🟥 जिल्ह्यात होत असलेल्या आत्महत्येंला अमली पदार्थांचा घट्ट विळखा जबाबदार..

 

🟥 सावंतवाडी शहरात दोन वर्षात करोडपती झालेल्या तस्करांची चौकशी केल्यास सत्य बाहेर पडेल..

🟥 हातातोंडाशी आलेली मुले आत्महत्या करू लागल्याने आई-वडिलांचा आक्रोश मन हेलावून टाकणारा

🎥 Kokan Live Braking News

✍ संपादकीय : सीताराम गावडे

🎴सावंतवाडी, दि-२० :- हातातोंडाशी आलेल्या मुलांच्या अकाली आत्महत्येला जबाबदार तरी कोणाला धरावे? काबाडकष्ट करून, रक्ताचे पाणी करून, दिवस रात्र जागून ज्या मुलांना लहानाचे मोठे केले शिक्षण दिले व आई-वडिलांच्या अपेक्षा पूर्ण होणार नेमकं त्याच वेळी ही मुले आत्महत्येचा मार्ग पत्करुन आपल्या आई बापांच्या आयुष्याची रांगोळी करून टाकतात, प्रचंड वेदना आई बापाला देऊन जातात,त्या आत्महत्येचे कारण काय असते हे कोडेही न उलगडणारे, एक तर्फी प्रेम की व्यसनाची चटक की पैशाची कमतरता यापैकी नेमके कारण कोणते हे समजणे कठीण जाते, मात्र अशा मुलांच्या आई-वडिलांचा आक्रोश बघितला की हृदय पिळवटून टाकावे, मन सुन्न व्हावे, अशी परीस्थिती, सध्याच्या समाज व्यवस्थे मध्ये चाललेले हे प्रकार अतिशय वेदनादायी व मन हेलावून टाकणारे आहेत. म्हणूनच आम्ही सुरुवातीपासूनच अवैध धंदे चरस ,गांजा ,याच्याविरुद्ध आवाज उठवत आलो आहे, कारण एकदा मुले या व्यसनाच्या आहारी गेली की आपल्या कुटुंबाला विसरून जातात, व्यसन हे त्यांचे सर्वस्व बनते व ही मुले ज्यावेळी रीकामी असतात त्यावेळी त्यांच्या डोक्यात सैतानाचा वावर सुरू होतो त्या क्षणी ते कोणताही निर्णय घेऊ शकतात.

म्हणून अशा व्यसनांपासून मुले लांब राहवीत व आपला जिल्हा या अवैध धंद्याच्या विळख्यातून सुटावा ही आमची प्रामाणिक मागणी आहे. सिंधुदुर्ग जिल्ह्याला अवैद्य धंद्या बरोबरच चरस ,गांजा या अंमलीपदार्थांचा घट्ट विळखा आहे व हा विळखा कधी कोणाचा गळा दाबेल हे सांगता येत नाही म्हणूनच आम्ही शफीक शेमन असेल किंवा दारु तक्सर असतील त्यांच्या विरुद्ध आवाज उठवत आहोत.

सावंतवाडी तालुक्यात अलीकडे वयात आलेल्या मुलांची आत्महत्येचे प्रमाण मोठ्या प्रमाणात वाढले आहे. एकुलता एक मुलगा हातातोंडाशी आलेला आपला मुलगा जेव्हा आई-वडिलांना सोडून जातो तेव्हा त्या आई-वडिलांचा आक्रोश मन हेलावून टाकणारा असतो व अशा घटना मधून सावरने आई-वडिलांना कठीण जाते, त्यामुळे आता वयात आलेल्या मुलांना समुपदेशनाची गरज आहे,सामाजिक संस्थांनी याबाबत पुढाकार घेऊन कॉलेज युवकांना समुपदेशन करणे गरजेचे आहे, सावंतवाडी तालुक्यात अवैध धंदे आहेत त्याच्या मुळाशी घाला घालने ही काळाची गरज आहे, आम्ही अनेक वेळा सांगितले की म्हातारी मेल्याचे दुःख नाही काळ सोकावतोय या धंद्यामध्ये एकदा मुले अडकली की त्यातून बाहेर पडणे कठीण असते व ती मुले व्यसनाच्या आहारी गेली की आपले कुटुंबही विसरतात व हीच मुले एके दिवशी कोणतेही कारण नसताना नैराश्य पोटी आत्महत्या करु शकतात त्यामुळे याला वेळीच रोखणे गरजेचे आहे.

