🟥 चिपळूण नागरीच्या ३० व्या वर्धापनदिनी १ हजार कोटी रुपयांच्या ठेवींचे उद्दिष्ट पूर्ण होणार ; सुभाष चव्हाण

*🟥 पतसंस्थेच्या यशस्वी वाटचालीत मुख्य कार्यकारी अधिकारी व कर्मचाऱ्यांची मेहनत कौतुकास्पद..*

_*🎥 Kokan Live Braking News*_

*✍ प्रतिनिधी : ओंकार रेळेकर*

*🎴चिपळूण, दि-१८ :-* कोरोना आणि महापुराला आपण सर्वजण सामोरे गेलो आहोत. या परिस्थितीत चिपळूण नागरीच्या कामकाजावर कोणताही परिणाम झाला नाही. विशेष म्हणजे कर्जदारांशी सुसंवाद साधत मार्च अखेरीस ९९.५% टक्के इतकी वसुली केली आहे. चिपळूण नागरीच्या यशस्वी वाटचालीत मुख्य कार्यकारी अधिकारी स्वप्ना यादव यांच्यासह कर्मचाऱ्यांनी घेतलेली मेहनत तर कर्जदार व सभासदांनी दिलेली साथ कौतुकास्पद आहे, अशा शब्दांत चिपळूण नागरी पतसंस्थेचे संस्थापक अध्यक्ष सुभाष चव्हाण यांनी या सर्वांचे कौतुक केले. तर येत्या १९ ऑक्टोबर २०२२ रोजी ३० व्या वर्धापन दिनी १ हजार कोटी रुपये ठेवींचे उद्दिष्ट साध्य केले जाईल, असा विश्वास यावेळी व्यक्त केला.

 

चिपळूण नागरी सहकारी पतसंस्थेचा ग्राहक मेळावा रविवारी संस्थेच्या प्रधान कार्यालयात संस्थापक चेअरमन सुभाष चव्हाण यांच्या अध्यक्षतेखाली झाला. यावेळी ते म्हणाले की, गेल्या दोन वर्षांत कोरोना महामारी व महापुराला सामोरे जावे लागले. यावेळी चिपळूण नागरीने सभासदांना जीवनावश्यक वस्तूंच्या किटचे वाटप केले. तर पूरग्रस्त सभासद व्यवसायिकांना अल्प व्याज दरात कर्ज पुरवठा केला. यामध्ये २ कोटी रुपयांचा अर्थ पुरवठ्याचा समावेश आहे. कोरोना कालावधीत संस्थेने १ कोटी रुपये मुख्यमंत्री सहाय्यता निधीसाठी दिले. इतकी मदत देणारी चिपळूण नागरी महाराष्ट्रात एकमेव पतसंस्था ठरली आहे. एकंदरीत चिपळूण नागरीने सामाजिक बांधिलकी जपली आहे, असे सुभाष चव्हाण यांनीउपस्थितीतांना उदाहरण देऊन सांगितले.गेल्या दोन वर्षांत आपण सर्वजण संकटांना सामोरे गेलो असलो तरी संस्थेच्या कामकाजावर कोणताही परिणाम झाला नाही. आर्थिक व्यवहार सुरळीत ठेवलेच शिवाय कर्जदारांशी कसे बोलावे ? वसुली कशी करावी? याचे मार्गदर्शन करण्यात आले. या जोरावर मुख्य कार्यकारी अधिकारी स्वप्ना यादव यांच्या मार्गदर्शनाखाली कर्मचाऱ्यांनी ९९.५ टक्के वसुली करून सर्वांसमोर आदर्श ठेवला आहे. यामुळे मुख्य कार्यकारी अधिकारी व कर्मचाऱ्यांचे कौतुक आहे, असा शब्दांत या सर्वांच्या पाठीवर शाबासकीची थाप मारली. मार्च २०२२ आर्थिक वर्षाचा आनंद मेळावा साजरा करतांना सन २०२३ आर्थिक वर्षाचा संकल्पचित्र निश्चित करण्यात आला आहे. यामध्ये दिनांक ३१ मार्च २०२२ अखेर संस्थेचे भागभांडवल ६१ कोटी २७ लाख रुपये, स्वनिधी ११६ कोटी २६ लाख, ठेवी ९०६ कोटी ११ लाख, कर्जे ७५५ कोटी २३ लाख, पैकी प्लेज लोन ३३० कोटी ५ लाख रुपये, पैकी सोने कर्ज २९४ कोटी २४ लाख रुपये, गुंतवणूक ३०३ कोटी ४१ लाख, मालमत्ता ३० कोटी १७ लाख रुपये, ढोबळ नफा ३० कोटी १० लाख रुपये इतका झाला आहे. तर सन २०२३ चा संकल्पचित्र असा निश्चित करण्यात आला आहे. यामध्ये भागभांडवल ७० कोटी रुपये, स्वनिधी १४० कोटी, ठेवी १०२० कोटी रुपये, कर्जे ८५० कोटी, पैकी प्लेज लोन ३७५ कोटी, गुंतवणूक ४५० कोटी, ढोबळ ५० कोटी रुपये इतका निश्चित करण्यात आला आहे. हा संकल्पचित्र पूर्ण होण्यासाठी आपल्या सर्वांची साथ महत्वाची आहे, अशी प्रतिक्रिया संस्थापक चेअरमन सुभाष चव्हाण यांनी यावेळी व्यक्त केली. तर १ हजार कोटींच्या ठेवींचे उद्दिष्ट मार्च अखेरीस निश्चित करण्यात आले असले तरी १९ ऑक्टोबर रोजी चिपळूण नागरीच्या ३० व्या वर्धापन दिनापर्यंत हे उद्दिष्ट पूर्ण करू असा आत्मविश्वास सुभाष चव्हाण यांनी यावेळी व्यक्त केला.

