🟥 रेडी ग्रामपंचायत सरपंच रामसिंग गोपाळ राणे यांच्या आचारसंहिता उल्लंघन प्रकरणातील वेंगुर्ला तहसीलदार कार्यालय येथील उपोषण ४९ तासानंतर तात्पुरता स्थगित..

*🟥 तहसीलदार वेंगुर्ला, गटविकास अधिकारी व निवडणूक निर्णय अधिकारी रेडी ग्रामपंचायत व सरपंच रामसिंग राणे यांचे विरोधात न्यायालयात दाद मागणार ; भूषण मांजरेकर*

*🎥 कोकण लाईव्ह ब्रेकिंग न्यूज*
_अचूक बातमी थेट हल्ला_

*✍️ ब्युरो न्यूज : कोकण लाईव्ह ब्रेकिंग*

*🎴रेडी, दि-११:-* रेडी ग्रामपंचायत सरपंच रामसिंग राणे यांनी राज्य निवडणूक आयोगाच्या आदेशान्वये आदर्श आचारसंहिता लागू असतांना, त्यांचा सरपंच पदाचा कार्यभार सुरू असताना, दोन वेगवेगळ्या सार्वजनिक कार्यक्रमात प्रमुख पाहुणे म्हणून सहभाग घेऊन रेडी ग्रामपंचायत क्षेत्रातील स्थानीक मतदारांवर पदाचा विपरीत प्रभाव टाकणारी कृती करून आदर्श आचारसंहितेचे उल्लंघन केल्याबद्दल राज्य निवडणूक आयोगाने निर्देशित केलेल्या नियमान्वये तातडीने कार्यवाही व्हावी याकरिता तहसीलदार वेंगुर्ला व छाननी अधिकारी/ निवडणूक निर्णय अधिकारी यांना पत्रव्यवहार केला होता.
भूषण मांजरेकर यांनी केलेल्या तक्रार अर्जावर निवडणूक निर्णय अधिकारी जॉन कायतान फर्नांडिस व बीडीओ भुई यांनी राजकीय दबावाखाली येवून, तक्रारीतील मूळ मुद्द्यांची चौकशी न करता, कायद्याला बगल देत, दिशाभूल करणारा अहवाल तहसीलदार वेंगुर्ला यांना सादर केला. तहसीलदार वेंगुर्ला प्रविण लोकरे यांनी निवडणूक अधिकारी व कार्यकारी दंडाधिकारी या नात्याने तक्रारदाराने सादर केलेल्या तक्रारींचा अभ्यास व अवलोकन करणे त्यांचे कर्तव्य होते. परंतु निवडणूक निर्णय अधिकारी जॉन कायतान फर्नांडिस हे पदाने शल्य निर्देशक असल्याने, त्यांनी सादर केलेला अहवाल अंतिम मानून सरपंच रामसिंग राणे यांचे नामनिर्देशन पत्र वैध ठरविले. भूषण मांजरेकर यांची मूळ तक्रार आचारसंहिता उल्लंघन केल्याची असतांना निवडणूक निर्णय अधिकारी फर्नांडिस यांनी महाराष्ट्र ग्रामपंचायत अधिनियमातील नियम लावून चुकीच्या व नियमबाह्य पद्धतीने वैध ठरविलेली आहे. तसेच बीडीओ भुई यांनी आचारसंहिता अधिकारी म्हणून सदर अर्जाची चौकशी करतांना सरपंच रामसिंग राणे हे सरपंच पदाचा कार्यकाळ सुरू असतांना, आचारसंहिता लागू असतांना दोन वेगवेगळ्या सार्वजनिक कार्यक्रमास व्यासपीठावर उपस्थित राहतात याचे फोटोचे पुरावे सादर केलेले असतांना ते पुरावा म्हणून ग्राह्य न धरता, नाव देऊन कार्यक्रमास उपस्थित असलेले स्वतंत्र साक्षीदार यांना न तपासता, चुकीच्या व मनमर्जीपणे अहवाल तहसीलदार वेंगुर्ला यांना सादर करून सरपंच रामसिंग राणे यांना कारवाई पासून वाचवून, पाठीशी घातलेले आहे असे भूषण मांजरेकर यांनी सांगितले.
तहसीलदार वेंगुर्ला प्रविण लोकरे हे निवडणूक अधिकारी असतांना, त्यांच्या कार्यालयातील चौकशी अधिकाऱ्यांनी निर्णय दिलेल्या प्रकरणात भूषण मांजरेकर यांनी अपिल सादर केले होते. त्या अपिलास अनुसरून हे “तहसीलदार कार्यालय अपिल दाखल करून घेण्यास सक्षम नसून सनदशीर नैसर्गिक न्यायाच्या दृष्टीने आपण सदर निर्णयावर सक्षम न्यायालयामध्ये दाद मागावी. सबब अर्ज निकाल ठेवण्यात येत आहे. सध्या ग्रामपंचायत सार्वत्रिक निवडणूक २०२२ करीता आचारसंहिता लागू केलेली असल्याने उपोषणाचा मार्ग न अवलंबता आपणास निवडणूक निर्णय अधिकारी ग्रामपंचायत रेडी यांचा निर्णय मान्य नसल्यास योग्य त्या न्यायालयात दाद मागावी” असे तहसीलदार प्रविण लोकरे यांनी स्वतः सही करून पत्राद्वारे कळविले.
