🟥 रामचंद्र सावंत मित्रमंडळाच्या वतीने मोफत आरोग्य शिबीर व सामाजिक क्षेत्रात उल्लेनीय कामगिरी करणाऱ्यांचा करण्यात आला सत्कार..

🎥 Kokan Live Breaking News

✍️ प्रतिनिधी : प्रतिक राणे

🎴दोडामार्ग, दि -०५:– तळकट प्राथमिक आरोग्य केंद्रा मध्ये रामचंद्र सावंत मित्रमंडळाच्या वतीने मोफत आरोग्य शिबीराचे आयोजन करण्यात आले होते.या कार्यक्रमा निमीत्त सामाजिक क्षेत्रात उललेखनीय कामगिरी करणाऱ्यांचा सत्कर देखील करण्यात आला. हे मित्रमंडळ समाज सेवा म्हणून काम करत आहे याचं प्रेरणास्थान संदेश पारकर व पत्रकार सीताराम गावडे हे आहेत.

राष्ट्रवादी काँग्रेस पार्टीचे कोकण विभाग महिला अध्यक्ष सौ.अर्चना घारे परब यांच्या हस्ते या आरोग्य शिबीराचे उद्घाटन करण्यात आले. तळकट आणि तळकट परिसरातील ग्रामस्थांसाठी विविध आजारांचे निदान व त्यावर मोफत उपचार देण्यासाठी या शिबीराचे आयोजन रामचंद्र सावंत (मजी सरपंच, विद्यमान तंटामुक्ती अध्यक्ष) मित्रमंडळाच्या वतीने करण्यात आले होते.

या शिबीरासाठी डॉ. अम्बापुरकर (मेंदू तज्ञ), डॉ. नंदादीप चोडणकर (मधुमेह तज्ञ), डॉ.विशाल पाटील (नेत्र तज्ञ), डॉ. चिपळूणकर व त्यांच्या सहकाऱ्यांनी या शिबिरात चांगली सेवा दिली.तळकट व परिसरातील ग्राम्थांनी या शिबिराचा लाभ घेतला.

या शिबिराचे औचित्य साधून निवृत्त पोलीस पाटिल विठू देसाई, क्रिकेट मध्ये विशेष प्रावीण्य मिळवलेल्या निखिल नाईक, प्रथमेश गावडे, यश मळीक, वैभव नांगरे, शुभम बोंद्रे अतिशय कमी वयात समालोचक म्हणुन ठसा उमटविला असे कु.आशिष देसाई, अंगणवाडी सेविका सुप्रिया पावसकर,तसेच तळकट आरोग्य केंद्राचे वैद्यकीय अधिकारी डॉ. तुषार चिपळूणकर याचांही रामचंद्र सावंत आणि मित्रमंडळाच्या वतीने सत्कार करण्यात आला. या उपक्रमाचे उपस्थितांमधून तोंड भरून कौतुक करण्यात आले.या वेळी तळकट मुंबई मंडळाचे अध्यक्ष दिपक मळीक , सह्याद्री फाऊंडेशनचे कार्यकर्ते यांचाही सत्कार करण्यात आला. शिवप्रतिषठान आणि संभाजी ब्रिगेड यांचा देखील सत्कार करण्यात आला. या वेळी तळकट उपसरपंच रमाकांत गवस, गावचे पोलीस पाटील आदी उपस्थित होते. शेवटी प्रविण परब यांनी आभार प्रदर्शन केले.