🟥 संत रोहिदास चर्मकार सेवाभावी संस्थेचे एक दिवशीय लाक्षणिक उपोषण अखेर मागे

🎥 Kokan Live Breaking News

✍️ ब्युरो न्यूज : कोकण लाईव्ह ब्रेकिंग

🎴सावंतवाडी, दि-१६:- चर्मकार समाजातील अरुण जनार्दन चव्हाण रा. आंबोली यांनी त्यांना होत असलेल्या अन्याय अत्याचार बाबत लेखी तक्रार दाखल केली होती संत रोहिदास चर्मकार सेवाभावी संस्थेच्या सिंधुदुर्ग जिल्हाध्यक्ष डॉ प्रदिप बांबर्डेकर यांच्याकडे. बुधवार दिनांक 10 ऑगस्ट रोजी जिल्हाध्यक्ष डॉ प्रदिप बांबांबर्डेकर यांनी याबाबत जिल्हा कार्यकारणी आणि सावंतवाडी कार्यकारणीची ताबडतोब सभा घेऊन अरुण चव्हाण यांच्यावर होत असलेला अन्यायाबाबत विचार मांडले होते तसेच याबाबत प्रशासनाकडून न्याय देण्याबाबत सेवाभावी संस्था अरुण चव्हाण यांना पूर्णपणे पाठिंबा देत असल्याचे सांगितले.

तसेच याबाबत प्राथमिक पायरी म्हणून १५ ऑगस्ट रोजी पंचायत समिती सावंतवाडी येथे उपोषणाबाबत केली होती घोषणा.

ग्रामपंचायत पातळीवरील गावविकास निधीतून १५% लाभ जाणीवपूर्वक न देणे तसेच दारिद्रय रेषेखालील नाव जाणून बुजून कमी करणे तसेच चर्मकार समाजातील सोयी सुविधा पासून श्री अरुण चव्हाण यांना डावलणे यांसारखे प्रश्न प्रलंबित होते .

अरुण चव्हाण यांना जिल्हा कार्यकारणी सोबत राज्य कार्यकरणीने दिला पूर्णपणे पाठिंबा दिला. संस्थेचे राज्याध्यक्ष सन्मा श्री संजयजी कदम यांच्या मार्गदर्शनाखाली १५ ऑगस्ट रोजी सुरू केले होते एकदिवसीय उपोषण..

⏩ *अवघ्या दोन तासातच या उपोषणाची दखल प्रशासनाला घ्यावी लागली*.

⏩ *सावंतवाडी गट विकास अधिकारी वर्ग १ सन्मा श्री वासुदेव नाईक यांनी संस्थेचे राज्याध्यक्ष सन्मा श्री संजयजी कदम साहेब तसेच अन्यायग्रस्त श्री अरुण चव्हाण आणि त्यांचे बंधू श्री सुनिल चव्हाण यांना विचारविनिमय करण्याबाबत बोलाविले कार्यालयात*.

⏩ *सन्मा श्री संजयजी कदम, राज्य संचालक सन्मा श्री अमित चव्हाण तसेच जिल्हाध्यक्ष डॉ प्रदिप बांबर्डेकर, जिल्हा कार्याध्यक्ष सन्मा श्री दत्तकुमार फोंडेकर सर यांनी प्रशासनाला धारेवर धरत अरुण चव्हाण यांच्या वर आंबोली ग्रामपंचायत कार्यालयातील प्रशासन आणि लोकप्रतिनिधी यांच्याकडून होत असलेल्या गलिच्छ वागणूक तसेच जाणून बुजून त्यांच्या समस्याकडे दुर्लक्ष का करतात? एवढी वर्षे अरुण चव्हाण यांना न्याय का देण्यात आला नाही.? संविधान आणि घटनेने प्रत्येक वेक्तीला वेक्तिस्वातंत्र्य, हक्क दिले असून प्रशासन यांनी त्यांची अंमलबजावणी करायची असते, परंतु त्याच प्रकरणात दुसऱ्या समाजातील वेक्तीना वेगळा न्याय आणि चर्मकार समाजाला वेगळा न्याय का? असे अनेक प्रश्न विचारून प्रशासनाला जेरीस आणले*.

⏩ *अखेर याबाबत सखोल चौकशी स्वतः करून तसेच जिल्हाधिकारी यांना लेखी कळवून दोन महिन्यात श्री अरुण चव्हाण यांचा प्रश्न निकाली काढून त्यांना योग्य तो न्याय दिला जाईल असे आश्वासन दिले*.

सुमारे दीड तास चाललेल्या या चौकशीत अनेक प्रश्न, समस्या सावंतवाडी तालुक्यातील समाजबांधव यांच्या प्रलंबित मागण्या याबाबत चर्चा गट विकास अधिकारी सन्मा श्री. वासुदेव नाईक साहेब यांच्याशी करण्यात आली.

दोन महिन्यात अरुण चव्हाण यांना न्याय मिळाला नाही तर संस्थेच्या वतीने आमरण आणि तीव्र उपोषण प्रशासनाविरुद्ध करणार असल्याचे संजय कदम यांनी सांगितले.

या उपोषणाला संस्थेचे राज्याध्यक्ष सन्मा श्री संजय कदम, राज्य संचालक सन्मा श्री अमित चव्हाण, सिंधुदुर्ग जिल्हाध्यक्ष सन्मा श्री डॉ प्रदिप बांबर्डेकर , जिल्हा कार्याध्यक्ष सन्मा श्री दत्तकुमार फोंडेकर सर, जिल्हा सचिव सन्मा श्री अंकुश किंजवडेकर, सावंतवाडी तालुका अध्यक्ष सन्मा श्री अनिल कालेलकर सर, सावंतवाडी तालुका सचिव गजेश चव्हाण, तालुका सहसचिव तसेच मार्गदर्शक सन्मा श्री श्याम वाडकर, तालुका सल्लागार सन्मा श्री रामकृष्ण कोडल्याळ, सदस्य सन्मा श्री महादेव चव्हाण, संस्थेचे सदस्य सन्मा श्री सीताराम जाधव पत्रकार तसेच कोकण दर्शन वेब न्यूजचे सन्मा श्री.आनंद धोंड इत्यादी पदाधिकारी तसेच समाजबांधव, हितचिंतक यांनी या एक दिवसीय लाक्षणिक उपोषणाला पाठिंबा दिला.