🟥 आजगाव डी.एड.कॉलेजचे प्राचार्य माळगे यांचे भयानक प्रताप..

🟥 जात प्रमाणपत्र महाराष्ट्र राज्याचे मात्र जातवैधता प्रमाणपत्र मात्र कर्नाटकचे..

🟥 स्वतःच्या पत्नीलाही सेवेत नसताना दिले अनुभवाचे खोटे दाखले, मिळवली सावंतवाडीच्या नामांकित संस्थेत नोकरी

🎥 Kokan Live Braking News

✍ ब्युरो न्यूज : कोकण लाईव्ह ब्रेकिंग

🎴सिंधुदुर्ग, दि-१५ :- आजगाव येथील विद्याविकास अध्यापक विद्यालयाचे प्राचार्य अमृतलिंगराव नागप्‍पा माळगे यांच्या अजब कारभाराचा गजब प्रकार आज सामाजिक कार्यकर्ते राकेश पाटील यांनी पत्रकार परिषद घेत समोर आणला आहे. प्राचार्य अमृतलिंगराव नागप्‍पा माळगे यांची दिनांक २०/१०/२००३ रोजीच्या ठरावानुसार लोककल्याण शिक्षण संस्थेच्या विद्याविकास अध्यापक विद्यालय, आजगाव(ता.सावंतवाडी) येथे प्राचार्य म्हणून अनुसूचित जाती(एस. सी.) या प्रवर्गातून
नियुक्ती केली आहे. असे असतांना मात्र शिक्षण उपसंचालक विभाग कोल्हापूर यांनी वेळोवेळी प्राचार्य माळगे यांना जात प्रमाणपत्र व जात वैधता प्रमाणपत्र सादर करावे, असे सांगितल्यावरही त्यांनी अनेक वर्ष शिक्षण विभागाला झुलते ठेवले. त्यानंतर कसेतरी तळमळत प्राचार्य माळगे यांनी कोल्हापूर जिल्ह्यातील गडहिंग्लज येथील तहसील कार्यालयाचे जात प्रमाणपत्र मिळविले. आणि त्यांनी ते शिक्षण उपसंचालक कोल्हापूर यांना सादर केले. मात्र जात वैधता प्रमाणपत्र त्यांनी सादर केले नव्हते. पुन्हा एकदा शासन स्तरावरून त्यांना जात वैधता प्रमाणपत्र सादर करण्यासंदर्भात वारंवार पत्रव्यवहार झाला आणि शेवटी त्यांना वेतन का थांबविण्यात येऊ नये असे आदेश देण्यात आलेत. त्यानंतर प्राचार्य श्री.माळगे यांनी कर्नाटक राज्याचे जातवैधता प्रमाणपत्र सादर करून आपली नोकरी टिकवण्यात यश मिळवले. मात्र दिनांक 12/06/ 2017 रोजी पुन्हा शिक्षण उपसंचालक कोल्हापूर विभागाने त्यांना जात प्रमाणपत्र महाराष्ट्राचे व जातवैधता प्रमाणपत्र कर्नाटकचे कसे सादर केले..? याबाबत वस्तुनिष्ठ खुलासा करण्याबाबत विचारणा केली. त्यावरही त्यांनी मौन राखले, अशा सर्व सावळागोंधळ शिक्षण विभागाचा चालू असताना सर्वोच्च न्यायालय दिल्ली यांचा निर्णय म्हणजे एका राज्यातील जातीचा फायदा दुसऱ्या राज्यात घेता येत नाही, असे असतांना सर्वोच्च न्यायालयाचा निर्णयही देखील प्राचार्य माळगे यांनी धुडकावून लावला आहे. आजपर्यंत महाराष्ट्र शासनाची फसवणूक करून लाखो रुपये नोकरीच्या माध्यमातू त्यांनी मिळविले आहेत. तसेच आजगाव येथील एका माहिती कार्यकर्त्याने माहितीच्या अधिकाराचा वापर करीत जात प्रमाणपत्र व जात वैधता प्रमाणपत्र प्राचार्य श्री.माळगे यांच्याकडून मागणी केली असताना सदर माहिती कार्यकर्त्याच्या सर्व अर्जांना प्राचार्य माळगे यांनी केराची टोपली दाखवली आहे. अशी सर्व ‘आंधळं दळतंय आणि कुत्रं पीठ खातंय’ अशी व्यवस्था असलेल्या शिक्षण व्यवस्थेला प्राचार्य माळगे यांनी आपल्या कौशल्य बुद्धीने शह देण्याचा आणि फसवण्याचा प्रयत्न केला आहे किंबहुना फसविले आहे. अशा गुन्हेगारीवृत्तीच्या व फसवणूक वृत्तीच्या प्राचार्य माळगे यांच्या सर्व कागदपत्रांची शिक्षण विभागाने कसून व वस्तुनिष्ठ चौकशी करावी, अशी मागणी सामाजिक कार्यकर्ते राकेश पाटील यांनी शिक्षणाधिकारी माध्यमिक जिल्हा परिषद सिंधुदुर्ग यांच्याकडे केली आहे.
आज दिनांक 27 एप्रिल रोजी यासंदर्भात शिक्षणाधिकारी कार्यालयाने प्राचार्य माळगे यांच्या कागदपत्रांच्या चौकशी संदर्भात सुनावणी घेऊन त्यांचा लेखी खुलासा ही मागविला आहे, असेही पत्रकार परिषदेत राकेश पाटील यांनी सांगितले.

