🟥 “राष्ट्रवादी काँग्रेसच्या आमदाराच्या दाव्यानं राजकीय घडामोडींमध्ये ट्विस्ट? म्हणे, “आम्ही कुठेही सह्या केलेल्या नाहीत, कुणी कुठेही…”,

 

_*🎥 Kokan Live Breaking News*_

*✍️ ब्युरो न्यूज : कोकण लाईव्ह ब्रेकिंग*

*🎴मुंबई, दि-१८ :-* राष्ट्रवादी काँग्रेसचे नेते आणि राज्याचे विधानसभा विरोधी पक्षनेते अजित पवार हे राज्य सरकारमध्ये सामील होणार असल्याच्या चर्चांमुळे राजकीय वर्तुळात खळबळ उडाली आहे. त्यात अजित पवारांकडे राष्ट्रवादीच्या ५३ पैकी ४० आमदारांच्या सह्यांचं पत्रच तयार असल्याचं वृ्त्त ‘द न्यू इंडियन एक्स्प्रेस’नं दिल्यामुळे चर्चांना उधाण आलं आहे. या पार्श्वभूमीवर राष्ट्रवादी काँग्रेसच्या काही आमदारांनी अजित पवार जो निर्णय घेतील, त्याला आमचा पाठिंबा असल्याचं सांगून चर्चेत आणखीन तेल ओतलं असताना दुसऱ्या बाजूला काही आमदार मात्र आपण कुठेही सह्या केलेल्या नसल्याचा दावा करताना दिसत आहेत.

 

*नेमकं घडलं काय?*

गेल्या काही दिवसांपासून अजित पवार राज्य सरकारला पाठिंबा जाहीर करणार असल्याची जोरदार चर्चा चालू होती. त्यात या नव्या वृत्तामुळे अजित पवारांच्या भावी राजकीय वाटचालीवर अनेक तर्क-वितर्क लावले जात आहेत. खुद्द अजित पवार यांनी यासंदर्भात अद्याप कोणत्याही प्रकारची भूमिका जाहीर केलेली नाही. त्यामुळे या चर्चांना अधिकच बळ मिळत असल्याचं पाहायला मिळत आहे. यासंदर्भात राष्ट्रवादी काँग्रेसचे अण्णा बनसोडे, नितीन पवार, कोकाटे अशा काही आमदारांनी अजित पवार जो निर्णय घेतील, तो आम्हाला मान्य असेल, अशा आशयाची विधानं करून चर्चेची नवी राळ उडवून दिली आहे. मात्र, दुसरीकडे पुण्यातील खेडचे राष्ट्रवादी काँग्रेसचे आमदार दिलीप मोहिते पाटील यांनी मात्र कुणी कुठेही सह्या केल्या नसल्याचं विधान केलं आहे.

 

*काय म्हणाले दिलीप मोहिते पाटील?*

आमदार दिलीप मोहिते पाटील यांनी टीव्ही ९ ला प्रतिक्रिया देताना आपली भूमिका स्पष्ट केली आहे. “आम्ही सगळेच आमदार अजित पवार, शरद पवार यांच्या जवळचे आहोत. आम्ही सगळे परवा शरद पवारांच्या कार्यक्रमाच्या निमित्ताने भेटलो होतो. यावेळी शरद पवारांनी असे कोणत्याही प्रकारचे सूतोवाच आम्हाला केलेले नाहीत. त्यानिमित्ताने मी, अतुल बेनके, सुनील, चेतन तुपे असे आम्ही सगळे व्यासपीठावर होतो. आजपर्यंत आम्ही कुणीही कुठे सह्या केलेल्या नाहीत. कुणीही कुठेही गेलेलं नाही. अजित पवारांनी कुणालाही बोलावलेलं नाही. या चर्चा का करतात? यात कुणाला काय साधायचंय? की हा राजकीय स्टंट आहे? याची आम्हाला कुणालाही कल्पना नाही”, असं दिलीप मोहिते पाटील म्हणाले आहेत.

 

“माझं राजकीय जीवन शरद पवार आणि अजित पवारांमुळे घडलंय. मी पवार कुटुंबासोबतच शेवटपर्यंत राहणार नाही. शरद पवारांचं वय ८३ वर्षं आहेत. आपण का त्यांच्या कुटुंबात गट पाडताय? ज्यांनी आयुष्यभर कुटुंबाला सोबत घेऊन राजकारण केलंय, अजित पवारांनी सातत्याने सांगितलंय की शरद पवार आपले दैवत आहेत, असं असताना पक्षात कोणता गट राहील असं वाटत नाही. जेव्हा तशी परिस्थिती निर्माण होईल, तेव्हा मी सांगेनच”, असंही मोहिते पाटील म्हणाले.

 

*“अजित पवार जातील असं वाटत नाही”*

दरम्यान, काहीशी याच प्रकारची प्रतिक्रिया राष्ट्रवादी काँग्रेसचे आमदार सुनील भुसारा यांनी दिली आहे. “आम्ही सर्वजण मिळून शरद पवार यांच्याबरोबर आहोत आणि मिळून राहू. अजित पवार आणि शरद पवार यांच्यात वडिल, मुलाचं नात आहे. सुप्रिया सुळे, जयंत पाटील जितेंद्र आव्हाड हा आमचा परिवार आहे. त्यामुळे अजित पवार जातील असं वाटत नाही. भाजपा अजित पवारांना गळाला लावत आहे, हे सुद्धा वाटत नाही. लोकांच्या मागण्या, जनतेचे प्रश्न, शेतकऱ्यांचे प्रश्न यासाठी अजित पवार मुख्यमंत्री आणि उपमुख्यमंत्र्यांची भेट घेत असतात”, असं सुनील भुसारा म्हणाले.

 

 

*_…………..सविस्तर बातमीसाठी खालील लिंकवर क्लिक करा…._*

👇🏻👇🏻👇🏻

 

____________________________

 

 

 

 

*_🥦🛤️सुंदरवाडी म्हणजेच सावंतवाडी.. निसर्गाने नटलेल्या सावंतवाडी मध्ये घर घेण्याचे आपले स्वप्न आता आम्ही पूर्ण करू🏠🏝️_*

 

 

*🥳स्वप्नातलं घर ….आवाक्यातला घर🏬 ….एकच नक्षत्र रेसिडेन्सी🥳*

 

 

*🎦Kokan Live Breaking||Advertise*

 

 

_✨🏃🏼‍♂️🏃🏼‍♂️सावंतवाडी शहरात अगदी बाजारपेठेपासून हाकेच्या अंतरावर घ्या 🤩तुमचे हक्काचे घर🏘️_

 

*🏬नक्षत्र रेसिडेन्सी🏬*

_सावंतवाडी_

 

*🏬Ready Possession Flat’s Available*

 

*🏃🏼‍♂️वेळ दवडू नका आजच आपले हक्काचे घर बुक करा*

 

*🎴अधिक माहितीसाठी संपर्क:-*

9422054540

9422075777

 

*🏫पत्ता :-*

*Nakshtra Residency*

भटवाडी रोड, लक्ष्‍मीनारायण मंदिर,

रॉयल गार्डन शेजारी,सावंतवाडी ४१६५१०

 

*▪️ऑफिस पत्ता:-*

UG/35,Laxminakshtra Tower

Kudal, Dist. Sindhudurg

 

———————————————-

*🎴कोकण लाईव्ह ब्रेकिंग व्हाट्सअप ग्रुप*

https://chat.whatsapp.com/FI3hIvhih7mCHz64IDqTeh

 

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_