🟥 ३१ डिसेंबरच्या नावाखाली चरस,गांजा विषारी दारू च्या आहारी जाऊन केल्या जाणाऱ्या धांगडधिंगाण्यावर पोलिसांनी करडी नजर ठेवावी

 

*🟥 जिल्ह्यातील अभियांत्रिकी महाविद्यालयाच्या परीसरातील हाॅटेल, खासगी हाॅस्टेल,याच्यावर ठेवावी करडी नजर*

_*🎥 Kokan Live Breaking News*_

*✍🏻 संपादकीय : सीताराम गावडे*

*🎴सावंतवाडी, दि-३१:-* सिंधुदुर्ग जिल्ह्यात आज इंग्रजी नववर्षाच्या स्वागतासाठी म्हणजेच ३१ डिसेंबरच्या पूर्व संधेला होणाऱ्या रंगील पार्ट्यांकडे जिल्हा पोलीस प्रमुखांनी करडी नजर ठेवावी अशी मागणी जनतेतून होत आहे.विशेष म्हणजे अभियांत्रिकी महाविद्यालययांच्या बाजूला चालणारी छोटी मोठी हॉटेल्स यामध्ये अशा पार्ट्या होणार असून या पार्ट्यांमध्ये चरस ,गांजा ,अवैध दारू यांचा सरास वापरण्याची शक्यता असल्याने पोलीस यंत्रणेने अलर्ट रहाणे गरजेचे आहे, जेणेकरून चरस गांजा कुठून पुरवला जातो याबाबतची माहिती पोलिसांना मिळू शकेल

सिंधुदुर्ग जिल्ह्यात अवैध धंद्यांना मोठ्या प्रमाणात उत आला असून यामुळे शाळकरी मुले महाविद्यालयीन मुले, व्यसनाच्या आहारी जाऊन ऐन तारुण्यात आपले आयुष्य उध्वस्त करून घेत आहेत या व्यसनाच्या आहारी गेलेल्या मुलांपुढे त्यांचे आई वडील हताश झाले आहेत, त्यामुळे याची निर्मिती व पुरवठा ज्या ठिकाणाहून होतो ती ठिकाणेच उध्वस्त करून संबंधितांवर कडक कारवाई होणे गरजेचे आहे.

आज शाळेतील मुले महाविद्यालयीन मुले, अभियांत्रिकी महाविद्यालयात शिकणारी मुले यांच्याकडे चरस गांजा सहजरीत्या उपलब्ध होत आहे ,मात्र या शालेय मुलांकडे हा चरस गांजा येतो कुठून याचा तपास होणे अत्यंत महत्त्वाचे आहे नाहीतर भावी पिढी उध्वस्त होईल एवढे मात्र निश्चित,सिंधुदुर्ग जिल्ह्यात नव्हे तर संपूर्ण महाराष्ट्रात गोव्यातून येणारी विषारी दारू पुरवली जाते यामुळे वर्षाकाठी हजारो जणांचा बळी घेतला जातो, यावर लिखाण केल्यानंतर संबंधित यंत्रणेला जाग येते मात्र त्यावर कायमस्वरूपी कारवाई होणे गरजेचे आहे ,ती जो पर्यंत होत नाही तो पर्यंत असे अवैध धंदे फोफावणारच,त्यामुळे या धंद्यावर बक्कळ पैसा मिळालेले दारू तस्कर गब्बर झाले आहेत, त्यांची दिवसाढवळ्या दादागिरी ही वाढली आहे,एकाच गुन्ह्यात पुन्हा पुन्हा सापडलेल्या आरोपीला खरं तर तडीपार ची कारवाई करायला हवी व तशा प्रकारचा प्रस्ताव संबंधित यंत्रणेने दाखल करायला हवा मात्र यंत्रणेतील अधिकाऱ्यांचे हात बरबटलेले असल्यामुळे ते अशा प्रकारचा प्रस्ताव दाखल करत नाहीत त्यामुळे हे व्यवसाय करणारे माफिया अधिकच बोकाळले आहेत.