*पत्नीलाही दिले खोटे अनुभववाचे दाखले आणि मिळवली नामांकित संस्थेत नोकरी-*
प्राचार्य माळगे यांचे अनेक प्रताप असून त्यापैकी अतिशय भयावह प्रताप म्हणजे श्री. माळगे यांनी आपल्या पत्नीस अध्यापन अनुभवाचे दिलेले खोटे दाखले होत.
दिनांक १० / ०६/२००४ पासून आपली पत्नी सविता ईश्वर कांबळे ह्या अध्यापक विद्यालय आजगाव येथे कार्यरत आहेत, असे दिनांक १४/०६/२००४ रोजी दिलेल्या पत्रात माळगे म्हणतात. आपल्या पत्नीला म्हणजेच सध्याच्या प्रा.सविता ईश्वर कांबळे यांना आजगाव अध्यापक विद्यालयात कार्यरत असल्याचे खोटे अनुभवाचे दाखले देऊन त्यांना कोल्हापूर येथील यशवंतराव चव्हाण महाराष्ट्र मुक्त विद्यापीठाच्या अभ्यास केंद्रात एम. एड. या शिक्षण अभ्यासक्रमासाठी त्यांनी प्रवेश मिळवून दिला. त्यानंतर स्वतःच्या पत्नीला म्हणजेच प्रा. सविता ईश्वर कांबळे यांना सावंतवाडी येथील नामांकित संस्थेत नोकरी देखील मिळविण्यात प्राचार्य माळगे यांनी कौशल्य वापरले आहे. अशा अत्यंत फसवेगिरी करणाऱ्या प्राचार्याला संस्थेने व शालेय प्रशासनाने आणि महाराष्ट्र शासनाच्या शिक्षण विभागाने योग्य चौकशी करून तात्काळ त्यांचे वेतन थांबून त्यांना नोकरीवरुन काढून टाकावे व त्यांची सेवा समाप्त करण्यात यावी, आणि त्यांना भारतीय दंड विधान संहिता ४२० अन्वये त्यांच्यावर फौजदारी गुन्हा दाखल करावा, अन्यथा पुढे सनदशीर मार्गाने व कायद्याच्या आधारे न्याय मागण्यात येईल, गरज पडल्यास आंदोलने व आत्मदहन सुद्धा करण्यात येईल,असा इशाराही पत्रकार परिषदेत सामाजिक कार्यकर्ते राकेश पाटील यांनी केला आहे.

