🟥 सिंधुदुर्गातील चतुर्थ श्रेणी कर्मचाऱ्याची दोन मुले एम्.डी. परीक्षेत यशस्वी..

 

*🟥 कणकवली येथील पाताडे कुटुंबाच्या संघर्षमय प्रवासाचे महाराष्ट्रभर कौतुक..*

_*🎥 Kokan Live Breaking News*_

*✍️ ब्युरो न्यूज : कोकण लाईव्ह ब्रेकिंग*

*🎴सिंधुदुर्ग, दि-२४:-* जिल्ह्यातील कणकवली एस एम हायस्कूलचे चतुर्थश्रेणी कर्मचारी श्री. शाम पाताडे यांच्या दोन मुलांनी एम.डी. परीक्षेत घवघवीत यश संपादन केले आहे. यासाठी संपूर्ण कुटुंबाला संघर्षमय प्रवास करावा लागला. त्याबद्दल डॉ. कु. सुरज पाताडे आणि डॉ. कु. पूजा पाताडे या दोन्ही भावंडांसह त्यांच्या आई-वडिलांचे सर्व स्तरातून कौतुक होत आहे.

महाराष्ट्र आरोग्य विज्ञान विद्यापीठ, नाशिक यांच्या मार्फत घेण्यात आलेल्या परीक्षेचा निकाल 18 फेब्रुवारी 2023 रोजी जाहीर झाला असून यामध्ये प्रवरा मेडिकल ट्रस्टचे आयुर्वेद महाविद्यालय आणि श्री एकनाथ आयुर्वेद रुग्णालय शेवगाव चा विद्यार्थ्यी कु. सूरज शाम पाताडे याने आयुर्वेद वाचस्पती (एम.डी. आयुर्वेद) कौमर भृत्य-बाल रोग-विंटर-2022 या विषयात तर आर.ए. पोदार मेडिकल कॉलेज (आयु.) वरळी, मुंबई ची विद्यार्थ्यांनी कु. पूजा शाम पाताडे हिने आयुर्वेद वाचस्पती (एम.डी. आयुर्वेद) रसशास्त्र इवम् भैशज्य कल्पना या विषयात भरघोस गुण मिळवून यश मिळविले आहे. घरची आर्थिक परिस्थिती बेताची असून देखील दोन्ही भावंडांच्या मेहनतीचे आणि त्याच्यासाठी आई-वडिलांनी घेतलेल्या कष्टाचे चीज झाल्याने संपूर्ण महाराष्ट्रभर नातेवाईक आणि मित्रमंडळी परिवारातून पाताडे कुटुंबाचे कौतुक होत आहे.

 

*डॉ. सुरज आणि डॉ. पूजा यांचे एम.डी. होण्यामागचे रहस्य..*

दरम्यान श्री. शाम पाताडे यांच्या जिवनाची सुरुवात जिल्ह्यातील देवगड येथील एका चिरेखाण कामगार पासून झाली, तर पत्नी सौ. शितल पाताडे यांनी संसाराला हातभार लावावा या हेतूने कणकवली शहरातील बेकरी कारखान्यात काम करायला सुरुवात केली. या कालावधीत या दोन्ही उभयतांना तीन मुली आणि एक मुलगा अशी एकूण चार गोंडस मुलं जन्माला आली. प्रामाणिक मेहनत आणि परमेश्वरावर नितांत श्रद्धा असल्यामुळे श्री. शाम पाताडे यांना कणकवलीतील एस.एम. हायस्कूल मध्ये चतुर्थश्रेणी कर्मचारी पदाची नोकरी मिळाली आणि त्यांच्यातील चिरेखाण कामगाराला पूर्णविराम लागला. शिक्षण घेत हळूहळू मुलं मोठी होत होती, तसतसा काळ पुढे सरकत होता. मात्र देवाच्या मनात काही वेगळेच होते. इयत्ता दहावीच्या परीक्षेनंतर दुर्दैवाने श्री. पाताडे यांची चार नंबरची मुलगी कु.कै. रेश्मा पाताडे देवाघरी निघून गेली आणि संपूर्ण कुटुंबावर भलीमोठी दुःखाची कुऱ्हाड कोसळली. हा त्यांच्या जीवनातील आत्तापर्यंतचा सर्वात मोठा आघात होता. उर्वरित तीन मुलांना घडविण्यासाठी या परिस्थितीतून ते कसेबसे सावरले परंतु तिची आठवण आली की, ते आजही भावुक होतात.

