🟥 तीन मुशी परिसरातील उघडा नाला अपघाताला कारणीभूत ठरण्याची भीती ; तात्काळ दखल घेऊन पालिकेने योग्य ती कारवाई करावी..

*🟥 माजी नगरसेवकांनी केली पाहणी..*

_*🎥 Kokan Live Breaking News*_

*✍️ ब्युरो न्यूज : कोकण लाईव्ह ब्रेकिंग*

*🎴सावंतवाडी,दि-१७:-* येथील तीन मुशी परिसरातील उघडा नाला अपघाताला कारणीभूत ठरण्याची भीती माजी नगरसेवकांनी व्यक्त केली आहे. त्यामुळे याबाबतची तात्काळ दखल घेऊन पालिकेने योग्य ती कारवाई करावी, अशी मागणी केली आहे. आज या नाल्याची पाहणी माजी नगरसेवक उमाकांत व विलास जाधव यांनी केली. यावेळी सामाजिक कार्यकर्ते बंड्या कोरगावकर उपस्थित होते.
सावंतवाडी गार्डन शेजारी तीन मुशीच्या वळणावरील नाला उघडा असल्यामुळे वाहनधारकांसाठी अपघाताचे ठिकाण बनलेले आहे. या अपघात ठिकाणाची पाहणी करताना खंत व्यक्त केली आहे. आणि ही गंभीर बाब नगरपरिषदेच्या निदर्शनास आणून दिली आहे. अपघात होण्याची शक्यता असणाऱ्या ठिकाणाची पाहणी करून यावर लवकरात लवकर उपाययोजना करावी, तत्पूर्वी नागरिकांच्या व वाहनधारकांच्या संरक्षणासाठी त्या ठिकाणी बॅरिगेट लावावे. जेणेकरून अपघात घडून कोणाचाही प्राण गमवण्याची वेळ येऊ नये, अशी मागणी माजी नगरसेवक उमाकांत वारंग व विलास जाधव यांनी केली आहे.