🟥 नवोदय विद्यालय विद्यार्थी प्रवेश परीक्षेत उद्या शनिवारी परजिल्ह्यातील विद्यार्थ्यांना प्रवेश मिळणार नाही अशी खबरदारी प्रशासनाने घ्यावी ; शिवसेना तालुकाप्रमुख रूपेश राऊळ

🎥 Kokan Live Braking News

✍ ब्युरो न्यूज : कोकण लाईव्ह ब्रेकिंग

🎴सावंतवाडी,दि.२९ :- जवाहरलाल नवोदय विद्यालयात प्रवेश मिळविण्यासाठी परजिल्ह्यातील विद्यार्थ्यांनी उद्या शनिवार दि.३० एप्रिल रोजी प्रवेश परीक्षेस बसू नये, चुकीच्या पद्धतीने हाॅल तिकीट मिळवण्यासाठी प्रयत्न झाले आहेत. जिल्हाधिकारी के मंजूलक्ष्मी यांनी त्रिसदस्यीय चौकशी समिती नेमली आहे. या समितीने उद्या शनिवारी होणाऱ्या परिक्षेत परजिल्ह्यातील विद्यार्थ्यांना प्रवेश मिळणार नाही अशी खबरदारी घ्यावी, अन्यथा सकाळी ९ वाजता शिवसेना पालकांसह आंदोलन छेडणार आहे, असे शिवसेना तालुकाप्रमुख रूपेश राऊळ यांनी सांगितले.

यावेळी उपजिल्हाप्रमुख अशोक दळवी, महिला संघटक सौ अपर्णा कोठावळे, गजानन नाटेकर,शिवदत्त घोगळे, इन्सुली सरपंच तात्या वेंगुर्लेकर, प्रशांत कोठावळे आदी उपस्थित होते.

नवोदय विद्यालय विद्यार्थी प्रवेश परीक्षा उद्या दि.३० एप्रिल रोजी सकाळी होणार आहे. स्थानिक विद्यार्थीना नवोदय विद्यालयात प्रवेश मिळाला पाहिजे म्हणून पालकांसह आंदोलन छेडले जाईल. परजिल्ह्यातील विद्यार्थ्यांनी प्रवेश प्रक्रियेत सहभागी होवू नये तसेच प्रशासनाने चुकीच्या पद्धतीने प्रवेश हाॅल तिकीट मिळवीणाऱ्या विद्यार्थ्यांना प्रवेश देऊ नये असे रूपेश राऊळ यांनी सांगितले.

सावंतवाडी तालुक्यातून परजिल्ह्यातील ६७ विद्यार्थ्यांना प्रवेश हाॅल तिकीट मिळविले आहे. त्यापैकी दोन शाळांनी चुकीच्या पद्धतीने प्रकिया केल्याचे मान्य केले मात्र अन्य दोन शाळा चुकीच्या पद्धतीची कबूली देत नाही असे राऊळ यांनी सांगितले. जिल्हाधिकारी के मंजूलक्ष्मी यांनी त्रिसदस्यीय चौकशी समिती नेमली आहे. या समितीने चौकशीची औपचारिकता पूर्ण करू नये तर वस्तुस्थिती जिल्हाधिकारी यांच्या समोर ठेवून स्थानिक विद्यार्थीवर होणारा अन्याय दूर करावा आणि यापुढेही असा प्रश्न उपस्थित होणार नाही अशी खबरदारी घ्यावी असे रुपेश राऊळ यांनी सांगितले.

आमदार, खासदार, पालकमंत्री यांच्या समोर विषय ठेवून स्थानिकांना न्याय मिळवून देण्यासाठी प्रयत्न केला जाईल तसेच वेळप्रसंगी मुख्यमंत्री उद्धव ठाकरे यांना निवेदन देऊन चुकीच्या पद्धतीला आळा घालण्यासाठी प्रयत्न केला जाईल असे राऊळ यांनी सांगितले.

नवोदय विद्यालयात ४८७ विद्यार्थ्यांना प्रवेश मिळणार आहे त्यासाठी ८०० विद्यार्थ्यांनी हाॅल तिकीट मिळविले आहे. त्यात परजिल्ह्यातील विद्यार्थ्यांचा भरणा आहे त्यामुळे स्थानिक विद्यार्थी प्रवेशापासून वंचित राहण्याची शक्यता आहे त्यामुळे परजिल्ह्यातील विद्यार्थ्यांनी चुकीच्या पद्धतीने हाॅल तिकीट मिळविले त्यांनी प्रवेश परीक्षेत बसू नये असे रूपेश राऊळ यांनी सांगितले.

 

 

*_…………….सविस्तर बातमीसाठी खालील लिंकवर क्लिक करा…._*

👇🏻👇🏻👇🏻

 

 

_________________________

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

*♦कार्यकारी संपादक : आनंद धोंड*

*📱संपर्क : +919423958828*

*♦ब्युरो चीफ : विशाल पित्रे*

*📱संपर्क : +919405475712*

 

 

*🎴कोकण लाईव्ह व्हॉट्सॲप ग्रुप👇🏻*

https://chat.whatsapp.com/FlfSnzCIRRn7YNI3VaCzyj

 

*🖥️ कोकण लाईव्ह ब्रेकिंग*

_अचूक बातमी थेट हल्ला_