🟥 नॅचरल गॅस कंपनीने गॅस पाईप लाईनसाठी खोदलेला रस्ता ठेकेदाराने निकृष्ट दर्जाने बुजवला..

*🟥 सावंतवाडी पंचायत समितीचे माजी सभापती राजू परब व मळगांव ग्रामपंचायती मार्फत रस्त्याच्या निकृष्ट कामाची पाहणी..*

*🟥 दुर्घटना घडल्यास कंपनी सहित सार्वजनिक बांधकाम विभाग अधिकारी व ठेकेदारांवर मनुष्यवधाचा गुन्हा नोंदवण्याचा इशारा..*

_*🎥 Kokan Live Braking News*_

*✍ प्रतिनिधी : सुखदेव राऊळ*

*🎴सावंतवाडी, दि-२८ :-* नव्या योजनेच्या कामासाठी जुने व पक्के रस्ते खोदून होत्याचे नव्हते करणाऱ्या नॅच्युरल गॅस कंपनीने पाईपलाईन साठी खोदलेला रस्ता पूर्वव्रत न करता कच्चे डांबर व खडी ओतून बुजविण्याचे काम बांदा ते मळगांव दरम्यान केले आहे. हे काम चुकीच्या पद्धतीने व निकृष्ट दर्जाचे व चुकीच्या पद्धतीने तसेच पाईप साठी खोदलेल्या चरात केवळ माती ओढून त्यावर जाड व बारीक खडीचा पातळ थर ओढून त्यावर डांबर ओढण्यात आले आहे. मात्र हे काम केवळ कच्चे काम असून यामुळे पावसाळ्यात हा थर वाहून जाण्याची किंवा वाहने व पादचारी यांच्या रहदारी मुळे दबून जाणार असल्याने जर पावसाळ्यात कोणत्याही प्रकारची दुर्घटना घडल्यास कंपनी व हे चुकीचे काम करणाऱ्या ठेकेदारा विरोधात कायदेशीर कारवाई करण्यात येईलयेईल तसेच जीवितहानी झाल्यास संबंधितांवर मनुष्य वधाचा गुन्हा दाखल करण्याचा इशारा सावंतवाडी पंचायत समितीचे माजी सभापती राजू परब व मळगांव ग्रामपंचायती तर्फे देण्यात आला आहे.तसेच राजू परब व उपसरपंच हनुमंत पेडणेकर यांनी मागील आठवड्यात कंपनीच्या ठेकेदारांमार्फत हे काम सुरु असताना प्रत्यक्ष जागेवर जाऊन या कामाबद्दल जाब विचारताना हे काम सार्वजनिक बांधकाम विभागाच्या अधिकाऱ्यांनी तपासले आहे का? असा जाब विचारला होता.तसेच यावेळी त्यांनी जर या चुकीच्या पद्धतीने चर बुजविण्याच्या कामामुळे भविष्यात कोणत्याही प्रकारची दुर्घटना किंवा नुकसान झाल्यास कंपनी व अधिकारी यांच्या वर मनुष्यवधाचा गुन्हा दाखल करण्यात येईल, असा इशारा दिला आहे.
सार्वजनिक बांधकाम विभागाकडून विकासाच्या नावाखाली दरवर्षी पावसाळ्यापूर्वी विकास कामासाठी खोदलेले रस्ते अशाच प्रकारे तात्पुरत्या स्वरुप बुजविण्याचा कार्यक्रम सुरु असतो. सार्वजनिक विभागाच्या कामाचे हेच विदारक चित्र यापै दरवर्षी पहायला मिळत आले आहे. सार्वजनिक बांधकाम विभागाकडून खाजगी कंपन्यांमार्फत करण्यात येणाऱ्या प्रत्येक विकास विकास कामात विकास राहतो दूर मात्र विकास होण्यापूर्वी जनतेला मात्र प्रचंड किंमत मोजावी लागते. सावंतवाडी तालुक्यातील मळगांव पंचक्रोशीत सध्या हेच चित्र आहे. महाराष्ट्र नॅच्युरल गॅस प्रा.लि.या कंपनीने गॅस पाईप लाईन साठी मळगांव परिसरात जे रस्ते खोदून फक्त माती ओढली आहे, ती येत्या पावसाळ्यात केवळ त्रासदायकच नव्हे तर जीवघेणी ठरणार आहे.केवळ मळगांववासीयच नव्हे तर हे काम ज्या झाराप पत्रादेवी महामार्गावर करण्यात आले आहे त्या द्रुतगती महामार्गावरून मुंबई-गोव्याच्या दिशेने ये-जा करणऱ्या वाहतूकीला प्रचंड त्रासदायक व धोकादायक ठरणार असल्याचे कटू सत्य आहे.
याबाबत मळगांव ग्रामपंचायतीने दखल घेताना सावंतवाडी पंचायत समितीचे माजी सभापती राजू परब यांच्या नेतृत्वाखाली नुकतीच पहाणी करून निकृष्ट पद्धतीने चरात माती, खडी ओढून त्यावर डांबराचा पातळ थर ओढणाऱ्या ठेकेदारांना जाब विचारताना जर पावसाळ्यात कोणत्याही प्रकारची दुर्घटना घडली तर त्याला ठेकेदारांना व अधिकारी यांना तसेच नॅचरल गॅस कंपनीला जबाबदार धरले जाईल व तिघांविरोधात मनुष्यवधाचा गुन्हा दाखल करण्यात येईल असा सूचनावजा इशारा दिला होता. मात्र तरीही ठेकेदारांने कंपनीचे वरिष्ठ किंवा सार्वजनिक बांधकाम विभागाचे अधिकारी यांच्या अनुपस्थितीत हे काम कसेतरी पुर्ण केले आहे. यामुळे पावसाळ्यात मोठी दुर्घटना होऊ शकते अशी शक्यता वर्तवण्यात आली असून माजगांव दरम्यान ही अनेक ठिकाणी बुजवलेला हा चर खचला असल्याने ठेकेदार, अधिकारी व कंपनी व्यवस्थापन यांनी याची दखल घ्यावी, असे राजू परब यांनी सूचित केले आहे.

*_…………….सविस्तर बातमीसाठी खालील लिंकवर क्लिक करा…._*
👇🏻👇🏻👇🏻

_________________________

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

*🔥💥 कोकण लाईव्ह ब्रेकिंग 💥🔥*

*🌐 जाहिराती व बातम्यांसाठी आजच भेट द्या….⬇️*
*♦संपादक : सीताराम गावडे*
*📱संपर्क : +919423304856*
*♦कार्यकारी संपादक : आनंद धोंड*
*📱संपर्क : +919423958828*
*♦ब्युरो चीफ : विशाल पित्रे*
*📱संपर्क : +919405475712*

*🎴कोकण लाईव्ह व्हॉट्सॲप ग्रुप👇🏻*
https://chat.whatsapp.com/FlfSnzCIRRn7YNI3VaCzyj

*🖥️ कोकण लाईव्ह ब्रेकिंग*
_अचूक बातमी थेट हल्ला_