🟥 रेडी माऊली मंदिर विकासासाठी जिल्हाधिकाऱ्यांचे वेधले लक्ष..

_*🎥 Kokan Live Breaking News*_

*✍️ ब्युरो न्यूज : कोकण लाईव्ह ब्रेकिंग*

*🎴रेडी, दि-१५:-* रेडी येथील श्री देवी माऊली मंदिर येथे बहुउद्देशीय सभागृह व अन्नछत्र बांधणे तसेच मंदिर परिसरात भक्त निवास बांधणे व परिसर सुशोभीकरण करणे, अशी मागणी रेडी सरपंच रामसिंग राणे यांनी सिंधुदुर्ग जिल्हाधिकारी यांच्याकडे निवेदनाद्वारे केली आहे.

दरम्यान, सदर कामास सन २०२२-२३ च्या प्रादेशिक पर्यटन विकास कार्यक्रम अंतर्गत सदर अंदाजपत्रकास प्रशासकीय मान्यता देऊन निधी उपलब्ध करण्यात यावा अशी शिफारस जिल्हाधिकारी यांनी मुंबईतील पर्यटन संचालनालयाच्या संचालकांकडे केली आहे.

रेडी येथील जागृत व सुप्रसिद्ध श्री देवी माऊली मंदिरात दर्शन

घेण्यासाठी दरवर्षी लाखोंच्या संख्येने भाविक महाराष्ट्र व गोवा या राज्यातून येत असतात: तसेच ते मंदिर, रेडी बंदर, रेडी गणपती मंदिर, यशवंतगड, रेडी बीच व शिरोडा बीच ही पर्यटन स्थळे जवळ असल्याने या पर्यटकांची गर्दी वर्षभर असते. त्यासाठी रेडी माऊली मंदिर येथे बहुउद्देशीय सभागृह – अन्नछत्र व मंदिर परिसरात भक्तीनिवास बांधणे, परिसर सुशोभिकरण करणे या विविध विकास कामा संदर्भात रेडी ग्रामपंचायतीचे सरपंच रामसिंग राणे यांनी सिंधुदुर्ग जिल्हाधिकारी यांना सादर केलेल्या निवेदनात आहे.

या निवेदनाच्या प्रती केंद्रीयमंत्री नारायण राणे, पालकमंत्री रवींद्र चव्हाण, शालेय शिक्षणमंत्री दीपक केसरकर, आमदार नीतेश राणे, आदींना पाठविण्यात आल्या आहेत.