 

ते म्हणतात डॉ. पूजा आणि डॉ. सुरज या दोन्ही मुलांचा मेडिकल प्रवेश खुप आश्चर्यकारक असाच आहे. कुठल्याही प्रकारचा क्लास न घेता, शाळेत जे काही शिकवले जायचे ते मनःपूर्वक आत्मसात केले आणि घरी आल्यावर त्याचा मन लावून अभ्यास केला. घरात तसं जास्त शिकलेलं कुणीही नाही, मोठी मुलगी महाविद्यालयात शिकत होती, कु पुजा ही बारावीला आणि कु. सुरज हा दहावीत शिकत होता कु. पुजा हीला बारावीला अत्यंत चांगल्या प्रकारे मार्क्स मिळाले तसेच तिला C.E.T मध्ये देखील चांगले मार्क्स मिळाले. नंतर मुंबई येथे प्रवेश फॉर्म भरुन वैद्यकीय क्षेत्रात जायचा निर्णय घेतला. मात्र त्याकरीता लागणारा पैसा कुठून आणायचा हा प्रश्न अनूत्तरच होता, कारण कौटुंबिक परिस्थिती फारच बिकट होती, परंतु परीस्थिती पुढे हार मानायची नाही अशी भूमिका घेतली आणि मुलांना शिकवून मोठं करायचं हेच ध्येय मनात बाळगून कु. पुजा हीला कै. भाईसाहेब सावंत आयुर्वेदिक महाविद्यालय सावंतवाडी येथे B.A.M.S येथे प्रवेश मिळाला, त्यावेळी आभाळ ठेंगणे असंच वाटलं होतं, परंतु तिच्या प्रवेशासाठी लागणारी फी पतपेढीच कर्ज काढून भरली.

 

आता कु. सुरज बारावीत शिकत होता, दिवस भराभर जात होते. तसतशी त्याच्या पुढील शिक्षणाची काळजी वाटत होती. कोणत्याही परिस्थितीत मुलाला डॉक्टर करायचं असा मानस मनात होता, पण त्यासाठी लागणारा पैसा हाती नव्हता त्यामुळे रात्रभर झोप लागायची नाही. सुदैवाने मुलगा अत्यंत चांगल्या मार्क्सने बारावी पास झाला. त्यानंतर C.E.T. आणि Aso C.E.T परीक्षा त्याने दिली. त्यातही त्याला चांगले मार्क्स मिळाले आणि मुलाला B.A.M.S साठी कै. भाईसाहेब सावंत आयुर्वेदिक महाविद्यालय सावंतवाडी येथे प्रवेश मिळाला, मात्र इथेही तिच परिस्थिती निर्माण झाली, प्रवेश फी भरायला पैसे मिळत नव्हते, काय करायचं समजत नव्हतं, पतपेढीच कर्जही मिळत नव्हते आतातर खुपचं खचून गेलो होतो, त्यावेळी एक खुप कठोर निर्णय घेतला, प्रथम पत्नीला याबाबतची सर्व हकीकत सांगितली आणि प्रवेशाच्या शेवटच्या दिवशी पत्नीच्या गळ्यातील एकमेव शिल्लक असलेलं मंगळसुत्र विकून मुलाचा वैद्यकीय प्रवेश मिळवून दिला. असे श्री. पाताडे म्हणाले.

