🟥 केंद्र शाळा मळगांव ब्राम्हण पाट या शाळेचे शाळा व्यवस्थापन समिती सदस्य श्रीराम(भाउ)कांबळी यांचा कार्यकाळ संपल्या बद्दल निरोप समारंभ व सत्कार संपन्न..

*🎥 Kokan Live Braking News*

*✍️ प्रतिनिधी : सुखदेव राऊळ*

*🎴सावंतवाडी, दि-२३:-* केंद्र शाळा मळगांव ब्राम्हण पाट या शाळेचे शाळा व्यवस्थापन समिती सदस्य श्रीराम(भाउ)कांबळी यांचा कार्यकाळ संपल्या बद्दल त्यांचा निरोप समारंभ व सत्कार शनिवारी पार पडला.श्रीराम कांबळी यांनी गेली अनेक वर्षे प्रशालेसाठी दिलेल्या भरीव योगदानाबद्दल व्यवस्थापन समितीच्या वतीने पुष्पगुच्छ देऊन त्यांना सन्मानीत करण्यात आले.

यावेळी शाळा व्यवस्थापन समितीचे अध्यक्ष गजानन सातार्डेकर, मुख्याध्यापिका सीमा चव्हाण, शिक्षक श्रीकृष्ण ठाकूर,सायली गोसावी,सुषमा नेमळेकर,सौ.नेमळेकर, सौ.कुडव , जोशी गुरूजी व पालक उपस्थित होते. या वेळी श्रीराम कांबळी यांनी आपले मनोगत व्यक्त करताना,”भविष्यातही आपण ज्या ज्या वेळी शाळेकडून माझ्यासाठी साद येईल त्या त्या वेळी त्या सादला माझ्याकडून सकारात्मक प्रतिसाद असेल, असे भाऊ कांबळी यांनी आपल्या मनोगतात सांगीतले.मुख्याध्यापिका चव्हाण मॅडम यांनीही आपले मनोगत व्यक्त करताना, श्रीराम कांबळी यांनी प्रत्येक कार्यक्रमात मदत केली. भविष्यातही त्यांची मदत लागेल,असे सांगितले.जोशी गुरूजींनी सर्वांचे आभार मानले.