🟥 मटका,जुगारावर उठाव करणाऱ्यांची गोव्यातील विषारी दारू, चरस, गांजा याविरुद्ध तोंडे बंद का?

🟥 सावंतवाडीत कोणाच्या बार मध्ये विषारी दारू पिऊन किती जण मेलेत याची आकडेवारी ही लवकरच जाहीर करू..

🟥 मटका, जुगार,या विरुद्ध उठाव करणाऱ्या राजकीय पक्षाचे अभिनंदनच, मात्र अवैध दारू, चरस, गांजावर चकार शब्द का काढत नाहीत..

🎥 KOKAN LIVE BREAKING NEWS

अचूक बातमी थेट हल्ला

✍️ संपादकीय : सीताराम गावडे

🎴सावंतवाडी, दि-०९ :- ज्या विषारी दारूमुळे व गांजा, चरस, यासारख्या अमली पदार्थांच्या सेवनामुळे मुळे अनेकांचे जीवन उध्वस्त झालीत, हाता, तोंडाशी आलेली मुले व्यसनाच्या आहारी जाऊन मृत्याला कवटाळले तरीही प्रेताच्या टाळूवरील लोणी खाणारे अधिकारी व राजकीय मंडळी याबद्दल चकार शब्द काढण्याच्या मनस्थितीत नाही, या मागचे गोड बंगाल काय असा प्रश्न उपस्थित केला जात आहे.

गोव्यातून सिंधुदुर्गात येणारी विषारी दारू,चरस गांजा यामुळे महाविद्यालयीन पिढी बरबाद झाली आहे. या बद्दल राजकीय नेते मंडळींना कधी जाग आली नाही, किंवा उठाव करावासा वाटला नाही, या उलट मटका ,जुगार यामुळे कोणी आत्महत्या केली नाही किंवा कुटुंब उद्ध्वस्त झाली हे ऐंकीवात नाही तरीही आम्ही त्याचे समर्थन करीत नाही, मात्र महाराष्ट्र शासनाची लाॅट्री,झटपट लाॅट्री, हे पण एक प्रकारचे आमीषच आहे (जुगार)मग तो ही बंद करण्यासाठी उठाव केला गेला पाहिजे असे आमचे स्पष्ट मत आहे.

सावंतवाडी शहराचा विचार केला गेला तर आज शहरात दोनशेहून अधिक पानपट्टी स्टाॅल आहेत व स्टाॅल वर मटका स्विकारला जातो,म्हणजे दोनशे कुटुंब या स्टाॅलवर अवलंबून आहेत,मटका खेळणाऱ्यांनी कधी तक्रार केली नाही की मी फसला गेलो की कुटुंबाने कधी तक्रार केली नाही की माझा नवरा देशी जोडीला लागला, खेडे गावातील अशी अनेक माणसे आहेत जी शहरा येऊन मटका खेळतात व संध्याकाळी घरी जाताना आपल्या घरात लागेल ते सामान घेऊन जातात एवढे असले तरी मटका जुगार या धंद्यांचे आम्ही समर्थन करणार नाही, मात्र या व्यवसायामुळे जनतेचे आरोग्य जीवित धोका येत नाही, अशा धंद्यांना टार्गेट करायचं ज्यामुळे जीवन उद्ध्वस्त होते, भावी पिढी बरबाद होते अशा धंद्यांना मुभा द्यायचे हे कुठच्या तत्त्वात बसते ते समजत नसल्यामुळे यावर लिखाण करणे क्रमप्राप्त ठरत आहे.

शहरात काही जणांनी बनावटी दारू बनवून ती विकली त्याचप्रमाणे स्वस्तात मिळणारी गोव्यातील विषारी दारू सिंधुदुर्ग आणून तीही राज रोस पणे विकून अनेकांचे बळी घेतले, विकणारे स्वतः मालामाल झाले आणि राजकीय पक्षात स्थिरावले मात्र त्याविरुद्ध कोणी चकार शब्द काढला नाही हीच खरी आमची खंत आहे.