 

दरम्यान कु. पुजा ही तीसऱ्या वर्षाला शिकत होती, तर कु. सुरज पहील्या वर्षाला शिकत होता योगायोगाने दोन्ही मुलं एकाच महाविद्यालयात आणि तेही सिंधुदुर्ग जिल्हातच शिकत होती. त्यांना इतर खर्चाला लागणारा पैसा आणि घरखर्चही एक तारेवरची कसरतच होती. कुणाकडून उसने पैसे घेतल तर ते परत करणे झेपणारे नव्हते पत्नी सौ. शितल बेकरी कारखान्यात कामाला जायची तिला कधी काम असायचं तर कधी कधी चार-चार दिवस काम नसायचं त्यातून चार पैसे यायचे ते घरखर्च कसाबसा चालवून मुलांचा खर्च वारंवार पतपेढी कर्जातून करायचो बघता-बघता मुलाच पहील वर्षं पुर्ण झालं आणि मुलीचं B.A.M.S. पुर्ण झालं. आता मुलांची दुसऱ्या वर्षाची फी भरायची वेळ आली, नेहमीप्रमाणे फी भरण्यासाठी पैसे नव्हते, तेव्हा काय करावं हा विचार मनात वांवरु लागला, अखेर नाविलाजास्तव टू व्हिलर (स्पेंडर गाडी) विकायला काढली आणि त्यातून मुलांची फी भरली, असे श्री. पाताडे यांनी सांगितले.

 

ते पुढे सांगतात, मुलगीचं शिक्षण झालं होतं, तीला दवाखाना काढून दिला, तो तसा जेमतेमच चालायचा कारण नवीन डॉ. जवळ शक्यतो जास्त रूग्ण जात नाहीत, त्यातून लहान मुलगी परंतू जे रूग्ण यायचे ते पुन्हा दुसरीकडे जायचे नाहीत. त्यांना चांगला गुण यायचा आणि डॉ. पुजा अत्यंत प्रेमळ स्वभावाची असल्याने रूग्ण तपासणीसाठी तिच्याकडे यायचे आणि ते टिकून राहायचे परंतु एकाच गावात तीन डॉक्टर असल्यामुळे डॉ. पुजाचा दवाखाना जेमतेमच चालत होता.

 

या दरम्यान च्या काळात मुलाचंही शिक्षण पुर्ण झालं होतं. पण आता मुलांनी एम्.डी. करावं अशी दाट इच्छा होती. त्यानंतर पुढील परीक्षेची तयारी चालू केली. परीक्षा पुणे येथे होती, ती परीक्षा दोन्ही मुलांनी दिली, त्यातही दोन्ही मुलांनी आपला ठसा उमटवला. जसजशी गुणवत्ता यादीची तारीख जवळ येत होती तसतशी मनात धडधड वाढत होती. एम्.डी. म्हणजे साधी गोष्ट नाही याची जाणिव होत होती. केंद्रीय स्तरावर भाग घेण्यासाठी 12 हजार रूपये भरावे लागत होते, ते इकडून तिकडून जमा करून मुलीकरीता केंद्रीय स्तरावर भरले. मात्र मुलाकरीता पैसे नसल्याने राज्य स्तरावरच समाधान मानावे लागले, केंद्रीय स्तरावर मुलीचं नाव उस्मानाबाद येथील शासकीय महाविद्यालयाला प्रवेश मिळाला त्यानंतर तीन दिवसांनी राज्यस्तरावर मुंबई येथील पोदार महाविद्यालय येथे प्रवेश मिळाला. परंतु आम्ही कुटुंबियांनी मुंबई महाविद्यालय पसंद केलं. त्यामुळे केंद्रीय स्तरावरील 12 हजार रुपये फुकट गेले. मुलाचं नाव प्रवरा वैद्यकीय महाविद्यालय शेवगाव (खाजगी) येथे लागलं. आता प्रवेश कसा घ्यायचा हाच प्रश्न होता, कारण P.F. अग्रीम साठी प्रस्ताव सादर केला होता, त्यातून दोघांपैकी एकाचाच प्रवेश होवू शकत होता, मात्र मुलाचं काय? शेवटी सर्व काही परमेश्वरावर भरवसा ठेवून मुलाला वैद्यकीय शिक्षणाचे धडे देणारे प्राध्यापक मा.श्री. दळवी सर आणि मा.श्री. चोडणकर सर तसेच मित्र श्री. गजानन नानचे यांनी पैसे दिले आणि मुलाचा एम्.डी. प्रवेश झाला तर मुलीचा प्रवेशाला लागणारे पैसे अग्रीम साठी केलेली मागणी वेळेत मिळाली नसल्याने ते पैसे चतुर्थश्रेणी सहकारी श्री. साबाजी मेस्त्री यांनी पतपेढी कर्ज काढून दिले अशा प्रकारे एम्.डी. प्रवेश झाला. असे श्री. पाताडे यांनी सांगितले.

