🟥 सिमावादावरुन सुरु असलेल्या वादाचे कुडाळात पडसाद..

*🟥 कर्नाटकच्या एसटीबस रंगविल्या ; मनसेकडुन आंदोलन, जय महाराष्ट्र, जय मनसेच्या घोषणा..*

*🎥 कोकण लाईव्ह ब्रेकिंग न्यूज*

   _अचूक बातमी थेट हल्ला_

*✍️ ब्युरो न्यूज : कोकण लाईव्ह ब्रेकिंग*

*🎴कुडाळ, दि-०६ :-* सिमावादावरुन सुरु असलेल्या वादाचे पडसाद आज कुडाळ मध्ये पहायला मिळाले. यावेळी त्या ठीकाणी आलेल्या कर्नाटकर पासिंग गाड्यावर “जय महाराष्ट्र, जय मनसे” असे लिहून पाठविण्यात आले. मनसेच्या माध्यमातून माजी जिल्हाध्यक्ष धीरज परब यांच्या नेतृत्वाखाली हे आंदोलन करण्यात आले. यावेळी जोरदार घोषणाबाजीही करण्यात आली. महाराष्ट्र-कर्नाटक सीमा वाद सद्यस्थितीत जोरदार पेटला आहे. मात्र केंद्रातील व राज्यातील सत्ताधारी नेते यावर काहीच बोलत नाही. तर आज महाराष्ट्र पासिंगच्या एसटी बस वर कर्नाटकात दगडफेक झाली. ही बाब निंदनीय आहे. महाराष्ट्र पासिंगच्या एसटी बस बहुदा कर्नाटक सीमा ओलांडत नाहीत. मात्र कर्नाटक पासिंगच्या एसटी बस बिंदिकत महाराष्ट्रात फिरतात. याची जाण कर्नाटक सरकारने ठेवावी. अनुचित प्रकार घडून आणणाऱ्यांना त्यांनी समज द्यावी, असे प्रकार पुन्हा घडल्यास कर्नाटक पासिंगची एकही गाडी मनसे जिल्ह्यात फिरू देणार नाही. आणि त्याच माध्यमातून जशास तसे उत्तर दिले जाईल, असा इशारा मनसेच्या वतीने श्री. परब यांनी दिला आहे.