🟥 पत्नीबरोबर असलेल्या प्रेमसंबंधांस विरोध केला म्हणून पतीचा खून करणाऱ्या गुन्हेगारास अति. सत्र न्यायाधीश, यांनी दिली जन्मठेपेची शिक्षा..

 

*🎥 Kokan Live Breaking News*

*✍️ ब्युरो न्यूज : कोकण लाईव्ह ब्रेकिंग*

*🎴सावंतवाडी, दि-२२:-* पत्नीबरोबर असलेल्या प्रेमसंबंधांस विरोध केला म्हणून पतीचा खून करणाऱ्या गुन्हेगारास अति. सत्र न्यायाधीश, सिंधुदुर्ग यांनी जन्मठेपेची शिक्षा ठोठावली आहे.

बांदा गडगेवाडी, ता. सावंतवाडी येथील श्री. मकरंद तोरस्कर यांचे घरी भाडयाने – विश्वजीत कालीपद मंडळ, वय ३४ मूळ रा. सरईपूर गोलबाघन, जि. परगणा राज्य पश्चिम‌ बंगाल हा कामगार आपली पत्नी व दोन मुलांसह राहत होता.

सिद्धदोष अपराधी सुखदेव सोपान बारीक, वय ३० रा. उल्हास नदीचे जवळ, रेल्वे पुलाच्या पत्र्याच्या शेडमध्ये, उल्हासनगर, मूळ रा. बाजबेलेनी, ता. गोवरदंगा, जि. उत्तर २४ परगणा राज्य पश्चिम बंगाल याने दि. ०५/०६/२०२१ रोजी मध्यरात्री ०१.०० वा. चे दरम्यान विश्वजीत कालीपद मंडळ याचे घरात प्रवेश करुन, त्याची पत्नी व दोन मुलांना वेडरुममध्ये कोंडून ठेवले आणि मयतास लोखंडी टिकावाने जबर मारहाण करुन त्यांचा खून केला आणि पुरावे नष्ट करुन रेल्वेने पळून गेला. सदर घटनेच्या आधारे बांदा पोलीस ठाण्याचे पोहेकॉ/ संजय हुंबे यांनी सरकारतर्फे फिर्याद देवून बांदा पोलीस ठाणे गुन्हा रजि. क्र. ५९ / २०२१, भा. दं. वि. कलम ३०२, २०१, ३४९ अन्वये गुन्हा दाखल केला होता.

गुन्ह्याचे घटनास्थळी बांदा पोलीस ठाण्याचे तत्कालीन पोलीस निरीक्षक श्री. अनिल जाधव, स्थानिक गुन्हे अन्वेषण शाखा, सिंधुदुर्गचे पथक, फॉरेन्सीक लॅब युनिट, सायबर सेलचे पथक यांनी भेट देवून आवश्यक ते पुरावे गोळा केले. बांदा पोलीस ठाणे व स्थानिक गुन्हे अन्वेषण शाखा यांनी समांतर तपास करुन गुन्हयातील आरोपी सुखदेव सोपान बारीक हाच – असल्याचे निष्पन्न केले व त्यास उल्हासनगर येथून अटक करण्यात आले. त्यास अटक केल्यानंतर त्याने गुन्हयात वापरलेले हत्यार, त्याचे अंगावरील कपडे मेमोरेंडम पंचनामा करुन हस्तगत केले. गुन्हयाचे तपासात आरोपीचे मयत याच्या पत्नीशी प्रेमसंबंध होते व त्या प्रेमसंबंधाबद्दल मयत हा विरोध करत होता, म्हणून आरोपीने मयत यास जिवे ठार मारल्याचे निष्पन्न झाले,

‌ गुन्हयाचे दोषारोपपत्र न्यायालयात दाखल झाल्यानंतर खटला सिद्धदोषापर्यंत पोहचवणे आवाहानात्मक होते. सुनावणी दरम्यान सरकारतर्फे १२ महत्त्वाचे साक्षीदार तपासण्यात आले. आरोपीच्या नातेवाईकांनी मयत यांची पत्नी व मुलांना फितूर करण्याचा प्रयत्न केला होता. तथापि, सरकारी पक्षाच्या वतीने घेण्यात आलेल्या उलट तपासात महत्वाच्या कबुल्या मिळून अखेर सत्य बाहेर आले. तसेच, शासकीय वैदयकिय अधिकारी, वोडाफोन कंपनीचे नोडल ऑफिसर व रेल्वे अधिकारी यांची साक्ष महत्त्वाची ठरली. सरकारी वकीलांनी वेळोवेळी मा. उच्चतम न्यायालयाच्या न्यायनिवाड्यांचा आधार घेतला आणि अखेर क्रूरपणे गुन्हा करणाऱ्या अपराध्यास जन्मठेपेच्या शिक्षेपर्यंत पोहचवले. सदरचा न्यायनिर्णय मा. अति. सत्र न्यायाधीश श्रीम. सानिका जोशी यांनी दिलेला असून आरोपीस भा. दं. वि. कलम ३०२ अन्वये जन्मठेप, भा. दं. वि. कलम २०१ अन्वये ०३ वर्षे सश्रम कारावास, भा. दं. वि. कलम ३४१ अन्वये १ महिना कारावास व एकूण १२५००/- रु. दंड अशी शिक्षा सुनावलेली आहे.

