🟥 आंबा व काजू फळपिकावरील कीड- रोग व्यवस्थापनासाठी हॉर्टसॅप प्रकल्प सुरू

*🎥 KOKAN LIVE BREAKING NEWS*

_अचूक बातमी थेट हल्ला_

*✍️ प्रतिनिधी : सुनील आचरेकर*

*🎴सिंधुदुर्ग, दि-१२:-* आंबा व काजू फळपिकांकरीता क्रॉपसॅप योजनेअंतर्गत कीड-रोग सर्वेक्षण, सल्ला व व्यवस्थापनसाठी महाराष्ट्र शासनाच्या फलोत्पादन पिकावरील कीड-रोग सर्वेक्षण, सल्ला व व्यवस्थापन प्रकल्प (हॉर्टसॅप) “आंबा व काजू पिक” सन २०२२-२३ हा प्रकल्प कोकण विभागातील ठाणे, पालघर, रायगड, रत्नागिरी व सिंधुदुर्ग या पाच जिल्ह्यांमधील ३६ तालुक्यांमध्ये १ ऑक्टोंबर पासून राबविण्यास सुरुवात झाली आहे. या प्रकल्पाचा कालावधी ३० जुलै २०२३ पर्यंत आहे.

फलोत्पादन पिकावरील कीड-रोग सर्वेक्षण, सल्ला व व्यवस्थापन प्रकल्प (हॉर्टसॅप) “आंबा व काजू पिक” अंतर्गत आंबा व काजू फळपिकांकरीता सिंधुदुर्ग जिल्ह्यातील क्षेत्रीय अधिकारी व कर्मचारी तसेच निश्चित प्लॉटधारक शेतकर्‍यांना मार्गदर्शन करण्यासाठी डॉ. बाळासाहेब सावंत कोकण कृषि विद्यापीठ, दापोली अंतर्गत येणार्‍या प्रादेशिक फळ संशोधन केंद्र, वेंगुर्ला यांच्यामार्फत प्रशिक्षण घेण्यात आले. त्यामाध्यमातून आंबा व काजू फळपिकांवरील कीड-रोगांची ओळख, नियंत्रणाच्या उपाययोजना, निरीक्षणे घेण्याच्या पद्धती तसेच हवामानातील बदल व अवेळी पावसामुळे उद्रेक करणार्‍या कीड-रोगांच्या प्रादुर्भावावर वेळीच नियंत्रण करण्यासाठी मार्गदर्शन करण्यात आले.

राष्ट्रीय एकात्मिक कीड व्यवस्थापन केंद्र, भारतीय कृषि संशोधन परिषद नवी दिल्ली, कृषि विद्यापीठे, विविध संशोधन केंद्र व कृषि विभागाचे क्षेत्रीय अधिकारी व कर्मचारी यांच्या समन्वयातून योजनेचे काम केले जात आहे. यासाठी किमान ५०० आणि जास्तीत जास्त २००० हेक्टर क्षेत्रासाठी एक सर्वेक्षक, कृषि पर्यवेक्षक गावातील निश्चित प्लॉट व रॅन्डम प्लॉटमधून दर सोमवार, मंगळवार, गुरुवार व शुक्रवार या दिवशी सर्वेक्षण करून पिकांची अवस्था व कीड-रोगांची निरीक्षणे करून अहवाल नोंदवतात. कीड-रोग नियंत्रक कृषि अधिकारी या योजनेच्या संकेतस्थळावर अपलोड करतात. जर कीड-रोग आर्थिक नुकसान पातळीपेक्षा जास्त असल्यास कृषि विद्यापीठामार्फत त्यावर मार्गदर्शक सूचना (सल्ले) पाठविण्यात येतात. त्यानुसार कीड-रोगांचे नियंत्रणाचे उपाय केले जातात.

कोकण विभागातील शेतकर्‍यांना तांत्रिक मार्गदर्शनासाठी प्रक्षेत्रावर शेतीशाळा आयोजित केल्या जातात. कोकण विभागातील आंबा फळपिकासाठी ३६ व काजूकरीता २१ शेतीशाळा असून त्यासाठी क्षेत्रीय अधिकारी व कर्मचारी त्यांना प्रशिक्षण देण्यात येते. याचा एक भाग म्हणून सिंधुदुर्ग जिल्ह्यातील ८ तालुक्यांसाठी त्यांच्या उपविभागस्तरावर दोन तालुक्यामध्ये एक याप्रमाणे एकूण ४ प्रशिक्षणे आंबा व काजू पिकाकरीता आयोजित केली होती. या प्रशिक्षणाच्या तांत्रिक सत्रात प्रादेशिक फळ संशोधन केंद्र, वेंगुर्ला येथील शास्त्रज्ञ डॉ. विजयकुमार देसाई यांनी काजू पिकावरील किडी-रोगांची ओळख व नियंत्रण आणि आंबा पिकावरील रोगांची ओळख व नियंत्रण याविषयी सविस्तर मार्गदर्शन केले. डॉ. अजय मुंज यांनी आंबा पिकावरील महत्वाच्या किडींची ओळख व नियंत्रण याविषयी व डॉ. गोपाळ गोळवणकर यांनी आंबा पिकावरील इतर दुय्यम किडींची ओळख व नियंत्रण या विषयावर सखोल मार्गदर्शन केले.

 

 

*……………_सविस्तर बातमीसाठी खालील लिंकवर क्लिक करा…._*

👇🏻👇🏻👇🏻

 

 

_________________________

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

 

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🎴कोकण लाईव्ह ब्रेकिंग व्हाट्सअप ग्रुप*

 

https://chat.whatsapp.com/Cjzc6ZFBkl7JH6OQ0yQYy2

 

*🖥️ कोकण लाईव्ह ब्रेकिंग*

_अचूक बातमी थेट हल्ला_