झटपट श्रीमंत होण्याचा मार्ग म्हणजे गांजा तस्करी ,अवैध दारू, तस्करी हाच असल्याची गुरुकिल्ली त्यांना सापडल्यामुळे याचा मोठ्या प्रमाणात वापर होत आहे, पोलिसांच्या सीमा तपासणी नाक्यावर वरून काळ्या काची लावून बंद केलेल्या अगदी छोटीशी नंबर प्लेट असलेल्या गाड्या सुसाट वेगाने जातात तेव्हा पोलीस मात्र त्यावेळी त्या गाड्यांकडे पाठ करून बसतात. सर्वसामान्य माणसाने एखादी बाटली गोव्यातून आणली तर त्याच्यावर कारवाई केली जाते मात्र जिल्ह्यातील स्थानिक अवैध दारू विक्रेत्यांवर कोणत्याही प्रकारची कारवाई केली जात नाही ही शोकांतिका आहे,जी कारवाई होते ती बाहेरून आलेल्या अवैध विक्रेत्यांवरच, त्यामुळे पोलीस यंत्रणा, राज्य उत्पादन शुल्क विभाग यांच्या या कारवाई बद्दल साशंकता व्यक्त केली जात आहे

या अवैध धंद्यातून मिळालेल्या दोन नंबर पैशातून महाविद्यालयीन मुलांना एकत्र करून अशा प्रकारच्या 31 डिसेंबरच्या नावाखाली रंगील पार्ट्या केल्या जातात,व त्या पार्ट्यांमध्ये अवैद्य दारू, चरस ,गांजा यांचा वापर मोठ्या प्रमाणात होतो व ही मुले नशेच्या आहारी जाऊन नशेमध्ये तर्र होऊन पहाटेपर्यंत बेभान होऊन नाचत असतात.

आपल्या पोटाला चिमटा देऊन मुलाचे भवितव्य घडावे म्हणून ज्या आई-वडिलांनी आपली मुले शिकण्यासाठी बाहेरगावी पाठवलेली असतात त्या आई-वडीलांना आपली मुले अशी व्यसनाच्या आहारी गेली असे समजल्यावर काय वाटत असेल? त्यांच्या मनाच्या वेदना कशा असतील याचा विचार न केलेलाच बरा,व आपल्याला व्यसन करायला मिळत नाही म्हणून एखादा मुलगा जेव्हा आत्महत्या करतो तेव्हा त्याच्या आईवडिलांचा आक्रोश मन हेलावून टाकणारा असतो,त्यामुळे म्हातारी मेल्याचे दुःख नाही काळ सोकावतोय याचा विचार करून संबंधित यंत्रणेने जागे होणे गरजेचे आहे.

प्रेताच्या टाळूवरील लोणी खाणारे अधिकारी जोपर्यंत सिंधुर्गात आहेत तोपर्यंत अशा प्रकारचे अवैध धंदे बंद होणार नाहीत.त्यामुळे एकाच जागेवर पंधरा , पंधरा वर्षे ठाण मांडून बसलेल्या अधिकाऱ्यांना जिल्ह्यातून तडीपार करणे गरजेचे आहे,तरच अशा प्रकारच्या अवैध्य कृत्यांना आळा बसू शकेल, माझी जिल्ह्याच्या पोलीस प्रमुखांना नम्र विनंती आहे की 31 डिसेंबरच्या नावाखाली ज्या, ज्या, ठिकाणी अशा प्रकारची कृत्य होतील त्या, त्या ठिकाणी कायद्याच्या चाकोरीत राहून योग्य ती कारवाई करावी जेणेकरून यापुढे अशा प्रकारचे धाडस करण्याचे कोणी प्रयत्न करणार नाहीत, पार्ट्या जरूर कराव्यात मात्र त्या पार्ट्यांमध्ये अश्लीलता नसावी, विषारी अवैध दारू नसावी, चरस, गांजा याचा वापर नसावा, मौज मजा करायला आमचा विरोध कधीही नाही व नसणार मात्र नशेचा वापर करून मुलांना त्यामध्ये ओढून जर मुलांचे आयुष्य कोण बरबाद करत असेल तर अशा गोष्टीला आम्ही शंभर टक्के विरोध करणार व राहणार.

 

 

*……………_सविस्तर बातमीसाठी खालील लिंकवर क्लिक करा…._*

👇🏻👇🏻👇🏻

 

_________________________

 

*🎴कोकण लाईव्ह ब्रेकिंग व्हाट्सअप ग्रुप*

 

https://chat.whatsapp.com/Cjzc6ZFBkl7JH6OQ0yQYy2

————————————-

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

 

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_