🟥 मारहाण केल्याच्या आरोपातून निर्दोष मुक्तता..

_*🎥 Kokan Live Breaking News*_

*✍️ ब्युरो न्यूज : कोकण लाईव्ह ब्रेकिंग*

*🎴ओरोस, दि-०२:-* जमिनीच्या वादातून शेजारी राहणाऱ्या एका जोडप्याला मारहाण केल्याच्या आरोपातून प्रशांत परब, प्राची परब आणि प्रतीक परब तीनही (रा. कुडाळ- अणाव) याची मुख्य न्यायदंडाधिकारी ए. एम. फडतरे यांनी सबळ पुराव्याअभावी निर्दोष मुक्तता केली. संशयित आरोपींच्यावतीने अॅड. यतीश खानोलकर, अॅड. रोहित उर्फ तानाजी पालव व अॅड. कोमल काकतकर यांनी काम पाहिले.

प्रशांत परब व सुनील परब यांच्या शेत जमिनी लगत असून त्यांच्यात वाद विवाद सुरू आहेत. यातूनचप्रशांत परब आणि त्यांची पत्नी यांनी आपल्याला शिवीगाळ करून लाथाबुक्क्यांनी मारहाण केली होती. ११ नोव्हेंबर २०२० रोजी ही घटना घडली होती, अशी तक्रार सुनील परब यांनी दिली होती.

त्यानुसार या प्रकरणी पोलिसांनी सर्व आरोपीविरुद्ध भा. द. वि. कलम ३२५, ३२३, ५०४, ५०६, ३४ प्रमाणे गुन्हा दाखल केला होता. या प्रकरणी ओरोस येथील मुख्य न्यायंदडाधिकारी यांचे न्यायालयात दोषारोपपत्र दाखल करण्यात आले होते. त्यानुसार आरोपींच्याविरुद्ध कोणताही सबळ पुरावा न आढळून आल्याने न्यायालयाने संशयित आरोपींची निर्दोष मुक्तता केली.