🟥 आमदार कै. रमेश लटके यांच्या पत्नि ऋतुजा लटके यांना आमदारकीसाठी संधी द्यावी..

*🟥 मनसे अध्यक्ष राज ठाकरे यांचे उपमुख्यमंत्री देवेंद्र फडणवीस यांना पत्र..*

*🎥 KOKAN LIVE BREAKING NEWS*
_अचूक बातमी थेट हल्ला_

*✍️ ब्युरो न्यूज : कोकण लाईव्ह ब्रेकिंग*

*🎴मुंबई, दि-१६:-* आमदार कै . रमेश लटके ह्यांच्या दुर्दैवी निधनानंतर आज अंधेरी ( पूर्व ) ह्या विधानसभेच्या जागेसाठी पोटनिवडणूक जाहीर झाली आहे . तिथे त्यांच्या पत्नी ऋतुजा लटके ह्यांनी उमेदवारी अर्ज भरला आहे . कै . रमेश एक चांगले कार्यकर्ते होते . अगदी शाखा प्रमुखापासून त्यांची राजकीय वाटचाल सुरू झाली . त्यांच्या राजकीय प्रवासाचा मी एक साक्षीदार आहे . त्यांच्या निधनानंतर त्यांच्या पत्नीनं आमदार होण्यानं कै . रमेश ह्यांच्या आत्म्यास खरोखर शांती मिळेल. त्यामुळे आमदार कै. रमेश लटके यांच्या पत्नि ऋतुजा लटके यांना अंधेरी ( पूर्व ) ह्या विधानसभेच्या जागेसाठी आमदारकी द्यावी अशी विनंती महाराष्ट्र नवनिर्माण सेनेचे पक्ष अध्यक्ष राज ठाकरे यांनी उपमुख्यमंत्री देवेंद्र फडणवीस यांच्याकडे पत्राद्वारे केली आहे.
भारतीय जनता पक्षानं ती निवडणूक लढवू नये आणि त्यांच्या पत्नी ऋतुजा लटके आमदार होतील हे पहावं . मी आमच्या पक्षातर्फे अशा परिस्थितीत जेंव्हा दिवंगत आमदाराच्या घरच्या व्यक्ती निवडणूक लढवतात तेंव्हा शक्यतो निवडणूक न लढवण्याचं धोरण स्वीकारतो . तसं करण्याने आपण त्या दिवंगत लोकप्रतिनिधीला श्रध्दांजलीच अर्पण करतो अशी माझी भावना आहे . आपणही तसं करावं असं मला माझं मन सांगतं . असं करणं हे आपल्या महाराष्ट्राच्या महान संस्कृतीशी सुसंगतही आहे . असे पत्र राज ठाकरे यांनी उपमुख्यमंत्री देवेंद्र फडणवीस यांना दिले आहे.