राज्य निवडणूक आयोग महाराष्ट्र यांच्या स्थानिक स्वराज्य संस्थांच्या सार्वत्रिक निवडणूका संदर्भातील आदेशात उल्लेख केल्याप्रमाणे १०.१ मध्ये आदर्श आचारसंहिता अंमलबजावणीची ग्रामपंचायतीकरिता संबंधित जिल्हाधिकारी यांची राहील असे नमूद आहे. आदेश १०.२ प्रमाणे निवडणुकींशी निगडित सर्व अधिकार/ कर्मचारी यांनी कोणताही पक्ष व उमेदवार यांची बाजू न घेता निष्पक्षपणे व नियमांपणे कामे करावीत तसेच मतदारांवर विपरीत प्रभाव टाकणाऱ्या किंवा प्रलोभन देणाऱ्या सर्व योजना किंवा कृत्यांवर लक्ष ठेवून अंकुश ठेवावेत असे नमूद आहे. तसेच आदेश १०.३ मध्ये जिल्हाधिकारी यांनी परिशिष्ट १ ते ३ मधील केलेले सिद्धांत लक्षात घेता आवश्यक ती कारवाई करावी. मात्र आदर्श आचारसंहितेची प्रभावी अंमलबजावणी सर्वस्वी जबाबदारी जिल्हाधिकारी यांची राहील असे नमूद असतांना तहसीलदार वेंगुर्ला प्रविण लोकरे यांनी भारतीय प्रशासकीय सेवेतील वरिष्ठ असलेले जिल्हाधिकारी सिंधुदुर्ग यांना गृहीत धरून, शल्य निर्देशक या पदावर काम करीत असलेले जॉन फर्नांडिस यांनी सरपंच रामसिंग राणे यांचे नामनिर्देशन पत्र वैध ठरवून, पारित केलेले आदेश अंतिम असल्याचे सांगून जिल्हाधिकारी सिंधुदुर्ग यांचेकडे दाद मागण्याकरिता जाण्यास न सांगता सक्षम न्यायालयात जाण्याचा अजब सल्ला देऊन, आम्हाला आचारसंहितेची धमकी देत, राज्य निवडणूक आयोगाच्या आदेशांना तिलांजली देत, कायदेभंग करीत आमचे बेमुदत आमरण उपोषण मोडीत काढले असे भूषण मांजरेकर यांनी सांगितले.
उपोषणा दरम्यान दिनांक ७/१२/२०२२ रोजी सकाळी ११.०० वा. च्या दरम्यान निवडणूक निरीक्षक व अपर जिल्हाधिकारी सिडको मुंबई संजय जाधव यांची या प्रकरणात राजन रेडकर यांनी प्रादेशिक फळ संशोधन केंद्र, वेंगुर्ला येथील विश्रामगृहात भेट घेऊन सर्व प्रकरण समजावून सांगितले. निवडणूक निरीक्षक जाधव यांनी उपोषणकर्ते रेडकर यांच्या समक्ष जिल्हाधिकारी कार्यालयात फोन करून सांगितले परंतु त्याचा काहीही परिणाम झाला नाही.
जिल्हाधिकारी सिंधुदुर्ग हे जिल्ह्यात उपस्थित असतांना त्यांचे तसेच राज्य निवडणूक आयोगाचे सदर प्रकरणात मार्गदर्शन न घेता, जिल्हाधिकारी यांना अंधारात ठेवून, त्यांच्या प्राप्त अधिकाराचा स्वतः वापर करून दुरुपयोग केलेला आहे. तसेच तहसीलदार लोकरे यांनी राज्य निवडणूक आयोगाच्या आदर्श आचारसंहितेच्या तरतुदीकडे हेतुपुरस्सर दुर्लक्ष करून राज्य निवडणूक आयोग व सिंधुदुर्ग जिल्हाधिकारी यांचा अवमान केलेला आहे. तहसीलदार लोकरे यांनी सरपंच रामसिंग राणे यांना कारवाई पासून वाचविण्यासाठी, राजकीय दबावाखाली मनमानी कारभार करून, दिनांक ५/१२/२०२२ रोजी दिलेल्या पत्रास सक्षम न्यायालयात आवाहन देणार असून तहसीलदार वेंगुर्ला, गटविकास अधिकारी पंचायत समिती वेंगुर्ला, निवडणूक निर्णय अधिकारी रेडी ग्रामपंचायत व सरपंच रामसिंग राणे यांचे विरोधात सक्षम न्यायालयात दाद मागणार असल्याचे भूषण मांजरेकर यांनी सांगितले.
उपोषण तात्पुरता स्थगित करीत असतानाचे पत्र घेतांना उपस्थित महसूल नायब तहसिलदार लक्ष्मण फोवकांडे, अवल कारकून निलेश मयेकर, महसुल सहाय्यक प्रथमेश बिजिटकर व उपोषणकर्ते भूषण मांजरेकर, राजन रेडकर, लवू तेरसे, अरुण कांबळी, दया कृष्णाजी, मुरलीधर राऊळ, रविंद्र राणे, पोलिस अंमलदार बंटी सावंत, राजेश सातोसकर, दिलीप साळगावकर, आबा चिपकर आदी उपस्थित होते.