सदर गुन्हयाचे उत्कृष्ट अन्वेषण श्री. अनिल जाधव, तत्कालीन पोलीस निरीक्षक, बांदा पोलीस ठाणे (सध्या नेमणूक कणकवली पोलीस ठाणे), पोहेकॉ विठोबा सावंत, तात्या – कोळेकर, पोहेकॉ / संजय हुंबे, पोकॉ/विजय जाधव यांनी केले. मा. न्यायालयात अभियोग पक्षाच्या वतीने अति. सरकारी अभियोक्ता श्री. गजानन तोडकरी यांनी यशस्वी कामकाज पाहिले. त्यांना सेशन कोर्ट पैरवी अधिकारी, पोलीस उप निरीक्षक श्री. जयराम पाटील. पोहेकॉ / मल्लिकार्जुन ऐहोळी, मपोहेकॉ / सिद्धी वेंगुर्लेकर यांनी विशेष मेहनत घेवून उत्तम कामगिरी केलेली आहे.

सिंधुदुर्ग जिल्हयामध्ये न्यायालयांच्या पटलावर चालणाऱ्या फौजदारी खटल्यांचे पर्यवेक्षण व पृथक्करण करण्यासाठी ट्रायल मॉनिटरींग सेलची निर्मिती करण्यात आलेली आहे. त्या माध्यमातून आम्ही पोलीस ठाणे प्रभारी अधिकारी यांचेकडून मा. न्यायालयातील फौजदारी खटल्यांचा कामकाजाचा दैनंदिन आढावा घेवून गुन्हयातील आरोपींना दोषसिद्धी होण्यासाठी वेळोवेळी सूचना देत आहोत. श्री. नितीन बगाटे, अपर पोलीस अधीक्षक, सिंधुदुर्ग हेही वेळोवेळी संबंधितांना मार्गदर्शन करीत आहेत. गुन्हेगारांना दोषसिद्धी होण्याचे प्रमाण वाढविण्याचे प्रयत्न नियमीत करण्यात येत आहेत.

आम्ही पोलीस अधीक्षक, सिंधुदुर्ग म्हणून गुन्हयाचे तपास अधिकारी व त्यांना सहाय्य करणारे अंमलदार, सरकारी अभियोक्ता व त्यांना सहाय्य करणारे पैरवी अधिकारी व अंमलदार यांनी उल्लेखनीय कामगिरी केलेली असल्याने त्यांचे कौतुक व अभिनंदन करीत आहोत.

 

 

*_………..सविस्तर बातमीसाठी खालील लिंकवर क्लिक करा…._*

👇🏻👇🏻👇🏻

 

____________________________

__________________________________

 

*_🥦🛤️सुंदरवाडी म्हणजेच सावंतवाडी.. निसर्गाने नटलेल्या सावंतवाडी मध्ये घर घेण्याचे आपले स्वप्न आता आम्ही पूर्ण करू🏠🏝️_*

 

_✨🏃🏼‍♂️🏃🏼‍♂️सावंतवाडी शहरात अगदी बाजारपेठेपासून हाकेच्या अंतरावर घ्या 🤩तुमचे हक्काचे घर🏘️_

 

▫️1 BHK (Small)-13.28 Lac Onwards

▫️1BHK -14.38 Lac Onwards

▫️2 BHK(Small)- 22.89 Onwards

▫️2 BHK Jumbo Size-25.00 Lac Onwards

 

🥳रजिस्ट्रेशन, स्टॅम्प ड्युटी, जीएसटी आणि कोणतेही अतिरिक्त छुपे चार्जेस नाही सर्व अगदी *”फ्री”🤷🏻‍♂️*

 

*_💸🤩सर्व आघाडीच्या बँक कडून कर्ज सेवा उपलब्ध💸🥳_*

 

*🎴अधिक माहितीसाठी संपर्क:-*

9773815402

9773207862

9561253129

8652678734

 

*🏫पत्ता :-*

CREADAI SAWANTWADI

टीचर्स कॉलनी, न्यू सबनीसवाडा, डोंगरे पाणंद,सावंतवाडी ४१६५१०

———————————————-

*🎴कोकण लाईव्ह ब्रेकिंग व्हाट्सअप ग्रुप*

https://chat.whatsapp.com/FI3hIvhih7mCHz64IDqTeh

 

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_