🟥 माणसांचा जीव वाचवण्यास प्राधान्य..

🟥 गाळाबाबत संभ्रम निर्माण करणारी वक्तव्ये थांबवावीत ; चिपळूण बचाव समितीचा इशारा..

🎥 Kokan Live Braking News

✍ प्रतिनिधी : ओंकार रेळेकर

🎴चिपळूण, दि-२४ :- कथित नदी तज्ञ मल्हार इंदुलकर यांनी शिव नदीतील व वाशिष्ठी या गाळ उपसा बाबत केलेले वक्तव्य अत्यंत चुकीची व दिशाभूल करणारी आहेत. त्यांनी जर अशा पद्धतीने अभ्यास केलाच होता तर ते आतापर्यंत झोपले का होते ? व त्यांचा हेतू जर चांगलाच होता तर त्यांनी जनतेच्या आंदोलन काळात मांडणे आवश्थक होते. पण व्यापक जनहितातून सुरु असलेल्या मोहीमेत काड्या घालण्याचे उद्योग बंद करावेत असा इशारा चिपळूण बचाव समितीचे सदस्य सतीश कदम यांनी दिला आहे.

गेले सुमारे चार महिने चिपळूणात गाळ उपसा सुरु आहे व हे काम या सीझनच्या अंतिम टप्प्याकडे येत असताना त्यावर आक्षेप घेऊन जनतेमध्ये संभ्रम निर्माण करणारी चुकीचे वक्तव्य इंदुलकर यांनी त्वरित थांबवावीत असे कदम म्हणाले. चिपळूण बचाव समितीने उभारलेले आंदोलन हे माणसं वाचवण्यासाठी उभारलेले आहे. त्यामुळे माणसांचा जीव हा आमच्या दृष्टीने प्राधान्याचा आहे. माणसं आणि शहर वाचले तर त्यानंतर सर्वकाही आहे असंही मत त्यांनी नोंदवले.

