🟥 अंमली पदार्थांच्या विळख्यातून सिंधुदुर्ग जिल्हा अंमली पदार्थ विरोधी सप्ताह साजरा करुन सुटणार नाही..

🟥 शाळा, महाविद्यालय, अभियांत्रिकी महाविद्यालयात मोहीम राबवून समुळ उच्चाटन होणे गरजेचे..

🟥 प्रशासनातील अधिकारी गेंड्याच्या कातडीचे असल्याने अंमली पदार्थांचा फैलाव

🎥 Kokan Live Breaking News

✍️ संपादकीय : सीताराम गावडे

🎴सावंतवाडी, दि-२२:- अंमली पदार्थांची विक्री करताना टोळीला अटक, गोव्यात चार किलो गांजा जप्त,गोव्यात बेग तर सावंतवाडीत शेख अंमली पदार्थांचे मूळ हेच,रेल्वे फूटपाथवर चालतो अंमली पदार्थांचा धंदा, तरूणांना अंमली पदार्थांचा विळखा, अंमली पदार्थांच्या सेवनाने दोघांचा मृत्यू, विमानतळावर तीन कोटींचे ड्रग्ज सापडले, दोघांना अटक अशा आशयाच्या बातम्या आपण रोज प्रसारमाध्यमांमध्ये वाचतो, ऐकतो. आजची बहुसंख्य तरुण पिढी अंमली पदार्थांच्या विळख्यात सापडली आहे. पालकांना तरूणांना यापासून रोखण्याची समस्या सतावत आहे. यासाठी शासनही बऱ्याच उपाययोजना, कायदे करत आहे. याचाच एक भाग म्हणून शासनाने अशा पदार्थांवर बंदी घातलेली आहे. तरीही अंमली पदार्थाचे सेवन युवा पिढी प्रामुख्याने करत आहे. या अंमली पदार्थांच्या विळख्यातून सुटका व्हावी, निर्व्यसनी सक्षम पिढी घडावी यासाठीही प्रयत्न केले जात आहेत. अंमली पदार्थाचे दुष्परिणामांची व्हावी तसेच व्यसनाधीनतेला प्रतिबंधात्मक उपाययोजनेची जनजागृती व्हावी

यासाठी दरवर्षी 26 जून हा जागतिक अंमली पदार्थ विरोधी दिन म्हणून साजरा केला जातो,मात्र असे दिन साजरे करुन खरोखरच व्यसन मुक्ती होणार का? सिंधुदुर्ग जिल्हा अंमली पदार्थांच्या विळख्यातून सुटेल का?हा महत्त्वाचा प्रश्न आहे,जो पर्यंत प्रशासनातील अधिकारी गांभिर्याने घेत नाही किंवा हे अंमली पदार्थांचे लोण त्यांच्या घरापर्यंत पोहचत नाही तो पर्यंत हे असेच चालू राहणार असे नाईलाजाने लिहावे लागत आहे.

अंमली पदार्थांच्या युवा पिढी विळख्यात सहजपणे फसतात ते तरुण. एकदा का अंमली पदार्थांची चटक लागली की ती सवय बनायला वेळ लागत नाही. अंमली पदार्थांचा प्रसार रोखला नाहीतर आपली अख्खी एक पिढी उध्वस्त होऊ शकते. कोणत्याही दुष्परिणामांची आणि मृत्यूची फिकर विसरायला लावणाऱ्या अंमली पदार्थांचे सेवन सतत केल्याने अनेकांचे संसार उद्ध्वस्त आहेत तर हातातोंडाशी आलेल्या कित्येक मुलांनी मृत्यूला कवटाळले आहे, त्यांच्या आई वडीलांचा आक्रोश मन हेलावून टाकणारा असतो.आंतरराष्ट्रीय अंमली पदार्थ सेवन विरोधी दिनाचा इतिहास

*अंमली पदार्थ सेवनाची कारणे*

ज्या पदार्थाच्या सेवनाने माणसाला विशिष्ट प्रकारची सुस्ती, नशा किंवा धुंदी येते त्यांना अंमली पदार्थ म्हणतात. अफूपासून मोर्फिन, हेरॉइन आदी नशेले पदार्थ तयार केले जातात. कोकेन, भांग, गांजा, चरस यांचा मादक पदार्थांमध्ये समावेश होतो. तरुणाईला अंमली पदार्थांच्या नशेचे आकर्षण वाटण्याचे पहिले कारण म्हणजे त्यांचा वयोगट . तारूण्य काळामध्ये काही तरी थ्रिलर करावं अशी इच्छा खूप प्रबळ बनलेली असते. लोकांमध्ये आपलं आकर्षण वाटावं यासाठी अनेक तरूण थ्रिलर गोष्टी करताना दिसतात. अशा थ्रिलिंगची प्रचंड क्रेझ असणाऱ्या वयात शरीरामध्ये एखादा अंमली पदार्थ गेल्यास आपण जगापेक्षा कुणीतरी वेगळे आहोत अशी भावना या तरूणांमध्ये निर्माण होते. भारतात अंमली पदार्थाच्या विळख्यात 14 ते 22 वयोगटातील तब्बल 40 टक्के तरूण आहेत.

*अंमली पदार्थाचे दुष्परिणाम*

दारू, सिगारेट, मावा, गुटखा, तंबाखू दुष्परिणाम जगजाहीर आहेतच. ड्रग्ज व इतर व्यसनांचे परिणाम आणखी गंभीर आहेत. अंमली पदार्थांचे सेवन केल्याने शरीराची अन्नग्रहण करण्याची इच्छाच नाहीशी होते, मानसिक आजार जडतात, नजर कमी होते, स्मृतिभ्रंश, मधुमेह जडतो, मेंदूच्या कार्यावर व लैंगिक जीवनावरही परिणाम होतो.

*महाविद्यालय,अभियांत्रिकी महाविद्यालया मध्ये मुलांची तपासणी करण्याची व्यवस्थापणाला परवानगी*

शाळा, महाविद्यालय, अभियांत्रिकी महाविद्यालय, यामध्ये गांजा,चरस, यासारख्या अमली पदार्थांंनी शिरकाव केल्याच्या अनेक घटना उघडकीस आल्या,अभियांत्रिकी महाविद्यालयामध्ये इतर जिल्ह्यातून शिकायला येणारी मुले अशा प्रकारची व्यसने सोबत घेऊन येतात, व त्याचा पसार इतर मित्रांकडून संपूर्ण महाविद्यालयात करतात त्यामुळे महाविद्यालयीन व्यवस्थापनाला अशा संशयित विद्यार्थ्यांची दप्तरे ,बॅगा ,तपासण्याची परवानगी प्रशासनाने दिली आहे या मागचा एकच प्रमाण हेतू आहे की या अमली पदार्थांचे समुळ उच्चाटन होऊन मुलांना समुपदेशन केले जावे, व या गोष्टी महाविद्यालयीन विभाग अतिशय प्रभावीपणे राबवत नाही तोपर्यंत या अंमली पदार्थांचे समुळ उच्चाटन होणार नाही.