*_…………सविस्तर बातमीसाठी खालील लिंकवर क्लिक करा…._*
👇🏻👇🏻👇🏻

_________________________
*😍☺️🏠बस झाली जीवाची मुंबई..*
आता हवी जिवाभावाची सावली.. लाल माती आणि गोड शहाळी.. शांतता आणि समाधानाची खात्री.. आपल्या हक्काचं घर निसर्गरम्य कोकणात असावे असे प्रत्येकाचे स्वप्न असते.. हे स्वप्न साकारायचं आहे ना? मग चिंता कशाला? आहे ना आपल्या हक्काचं *आदित्य ग्रीन्स..*

*🚆🏕️सावंतवाडी रोड रेल्वे स्टेशन जवळ निसर्गरम्य परिसरात तीन ते पाच गुंठ्याचे एन ए प्लॉट्स उपलब्ध*

*💫आमची वैशिष्ट्ये:*

*▪️भूखंडला फक्त अकरा लाखा पासून सुरवात*
*🛣️9 -12 मीटर रुंदीचे प्रशस्त अंतर्गत रस्ते…*
*💡विद्युत पुरवठ्याची सोय ..*
*🚰 प्रकल्पांची स्वतःची अशी पाणीपुरवठा योजना*..
*📑सर्व सरकारी परमिशन सहीत…*
*🧾प्रत्येक प्लाॅट चा स्वतंत्र सातबारा*
*💷राष्ट्रीयीकृत बँकांचे आर्थिक सहाय्य उपलब्ध..*
*🏠आवश्‍यकतेनुसार घर बांधून देण्याची सुविधा उपलब्ध..*
*🥦प्रत्येक प्लॉटमध्ये फळझाडांची लागवड.*
*🏝️आबालवृद्धांच्या मनोरंजनासाठी सुसज्ज पार्क ..*
*🚶🏻‍♂️मळगाव रेल्वे स्टेशन (टर्मीनस) पासुन एक किमी अंतरावर..*
*▪️मुंबई-गोवा हायवे पासून दिड कि.मी. अंतरावर कोकणातील घर साकार करणारी आर्थिक दृष्ट्या फायदेशीर व प्रसन्न वातावरणात असणारी मनःशांती देणारी गुंतवणूक..*

*🎴विकासक श्री. अतुल लक्ष्मण नाखरे, सावंतवाडी*
7820800938

*🏬 ऑफिस*
शॉप नंबर 4 पहिला मजला आदित्य बिजनेस सेंटर गांधी चौक सावंतवाडी. जिल्हा सिंधुदुर्ग.
संपर्क : 9420204505
9404740679
*👨🏻‍🎓कायदेशीर सल्लागार*
अॅड. एम. एस. भांगले.
ता.सावंतवाडी, जि.सिंधुदुर्ग.
मोबाईल : 9422374276

___________________________

*🎴कोकण लाईव्ह फेसबुक पेज👇🏻*
https://www.facebook.com/kokanlivebreaking/

*🎴कोकण लाईव्ह युटयूब चॅनल👇🏻*
https://www.youtube.com/channel/UC4OBZsXZuVI8r7ezVUUeOJg

*🎴कोकण लाईव्ह वेबसाईट👇🏻*

Home

*🎴कोकण लाईव्ह इंस्टाग्राम👇🏻*
https://www.instagram.com/kokanlivebreaking/

*🎴कोकण लाईव्ह टेलिग्राम👇🏻*
https://t.me/kokanlive

*🎴कोकण लाईव्ह ट्विटर👇🏻*
Tweets by LiveKokan

*🎴कोकण लाईव्ह ब्रेकिंग व्हाट्सअप ग्रुप*
https://chat.whatsapp.com/FlfSnzCIRRn7YNI3VaCzyj

*🖥️ कोकण लाईव्ह ब्रेकिंग*
_अचूक बातमी थेट हल्ला_