वाशिष्ठी गाळ उपसा अभियान हे तीन टप्प्यांमध्ये विभागले गेले आहे ज्यामध्ये पहिला टप्पा हा गोळकोट ते बहाद्दूरशेख असा आहे. या टप्प्याची आखणी या विषयातील पर्यावरण खाते व तांत्रिक तज्ञ यांचा सल्ला घेऊन व मार्गदर्शन घेवूनच शासनाने केलेले आहे. चिपळूण बचाव समिती या सर्व कामावर लक्ष ठेवून व समन्वयाने काम करत आहे. वाशिष्टी नदीतला गाळ हा समुद्रातल्या पातळीचा विचार करूनच काढण्यात आलेला आहे. ज्यामुळे खारे पाणी आत येईल व गोडे पाणी खारे होईल अशी चुकीची व अर्धवट माहिती देण्याचा प्रयत्न करू नये.. वाशिष्ठी व शिवनदीतील गाळ अतिरिक्त होता तोच काढण्यात आला आहे हे अभियान गेल्या अनेक वर्षातील पहिले व व्यापक अभियान आहे. आत्तापर्यंत गेल्या अनेक वर्षात वाशिष्ठी व शिवनदीमध्ये एवढ्या मोठ्या प्रमाणावर व व्यापक गाळ उपसा झालेला नाही. त्यामुळे नदीच्या नैसर्गिक पातळीपेक्षा प्रचंड प्रमाणात गाळाचा संचय झाल्यामुळे नदीमध्ये भरावाची व उथळ स्थिती तयार झाली होती. नदीचा नैसर्गिक स्रोत कमालीचा मंदावला होता.नदीचे पात्र अरुंद झाल्यामुळे पाणी वाहून नेण्याची क्षमता खूपच कमी झाली होती. त्यामुळे नदीचे मूळ पात्र समतोलात आणण्यासाठी, तेवढ्या प्रमाणात व पातळीत गाळ उपसला गेलेला आहे. या वाशिष्ठीत सुद्धा काही बेटे आहेत ज्या बेटांचा आकार मूळ क्षेत्रापेक्षा कितीतरी प्रमाणात गेल्या काही वर्षांत वाढला आहेत, काही बेटे तर तीन ते चार पटीने वाढली आहे दोन्ही बाजूने कापून नदीचा प्रवाह सुरळीत करण्याचा प्रयत्न केला गेला आहे. मापातले बेट हे काढण्याशिवाय पर्यायच नव्हता. मापातल्या बेटामुळे नदीच्या प्रवाहाला प्रचंड प्रमाणात अडथळा तयार होत होता व पाणी विभागले जाऊन ते गावामध्ये शिरत होते त्यामुळे येथील बेट काढणे क्रमप्राप्तच होतं. परंतु त्याचेही चुकीच्या प्रमाणात तथाकथित पर्यावरणप्रेमीकडून चित्र रंगवले गेले आहे. ही सर्व कामे सुरु असताना कुठेही जलचर प्राणी वनस्पती यांना धक्का पोहोचेल असे काम करण्यात आलेले नाही. मुळातच गोळकोटच्या पुढेच पानथळ वनस्पती मोठ्या प्रमाणावर आहे व हा दुसरा टप्पा अजूनही सुरू झालेला नाही, याकडेही सतीश कदम यांनी लक्ष वेधले वाशिष्ठी व शिवनदीचे पात्र हे खोलगट करण्यापेक्षा व संकुचित करण्यापेक्षा ते रुंद करण्याकडे जास्त भर देण्यात आला आहे, व अडथळे दूर करण्याचे काम सुरू आहे जेणेकरून पाण्याचा प्रवाह अत्यंत सुरळीत व नैसर्गिकरित्या होऊ शकेल व भर पावसामध्येही पाणी वेगाने विसर्गात होऊ शकेल. बेटामुळे पाण्याचा प्रवाह नियंत्रित होतो हे म्हणणे अत्यंत हास्यास्पद आहे. कारण बेटामुळेच पाण्यातला प्रवाहाला अडथळा तयार होऊन पाण्याची दिशा बदलते व नदीपात्रात या बेटामुळे पाणी गावांमध्ये शिरण्याचे अत्यंत मोठा धोका असतो व तसा धोका असल्यानेच त्यामुळे काही ठिकाणांची अडथळे हे बाजूला करणं महत्त्वाचे ठरते. चिपळूण बचाव समिती समितीने कुठेही व केव्हा आहे गाळ काढल्यानंतर महापूर येणारच नाही असा दावा केलेला नाही उलट चिपळूण बचाव समितीने हे वारंवार स्पष्ट केले आहे की, गेल्या वर्षी जो महापूर आला होता तो महाजनकोमधून मोठ्या प्रमाणावर वीज निर्मितीचे पाणी शहराकडे सोडण्यात आल्याने आला.त्यामुळे यावर्षी जरी गाळ काढला तरी महाजनको जर पाण्याचे व्यवस्थापन करू शकली तरच या पुरावर काही प्रमाणात प्रतिबंध येऊ शकतो या साठी आम्ही महाजनकोच्या वरिष्ठ अधिकाऱ्यांशी प्रत्यक्ष चर्चा केलेली आहे.धरण पाणी व्यवस्थापन, पावसाचे पडणारे पाणी यावर सातत्याने निरिक्षण व गाळ उपसा व अडथळे दूर करण्याचा प्रयत्न या तिघाची तिन्ही गोष्टींची व्यवस्थित सांगड घातली गेल्यास काही प्रमाणात चिपळूणवासियांना दिलासा मिळेल व त्यासाठी आमची धडपड सुरु आहे असेही समितीने म्हटले आहे. चिपळुणात सध्या या निमित्ताने अनेक पर्यावरणवादी व तथाकथित जलतज्ञ यांची फौजच तयार झाली आहे व ते सोशल मीडियावर लोकांची दिशाभूल करण्याचा प्रयत्न करत आहेत लोकांनी अशा अफवांवर विश्वास ठेवू नये असे आवाहनही बचाव समितीने केलेले आहे.

 

*_…………….सविस्तर बातमीसाठी खालील लिंकवर क्लिक करा…._*

👇🏻👇🏻👇🏻

 

 

_________________________

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

*♦कार्यकारी संपादक : आनंद धोंड*

*📱संपर्क : +919423958828*

*♦ब्युरो चीफ : विशाल पित्रे*

*📱संपर्क : +919405475712*

 

 

*🎴कोकण लाईव्ह व्हॉट्सॲप ग्रुप👇🏻*

https://chat.whatsapp.com/FlfSnzCIRRn7YNI3VaCzyj

 

*🖥️ कोकण लाईव्ह ब्रेकिंग*

_अचूक बातमी थेट हल्ला_