 

आज दोन्ही मुलं एम्.डी. झाली, याचं मनाला समाधान वाटत आहे. ज्यांनी-ज्यांनी अडचणीच्या काळात मदत केली त्याचे पैसे परत केले. परंतु आज मुलं त्यांच्या मुळेच एम्.डी. होवू शकली हे विसरून चालणार नाही. अलीकडेच काही कारणास्तव एस.एम कॉलेज मधील नोकरीचा राजीनामा दिला असून सध्या सर्व कुटुंबीय मुंबई येथे राहत आहोत. अलीकडेच डॉ. पुजाचं लग्न ठरलं असून येत्या काही दिवसांतच ती विवाहबद्ध होणार आहे आणि डॉ. सुरज आता अत्यंत चांगल्याप्रकारे कमाई करत आहे. अडचणीच्या वेळी मी जे-जे गमावलं कींबहूना त्याही पेक्षा जास्त तो सध्या कमावत असून त्याला सिंधुदुर्ग जिल्ह्यातील लहान मुलांच्या उपचाराकरिता बालरोग तज्ञ म्हणून काम करायचे असल्याची माहिती श्री. पाताडे यांनी दिली.

 

माणसाचे विचार चांगले असले की, कोणत्याही संकटावर सहज मात करता येते. अपयश आलं म्हणून निराश न होता त्याला धैर्याने सामोरे गेले पाहिजे, पाताडे कुटुंबीयांनी परीस्थिती पुढे हार मानली नाही, तर परीस्थितीला हरवून ते आज जिंकले आहेत, असं ते आत्मविश्वासाने सांगतात.

 

 

*_………….सविस्तर बातमीसाठी खालील लिंकवर क्लिक करा…._*

👇🏻👇🏻👇🏻

 

____________________________

*_सिंधुदुर्ग जिल्हयात प्रथमच १९६५ पासून ग्राहकांच्या सेवेत असलेले बाळकृष्ण आता वेगळ्या रूपात दाखल …_*

 

🎊 *बाळकृष्ण* 🎊

*🍨नॅचरल आईस्क्रीम पार्लर🍨*

 

*🍨स्पेशल नॅचरल आईस्क्रीम मेन*

🔸चिकू

🔹टेंडर कोकोनट

🔸गुलकंद

🔹रोस्टेड ऑलिंपिक

🔸सिताफळ

🔹ओरिओ

 

*▪️ठिकाण:* चिटणीस कॉम्प्लेक्स मेनरोड, सावंतवाड़ी

 

💫 *प्रोप्रा. शांता चेतन नेवगी* 💫

 

*🍎🍊ओरिजनल फळाचा*🍐🍏 तोच *स्वाद* 😋पण *नैसर्गिक पद्धतीने…* 🌳🌴

———————————————-

*🎴कोकण लाईव्ह ब्रेकिंग व्हाट्सअप ग्रुप*

https://chat.whatsapp.com/FI3hIvhih7mCHz64IDqTeh

 

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_