🟥 वन्य प्राण्यांपासून होणाऱ्या शेतकऱ्यांच्या नुकसान भरपाई तसेच हत्तीहटाव मोहिमे संदर्भात तात्काळ कारवाई करावी..

 

🟥 उद्धव बाळासाहेब ठाकरे शिवसेनेची वनक्षेत्रपाल दोडामार्ग यांच्याकडे मागणी..

🟥 येत्या पंधरा दिवसांत योग्य ती कारवाई न झाल्यात तीव्र आंदोलन छेडण्यात येईल ; उद्धव बाळासाहेब ठाकरे शिवसेनेचा इशारा..

🎥 Kokan Live Breaking News

✍️ प्रतिनिधी : प्रतिक राणे

🎴दोडामार्ग, दि-०५:- तालुक्यातील दुर्गम भागातील हेवाळे, घाटीवडे, केंद्रे, मांगेली, तेरवण, भेकुर्ली, केर निडलवाडी, मोर्ले, घोटगेवाडी या गावातील शेतकऱ्यांना वन्य प्राण्यांपासून मोठ्या प्रमाणात त्रास सहन करावा लागत आहे. येथील शेतकरी सोसायटी तसेच लोकांकडून उधारी रक्कम घेऊन मोठ्या प्रमाणात शेती बागायतीमध्ये काबाडकष्ट करुन आपली आर्थिक स्थिती मजबुत करण्याचे स्वप्न पाहू लागले आहेत. परंतू हत्ती, गवा रेडे, माकड वगैरे प्राणी शेतकऱ्यांचे अतोनात नुकसान करुन शेतकऱ्यांची स्वप्ने धुळीस मिळवत आहेत. तरी शेतकऱ्यांना वन्य प्राण्यांच्या होणाऱ्या नुकसानीपासून बाचावासाठी वनविभागाने तातडीने कार्यवाही करावी अशी मागणी उद्धव बाळासाहेब ठाकरे शिवसेनेने दोडामार्ग वनक्षेत्र पाल यांच्याकडे लेखी निवेदनाद्वारे केली आहे.

या निवेदनात त्यांनी खालील मागण्या केल्या आहेत.

 

१. नेटवर्कच्या समस्येमुळे वन्य प्राण्यांपासून होणा-या नुकसानीच्या पंचनाम्याचा अर्ज ऑनलाईन न करता ऑफनाईन करण्यात यावा…

 

२. शासनाच्या जीआर नुसार फळ पिकांच्या नुकसानी प्रमाणे रक्कम अदा करणे. सद्यस्थितीत जीआर नुसार केळी पिकाला १२० /- प्रती झाड नुकसान भरपाई असून वनविभागाकडून वयोमानाप्रमाणे ३० ते ८० रुपयांप्रमाणे नुकसान भरपाई शेतक-यांना देऊन त्यांची चेष्टा करत आहेत.

 

३. शासनाच्या रोजगार हमी योजनेअंतर्गत जी फळ पिके फळझाडे येतात त्यांचा समावेश नुकसान भरपाई मध्ये करावा.

 

४. वन्य प्राणी माकड साळींदर, शेकरु इत्यादींनी केलेल्या नुकसानीची नुकसान भरपाई शासनाकडून मिळत नाही तरी सदरच्या प्राण्यांकडून झालेली नुकसान भरपाई शेतक-यांना मिळावी.

 

५. वन्यप्राणी हत्तींनी केलेल्या कुंपणाच्या नुकसानीची भरपाई मिळकत नाही ती नुकसान भरपाई मिळावी.

 

६. नारळ, सुपारी सारख्या बहुवार्षिक पिकांना अनुक्रमे ४८०० व २८०० एवढी तुटपूंजी रक्कम मिळते परंतू ही झाडे वर्षाला हजारो रुपयांचे उत्पादन देतात. या झाडांची वन्य प्राण्यांनी केलेल्या नुकसानीची भरपाई जास्तीत जास्त देण्यात यावी.

 

७. हत्तींच्या बंदोबस्तासाठी वन हाकारे निवडलेले आहेत त्यांना पूर्वी ९ हजार रुपये मानधन मिळत होते सध्या सदर मानधन ५,२००/- मानधनावर हाका-यांना रहावं लागत आहे तरी वन हाका-यांना पुर्वीप्रमाणे ९ हजार मानधन करावे.

 

८. वन्यप्राण्यांनी केलेल्या नुकसान भरपाईची रक्कम मिळण्यास विलंब होत असल्यामुळे शेतक-यांना भरपाई तात्काळ देण्यात यावी.

 

९. शेतक-यांच्या वडिलोपार्जित जमिनीवर वनविभागाने वनसंज्ञासारखे जाचक कायदे लागू केलेले आहेत सदरच्या जमिनी पुनर्स्थापित झालेल्या असून त्या शेतक-यांना परत करावयाच्या आहेत. या जमिनीमध्ये फळपिकांची लागवड करण्यास वनविभागाने बंदी घातलेली आहे. सदर जमिनीमध्ये शेतक-यांना शेतीपुरक उद्योग सुरु करण्यास शासनाने सहकार्य करावे.

 

१०. हत्तींसारख्या वन्य प्राण्यांमुळे शेतकरी हवालदील झालेला असून शेतीपासून वंचीत राहिल्यामुळे त्यांचे लाखों रुपयांचे नुकसान होत आहे त्यामुळे हत्तींसारख्या वन्यप्राण्याचा कायमस्वरुपी बंदोबस्त करावा. तसेच हत्ती हटाव मोहिमेसंदर्भात त्वरीत कार्यवाही करण्यात यावी.

अन्यथा येत्या पंधरा दिवसांत हत्तीबाधीत शेतक-यांसोबत शिवसेना तीव्र आंदोलन करणार आहे. याची प्रशासनाने नोंद घ्यावी अशा विविध मागण्यांचे पत्र उद्धव बाळासाहेब ठाकरे शिवसेनेने वनक्षेत्रपाल यांना दिले आहे.यावेळी शिवसेनेचे तालुकाप्रमुख संजय गवस,युवा सेना तालुकाप्रमुख मदन राणे,युवा सेना तालुका संघटक संदेश राणे, उपजिल्हाप्रमुख विनिता घाङी,तालुका प्रमुख श्रेयाली गवस, कोनाळ विभाग प्रमुख संतोष मोर्ये, उप तालुका प्रमुख

संदेश गवस,उप तालुकाप्रमुख मिलिंद नाईक , शिवसैनिक संदेश वरक, महिला शिवसेना दोडामार्ग

नीना कुबल, युवा सेना शहर प्रमुख ओमकार कुलकर्णी, युवा सेना सचिन केसरकर आदी उपस्थित होते.