*जिल्हा शिक्षण प्रशिक्षण संस्था नेमके करते तरी काय..?*
प्रत्येक जिल्ह्यात अध्यापक विद्यालयाच्या कारभारावर नियंत्रण ठेवण्यासाठी जिल्हा स्तरावर जिल्हा शिक्षण व प्रशिक्षण संस्था अर्थात डायट ही संस्था कार्यरत असते. सिंधुदुर्ग जिल्ह्यातही ओरोस येथे डाएट कार्यरत आहे. प्राचार्य माळगे यांच्या जातवैधता प्रमाणपत्र आणि एकूण मनमानी कारभाराबद्दल स्थानिक सामाजिक व माहिती अधिकार कार्यकर्ते यांनी वेळोवेळी डायट प्राचार्यांकडे रीतसर तक्रार दाखल केलेली आहे. मात्र असे असताना डायट प्राचार्य यांनी गेल्या दहा वर्षात किती वेळा आजगाव अध्यापक विद्यालयाला भेटी दिल्यात…?कोणकोणत्या प्रकरणाची रीतसर चौकशी केली..? याचासुद्धा वस्तुनिष्ठ अहवाल जिल्ह्यातील शैक्षणिक, सामाजिक व राजकीय क्षेत्रातील कार्यकर्ते मागणार आहेत. तसेच मंत्रालय स्तरावरही वरिष्ठ अधिकाऱ्यांकडून याचा जाब विचारला जाणार आहे.
चौकशीला आजगाव येथे आल्यावर डाएट प्राचार्य केवळ शिरोडा येथील मासे खाण्यात तल्लीन असतात की काय..? अशीही स्थानिक लोकांमध्ये चर्चा रंगलेली आहे. महाराष्ट्र शासनाची खोट्या दाखल्यांवर गडगंज पगार घशात घेणारा प्राचार्य डाएटच्या प्राचार्यांच्या घशात फक्त मासे घालतो आणि त्यांना खुश ठेवण्यात धन्यता मानतो.. हा सगळा सावळा गोंधळ लवकरच मीडियाच्या माध्यमातून जनतेसमोर येणार आहे.

*_………….सविस्तर बातमीसाठी खालील लिंकवर क्लिक करा…._*
👇🏻👇🏻👇🏻👇🏼👇🏼👇🏼👇🏼👇🏼👇🏼👇🏼👇🏼👇🏼

———————————————
*भारतीय आयुर्विमा महामंडळ शाखा कुडाळ*
*येथे “ग्रामीण करियर एजंट” नेमणे आहेत..!!!*
=======================
*वेतन मासिक ₹5000 + कमिशन + बोनस*

*शिवाय ग्रॅच्युटी, मेडिकल कव्हर, ग्रुप इन्शुरन्स अधिक भत्ते लागू*
=======================

*पात्रता-*
*कुडाळ, सावंतवाडी, वेंगुर्ला, दोडामार्ग तालुक्यातील कोणत्याही ग्रामीण भागातील रहिवासी*

*शैक्षणिक अर्हता-*
*12 वी पास / पदवीधर*
=======================
*वयोमर्यादा-*
*खुला- 18 ते 35 वर्ष.*
*मागासवर्गीय-18 ते 40 वर्ष.*
=======================
*अर्ज करण्याची शेवटची तारीख*
*15/05/2022*

*लेखी परीक्षा व मुलाखत -*
*22/05/2022*
*ठिकाण -*
*कुडाळ LIC कार्यालय*
=======================
*वरील पात्रता धारक गरजू उमेदवारांनी त्वरित संपर्क साधावा.. (जागा मर्यादित.)*
=======================
*उमेश गावडे*
*विकास अधिकारी,*
*भारतीय आयुर्विमा महामंडळ*
*मो. नंबर- 9421082622*

*💁‍♂️इच्छुक उमेदवारांनी* https://wa.me/message/IDNBY5YU6FNSO1
*👆वरील link वर क्लिक करुन किंवा 9421082622 या नंबरवर आपले नाव, वय, शिक्षण, गाव व तालुका 🪀WhatsApp करावे.*

💁‍♂️ *आपले Application आमच्याकडे आल्यानंतर आपणास आम्ही संपर्क करू*

___________________________

*🎴कोकण लाईव्ह फेसबुक पेज👇🏻*
https://www.facebook.com/kokanlivebreaking/

*🎴कोकण लाईव्ह युटयूब चॅनल👇🏻*
https://www.youtube.com/channel/UC4OBZsXZuVI8r7ezVUUeOJg

*🎴कोकण लाईव्ह वेबसाईट👇🏻*

Home

*🎴कोकण लाईव्ह इंस्टाग्राम👇🏻*
https://www.instagram.com/kokanlivebreaking/

*🎴कोकण लाईव्ह टेलिग्राम👇🏻*
https://t.me/kokanlive

*🎴कोकण लाईव्ह ट्विटर👇🏻*
Tweets by LiveKokan

*🎴कोकण लाईव्ह ब्रेकिंग व्हाट्सअप ग्रुप*
https://chat.whatsapp.com/FlfSnzCIRRn7YNI3VaCzyj

*🖥️ कोकण लाईव्ह ब्रेकिंग*
_अचूक बातमी थेट हल्ला_