🟥 मोती तलावातील गाळ काढण्यासाठी दोन डोजर व चार डंपर वापरणार..

🟥 मोहीम अधिक तीव्र.. कोकण लाईव्ह च्या मागणीला यश… संपादकीय चा इफेक्ट

🎥 Kokan Live Breaking News

✍️ ब्युरो न्यूज : कोकण लाईव्ह ब्रेकिंग

🎴सावंतवाडी, दि.०४:- मोती तलावातील गाळ काढण्याची मोहीम हाती घेतल्या पासून ती एक डोछर व एक डंपर अशा अवस्थेत कासवाच्या गतीने सुरू होती याबाबत कोकण लाईव्ह ब्रेकिंग न्यूज चॅनल ने दोन डोजर व चार डंपर वापरुन मोहीम अधिक तीव्र करण्यात यावी अशी मागणी शिक्षण मंत्री दिपक केसरकर यांच्या कडे केली व याबाबत वस्तुस्थिती जन्य बातमी प्रसिद्ध केली त्याची दखल घेऊन आज पासून ही मोहीऊ अधिक तीव्र करण्यात आली आहे. या पार्श्वभूमीवर गाळ काढण्यासाठी आणखी एक डोजर मागवण्यात आला आहे.

तो डोजर उतरवण्यासाठी दुपारी कॉलेज रोड ब्लॉक करण्यात आला आहे. ही मशीन मोती तलावात उतरवायची आहे. त्यामुळे हा रस्ता बंद करण्यात आल्याची माहिती वाहतूक पोलीस राजा राणे यांनी दिली.

येथील मोती तलावातील गाळ काढण्यासाठी युद्ध पातळीवर प्रयत्न सुरू आहेत. तशा प्रकारचे आदेश शालेय शिक्षण मंत्री दीपक केसरकर यांनी दिले होते. मात्र तिलारी बांधकाम विभागाकडून प्राप्त झालेल्या एकाच मशीनच्या माध्यमातून हा गाळ काढण्यात येत असल्यामुळे हे काम अर्धवट राहण्याची शक्यता आहे. तर दुसरीकडे काही दिवसांनी पाऊस पडणार असल्यामुळे लवकरात लवकर गाळ काढण्यात यावा, अशी मागणी नागरिकांकडून करण्यात आली आहे. या पार्श्वभूमीवर मंत्री दीपक केसरकर यांनी काल जिल्हा व पालिका प्रशासनाला आणखी एक डोजर आणण्याचे आदेश दिले होते. त्यानुसार संबंधित डोजर आज सावंतवाडी दाखल झाला आहे. तो आता मोती तलावाच्या पात्रात उतरला जाणार आहे. त्या पार्श्वभूमीवर रामेश्वर प्लाझा ते राणी पार्वती देवी हायस्कूल हा रस्ता तीन तासासाठी ब्लॉक करण्यात येणार आहे. त्यानंतर तो पूर्व सुरू करण्यात येईल मशिनरी उतरण्यासाठी कोणताही अडथळा येऊ नये यासाठी हा निर्णय घेण्यात आला आहे. असे श्री. राणे यांनी सांगितले.