आज कॉलेजच्या युवकांकडे गांजा हमखास मिळतो हा गांजा सिगारेट मध्ये घालून 16 ते 17 वर्षाची मुले ओढतात व नशेच्या आहारी जाऊन आपले जीवन संपवतात त्यावेळी त्यांच्या आई-वडिलांचा आक्रोश मन हे हेलावून टाकणारा असतो हाताशी, तोंडाशी आलेली मुले अशी विषयाच्या आहारी जाऊन आपले जीवन उद्ध्वस्त करून घेतात त्यावेळी अशा अंमली पदार्थांवर उठा होणे काळाची गरज आहे हे लक्षात येते,या ठिकाणी म्हाताऱी मेल्याचे दुःख नाही, काळ सोकावतो याचे दुःख आहे.

गेली तीन वर्ष आम्ही गोव्यातून सिंधुदुर्ग येणारी विषारी दारु,गांजा या विरूद्ध उठाव करताना राजकीय पाठबळ मिळाले नाही, कोणीही पत्रकार परिषद घेऊन ही विषारी दारू, चरस, गांजा बंद करण्यासाठी पोलिसांवर दबाव आणला नाही किंवा याबद्दल चकार शब्द काढला नाही त्या मागचे गोड बंगाल काय याचा विचार सिंधुदुर्ग वासियांनी करणे गरजेचे आहे, हातात तोंडाशी आलेली मुलं जेव्हा व्यसनाच्या आहारी जाऊन ते व्यसन करायला पैसे नसले की चोऱ्या करतात व पकडले जातात त्यावेळी त्यांच्या आई-वडिलांचे दुःख हे समजण्या पलीकडे असते,व अशा व्यसनात अडकलेली मुले पुन्हा त्यातून बाहेर पडू शकत नाहीत, त्यामुळे अशा गोष्टींवर उठाव होणे गरजेचे असताना कोणताही पक्ष त्याबद्दल चक्रार शब्द काढत नाही, मात्र मटका जुगार बंद करण्यासाठी अलीकडे विविध राजकीय पक्षाचे पुढारी पुढे सरसावलेले दिसतात, त्यांचे आम्ही अभिनंदन करतोच मात्र त्याच बरोबर गोव्यातून सिंधुदुर्गात येणारी विषारी चोरटी दारू, चरस, गांजा यावरही असाच उठाव होणे गरजेचे आहे.

अकरावी -बारावी ,अभियांत्रिकी महाविद्यालयात शिकणारी मुलांच्या दप्तरात गांजाच्या पुड्या आढळत आहेत, ती मुले आपल्याबरोबर इतर मुलांनाही बिघडवत आहेत,मात्र याकडे कोणीही गांभीर्याने पाहत नाहीत,ही मुले व्यसनाच्या आहारी जाऊन तारुण्यात आपले जीवन उध्वस्त करत आहेत,म्हातारपणात आई-वडिलांची आधाराची काठी ठरणारे ही मुले वडिलांनाच त्यांच्या आधाराची काठी बनावे लागत आहे यासरखे दुर्दैव नाही.

खरंतर या गोष्टींवर उठाव होणे ही खरी काळाची गरज आहे असे आमचे स्पष्ट मत आहे, मटका जुगार बंद करताना अवैध दारू ,चरस , गांजा, बंद करण्यासाठी ही उठाव होणे गरजेचे आहे असे आम्हाला वाटते, सावंतवाडी शहरात कोणी, कोणी विषारी दारु विकली,कोणाच्या बारमध्ये दारू पिऊन वर्षभरात किती माणसे मेलीत, याचा हिशोब तपासणेही क्रम प्राप्त ठरणार आहे.

 

 

*……………_सविस्तर बातमीसाठी खालील लिंकवर क्लिक करा…._*

👇🏻👇🏻👇🏻

 

 

_________________________

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

 

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🎴कोकण लाईव्ह ब्रेकिंग व्हाट्सअप ग्रुप*

 

https://chat.whatsapp.com/Cjzc6ZFBkl7JH6OQ0yQYy2

 

*🖥️ कोकण लाईव्ह ब्रेकिंग*

_अचूक बातमी थेट हल्ला_