स्वयंरोजगरातून रोजगार निर्मिती हा चिपळूण नागरी पतसंसंस्थेचा मूलमंत्र असून पुढील काळात सुशिक्षित बेरोजगार तरुणांना रोजगार देण्यासाठी पतसंस्थेच्या माध्यमातून प्रयत्न केले जाणार आहेत. मुंबई-गोवा महामार्गाच्या चौपदरीकरणामुळे पर्यटनाला वाव आहे. यादृष्टीने व्यवसाय करणाऱ्यांना कर्ज पुरवठा केला जाईल. लहरी हवामानाचा फटका आंबा-काजू पिकाला बसत आहे. यामुळे शेतीपूरक दुग्ध व्यवसायात मोठ्या संधी आहेत. याचा शेतकऱ्यांनी फायदा उठवला पाहिजे. या व्यवसायाकरिता चिपळूण नागरी सर्वतोपरी सहकार्य करेल, अशी ग्वाही संस्थापक अध्यक्ष सुभाष चव्हाण यांनी दिली. सहकारात टीका टिप्पणी ही दुर्देवाची बाब आहे. मात्र, आपण सर्वजण या टीकेला महत्व देत नाहीत, ही अभिमानास्पद बाब आहे. तुम्हाला खरंच सेवा करायची असेल तर सहकारात काम करा. सहकार पद आणि प्रतिष्ठा मिळवून देतो, असे उपस्थितीतांना मार्गदर्शन करतांना सांगितले. यावेळी संचालिका सौ. स्मिता चव्हाण, संचालक अशोक कदम, रवींद्र पटवर्धन, संचालिका ऍड. नयना पवार, रवींद्र भोसले, सत्यवान म्हामूनकर, आदी उपस्थित होते. यावेळी मनोहर साठे, अविनाश आंबरे, अमोल सुर्वे, शंकर जाधव, सतीश चव्हाण सभासदांनी मनोगतात संस्थेच्या यशस्वी वाटचालीचे कौतुक केले. तसेच माजी सहकार आयुक्त एस. बी. पाटील व प्रचार सहकार भारती डी. सी. देशपांडे यांनी मार्गदर्शन केले. मेळाव्याचे सूत्रसंचालन संचालक अशोक साबळे यांनी केले. तर हा मेळावा यशस्वी करण्यासाठी मुख्य कार्यकारी अधिकारी स्वप्ना यादव यांच्या मार्गदर्शनाखाली कर्मचाऱ्यांनी मेहनत घेतली.

 

 

*_…………….सविस्तर बातमीसाठी खालील लिंकवर क्लिक करा…._*

👇🏻👇🏻👇🏻

 

 

_________________________

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

*♦कार्यकारी संपादक : आनंद धोंड*

*📱संपर्क : +919423958828*

*♦ब्युरो चीफ : विशाल पित्रे*

*📱संपर्क : +919405475712*

 

 

*🎴कोकण लाईव्ह व्हॉट्सॲप ग्रुप👇🏻*

https://chat.whatsapp.com/FlfSnzCIRRn7YNI3VaCzyj

 

*🖥️ कोकण लाईव्ह ब्रेकिंग*

_अचूक बातमी थेट हल्ला_