🟥 कणकवलीत परमहंस भालचंद्र महाराज यांचा ४५ वा पुण्यतिथी महोत्सव २६ नोव्हेंबर पासून सुरु..

*🎥 KOKAN LIVE BREAKING NEWS*
_अचूक बातमी थेट हल्ला_

*✍️ ब्युरो न्यूज : कोकण लाईव्ह ब्रेकिंग*

*🎴कणकवली , दि-१५ :-* परमहंस भालचंद्र महाराज यांचा ४५ वा पुण्यतिथी महोत्सव २६ ते ३० नोव्हेंबर या कालावधीत कणकवलीत भालचंद्र महाराज संस्थान येथे साजरा होणार आहे . आश्रमात २६ ते २ ९ नोव्हेंबर या कालावधीत दररोज सायंकाळी ४ वाजता कीर्तन महोत्सव होणार आहे . २६ ते २ ९ नोव्हेंबर या कालावधीत दररोज पहाटे ५.३० वाजता समाधीपूजन काकडआरती , सकाळी ८.३० वाजता धार्मिक विधी , भालचंद्र अनुष्ठान , महारुद्र महाभिषेक , दुपारी १२.३० वाजता आरती , त्यानंतर महाप्रसाद , दुपारी १ वाजल्यापासून भजने , त्यानंतर सायंकाळी ४ वाजता कीर्तन महोत्सवांतर्गत कीर्तन तर रात्री ८ वाजता दैनंदिन आरती होणार आहे . ३० नोव्हेंबर रोजी परमहंस भालचंद्र महाराज यांचा ४५ वा पुण्यतिथी दिन असून यादिवशी पहाटे ५.३० वाजता समाधीपूजन , काकड आरती , सकाळी ८ वाजता भजने , १०.३० वाजता समाधीस्थानी मन्यूसूक्त पंचामृताभिषेक , दुपारी १२.३० वाजता आरती , दुपारी १ वाजता महाप्रसाद , दुपारी १ वाजता भजने , सायंकाळी ५ वाजता घोडे , उंट , तसेच सिंधुदुर्ग वारकरी सांप्रदाय यांच्या समवेत शहरातून परमहंस भालचंद्र महाराज यांच्या पालखीची भव्य मिरवणूक काढण्यात येणार आहे . 56 त्यानंतर आरती होणार आहे . रात्री ११ वाजता अमृतनाथ नाट्यमंडळ म्हापण यांचे ‘ कुर्मदासाची वारी ‘ हे दशावतारी नाटक होणार आहे . पुण्यतिथी महोत्सवाच्या कालावधीत सायंकाळी ४ वाजता महाभारतातील कथांवर आधारित कीर्तन महोत्सव होणार आहे . यात २६ नोव्हेंबर रोजी ह.भ.प. श्रेयश बडवे , पुणे यांचे ‘ श्रीकृष्ण रुक्मिणी स्वयंवर ‘ या विषयावर , २७ नोव्हेंबर रोजी पुणे येथील ह.भ.प. चिन्मय देशपांडे यांचे ‘ द्रौपदी स्थाली ‘ , २८ नोव्हेंबर रोजी गोवा येथील ह.भ.प. विवेक जोशी यांचे ‘ पार्थरथी हनुमान ‘ तर २९ नोव्हेंबर रोजी डोंबिवली येथील वैभव ओक यांचे ‘ श्रीकृष्ण लक्ष्मणा विवाह या विषयावर कीर्तन होणार आहे . भाविकांनी या पुण्यतिथी सोहळ्याचा लाभ घ्यावा असे आवाहन करण्यात आले आहे .