रस्त्यावर बसून कटलेरी विकणारे किंवा शंभर स्क्वेअर फुट मध्ये कपड्यांचे धंदा करणारे एक दोन वर्षात करोडपती झाले आहेत, ते कसे झालेत? त्या मागचे इंगित काय? हे शोधून काढणे पोलीस प्रशासनाचे काम आहे,मात्र पोलीस प्रशासनही डोळे बंद करून तोंडावर बोट ठेवून निवांत आहे जणू काही घडलेच नाही.

पण ही व्यसनाची कीड त्या पोलिस प्रशासनाच्या घरा पर्यंत पोहचेल तेव्हा समजेल कि यामागची भयानकता काय आहे ,आम्ही एक सारखे याविरुद्ध लिखाण करत असल्यामुळे अनेकांची मने दुखावतात मात्र आमचा वैयक्तिक कोणच दुश्मन नाही किवा विरोध नाही मात्र अशा प्रकारचे कृत्य करणारे समाज विघातक काम करणारी माणसे हे आमच्यासाठी कायमच दुश्मन आहेत ,त्यांच्याबाबत आम्ही कोणतीही तडजोड करणार नाही हे मात्र ठामपणे सांगू इच्छितो,काही ठराविक जणांकडे मिळणारा हा गांजा आता गल्लोगल्ली मिळायला लागला आहे, या चरस गांजा चा पुरवठा आता कॉलेजमधली मुलेच करु लागली आहेत व या कॉलेजमधल्या मुलांना आपल्या जाळ्यात ओढण्याचे काम शपीक शेमन व त्यांचे फंटर करतात व त्यांना आपल्या जाळ्यात ओढून त्यांच्याकडून हे धंदे करून घेतात मग ही मुले ही त्या व्यसनाच्या आहारी जातात अशी आम्हाला मिळालेली खात्रीशीर माहिती आहे, त्यामुळे पोलिस प्रशासनाने जी सावंतवाडी शहरातील लैला मजनू ठिकाणी आहेत अशा ठिकाणांवर धाडी टाकून त्या यूवकांना ताब्यात घ्यावे व त्यांच्याकडून सखोल माहिती घेऊन या अवैध धंद्याच्या मुळापर्यंत पोहोचावे व त्यावर त्यांना जेरबंद करावे अशी आमची मागणी आहे.

सावंतवाडी शहरात किती तरी वेळा गांजा पकडून आरोपी सहीसलामत सुटून बाहेर पडून पुन्हा तोच धंदा करत आहे, त्यामुळे एकाच गुन्ह्यात पुन्हा पुन्हा अडकल्यावर त्यांना मोक्का लावून , तडीपार ची कारवाई करावी अशी आमची मागणी आहे.पोलिस प्रशासनाने याबाबत गांभीर्याने घेणे गरजेचे आहे असे आम्हाला वाटते.

 

*_…………….सविस्तर बातमीसाठी खालील लिंकवर क्लिक करा…._*

👇🏻👇🏻👇🏻

 

 

_________________________

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

*♦कार्यकारी संपादक : आनंद धोंड*

*📱संपर्क : +919423958828*

*♦ब्युरो चीफ : विशाल पित्रे*

*📱संपर्क : +919405475712*

 

 

*🎴कोकण लाईव्ह व्हॉट्सॲप ग्रुप👇🏻*

https://chat.whatsapp.com/FlfSnzCIRRn7YNI3VaCzyj

 

*🖥️ कोकण लाईव्ह ब्रेकिंग*

_अचूक बातमी थेट हल्ला_