच्या शौर्याची साक्ष मातीचा कण आणि कण देत आहे. स्वराज्य रक्षणासाठी प्राणांची आहुती दिलेल्या वीरांच्या आठवणींशिवाय महाराष्ट्राचा इतिहास पूर्ण होत नाही.

*त्या सात योद्धांची नावे*…..

१) विसाजी बल्लाळ. २) दीपोजी राउतराव. ३) विट्ठल पिलाजी अत्रे. ४) कृष्णाजी भास्कर. ५) सिद्धि हिलाल. ६) विठोजी शिंदे ७) आणि सरनौबत कुइतोजी उर्फ प्रतापराव गुजर

*महाशिवरात्री दिवशी कार्यक्रमांचे आयोजन केले जाते*.

समाधी स्थळी काय पहाल….. – समाधी स्थळाच्या मुख्य जागेवर

भव्य व आकर्षक समाधी मंदिर. जवळच पूर्वाभिमूख शिवमंदिर, समोर क्रांती स्तंभ. – बाजूला छत्रपती शिवरायांचा पूर्णाकृती पुतळा. – जवळच यात्री निवास. – समोर आकर्षक तटबंदी व पूर्वाभिमुख प्रवेशद्वार – पुरातण इतिहासाची साक्ष देणारा ओढा आहे. – डोंगर-कपारीत उटलेले घोडयांच्या टापांचे ठसे. – नेसरी बसस्थानक परिसरात लक्षवेधी प्रतापरावांचा अश्वारूढ पुतळा.

*टीप -मंगळवारी स्मारक बंद असते याची शिवप्रेमींनी नोंद घ्यावी*

 

 

*_………..सविस्तर बातमीसाठी खालील लिंकवर क्लिक करा…._*

👇🏻👇🏻👇🏻

 

____________________________

__________________________________

 

*_🥦🛤️सुंदरवाडी म्हणजेच सावंतवाडी.. निसर्गाने नटलेल्या सावंतवाडी मध्ये घर घेण्याचे आपले स्वप्न आता आम्ही पूर्ण करू🏠🏝️_*

 

_✨🏃🏼‍♂️🏃🏼‍♂️सावंतवाडी शहरात अगदी बाजारपेठेपासून हाकेच्या अंतरावर घ्या 🤩तुमचे हक्काचे घर🏘️_

 

▫️1 BHK (Small)-13.28 Lac Onwards

▫️1BHK -14.38 Lac Onwards

▫️2 BHK(Small)- 22.89 Onwards

▫️2 BHK Jumbo Size-25.00 Lac Onwards

 

🥳रजिस्ट्रेशन, स्टॅम्प ड्युटी, जीएसटी आणि कोणतेही अतिरिक्त छुपे चार्जेस नाही सर्व अगदी *”फ्री”🤷🏻‍♂️*

 

*_💸🤩सर्व आघाडीच्या बँक कडून कर्ज सेवा उपलब्ध💸🥳_*

 

*🎴अधिक माहितीसाठी संपर्क:-*

9773815402

9773207862

9561253129

8652678734

 

*🏫पत्ता :-*

CREADAI SAWANTWADI

टीचर्स कॉलनी, न्यू सबनीसवाडा, डोंगरे पाणंद,सावंतवाडी ४१६५१०

———————————————-

*🎴कोकण लाईव्ह ब्रेकिंग व्हाट्सअप ग्रुप*

https://chat.whatsapp.com/FI3hIvhih7mCHz64IDqTeh

 

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_