🟥 जि.प.सिंधुदुर्ग जिल्ह्याच्या प्राथमिक शिक्षण विभागातील प्राथमिक शिक्षकांच्या रिक्त पदांवर सिंधुदुर्ग जिल्ह्यातीलच स्थानिक डी.एड/डी.टी.एड उमेदवारांना नियुक्ति मिळावी..

*🟥 युवासेना तालुकाप्रमुख योगेश धुरी यांची मागणी..*

_*🎥 Kokan Live Breaking News*_

*✍️ ब्युरो न्यूज : कोकण लाईव्ह ब्रेकिंग*

*🎴सिंधुदुर्ग, दि-२८:-* आज जिल्हा परिषद प्राथमिक शिक्षण विभागामध्ये प्राथमिक शिक्षकांच्या सुमारे ५७६ च्या वर पदे रिक्त असल्याचे समजते. सद्यस्थितीत एकट्या सिंधुदुर्गात आणि बदली होऊन जाणाऱ्याना कार्यमुक्त केल्यास हीच संख्या १००० च्या वर निश्चित जाईल तरी सदर पदावर बदली करून जाण्यास तयारीत असणाऱ्यांना कार्यमुक्त करून संपूर्ण रिक्त पदांचा पुन्हा आढावा घेऊन स्थानिक डी.एड बेरोजगार यांना सामावून घ्यावे असे जिल्ह्यातील प्रत्येक डी एड धारकाचे स्पष्ट मत आहे कारण गेली दहा वर्षे भरती प्रक्रिया पूर्णपणे बंद असल्याने अनेक
डी.एड धारकांचे आयुष्य देशोधडीला लागले आहे. काहींची नोकरीची आयु मर्यादा संपुष्टात येण्याच्या मार्गावर आहे .त्यामुळे भरतीसाठी असणारी वयोमर्यादा वाढविणे अत्यंत गरजेचे आहे.स्थानिक डी.एड धारकांची भरती करून स्थानिकांना न्याय द्यावा हीच आमची तसेच जिल्ह्यातील डी.एड धारकांची बेरोजगारांची कळकळीची मागणी आहे.
सरसकट सर्व डी एड पदविका धारकांना TET उत्तीर्ण चे निकष शिथिल करून शथिल करून सरळ अभियोग्यता चाचणी (TAIT) परीक्षेस बसण्याची संधी द्यावी आणि अभियोग्यता परीक्षा (TAIT) मेरिट वर सेवेत जे रुजू होतील
त्या दिवसापासून ५ वर्षाच्या मुदतीत पात्र होण्यासाठी आवश्यक असणारी TET परीक्षा उत्तीर्ण होण्याची संधी द्यावी,मुदतीत पास न झाल्यास सेवेतून मग कमी करण्यात यावे.

◆ भरती ही बोलीभाषा, डोंगरी भाग, स्थानिक बोलीभाषा ससंवर्धन,बदली मुळे होणारी रिक्त पदे टाळण्यासाठी
विभागीय भरती प्रक्रिया राबिण्यात यावी, MPSC प्रमाणे विभागवार मेरिट लिस्ट लाऊन स्थानिकांना किमान
७०% पदे राखीव ठेऊन भरती व्हावी.
हेही शक्य नसल्यास निदान कोकणवासीयांवरचा होणारा अन्याय लक्षात घेऊन, स्वतंत्र कोकण
विभागाची भरती साठी वेगळा शासन निर्णय वेळीच घ्यावा.

◆१० वर्षे न झालेली भरती,आणि आता २ वर्षाचा कोरोना काळ यामुळे वयोमर्यादा ओलांडून कित्येक उमेदवार
बाद ठरतील यासाठी त्यांना संधी मिळावी म्हणून भरतीची वयोमर्यादा वाढवण्यात यावी.

◆या मागण्या डीएड आणि डिटी एड च्या उमेदवार यांच्या वतीने आमच्या आहेत या मागण्यांचा सहानुभूतीपूर्वक,जाणीवपूर्वक विचार करून येथील स्थानिकांना न्याय द्यावा.

◆अन्यथा युवासेना खंबीरपणे त्यांच्या पाठीशी उभी राहून त्यांना न्याय देण्यासाठी प्रसंगी रस्त्यावर उतरून आंदोलन करेल.

◆ह्या मागण्या जर पूर्ण झाल्या नाहीत तर शिक्षणमंत्री हे जिल्ह्यातील असून त्याचा फायदा काय ?