🛑 न्हावेली- आरोस-आरोँदा रस्ता ते माऊली मंदिर रस्ता व शिरोडा मुख्य रस्ता खराब..

🛑 येत्या 31 मार्च पर्यंत दुरुस्ती न झाल्यास आंदोलन छेडण्याचा इशारा..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍ प्रतिनिधी : सुखदेव राऊळ

🎴सावंतवाडी, दि-२८ :- ग्रामपंचायत न्हावेली सरपंच यांच्या मार्फत न्हावेली- आरोस-आरोँदा रस्ता ते माऊली मंदिर रस्ता व शिरोडा मुख्य रस्ता बाबत मुख्य कार्यकारी अधिकारी,महाराष्ट्र ग्रामीण रस्ते विकास संस्था सिंधुदुर्ग यांच्याकडे निवेदन सादर करण्यात आले आहे. शनिवार दिनांक २६ मार्च 2022 रोजी सादर करण्यात आलेल्या या निवेदनात, मौजे ग्रामपंचायत न्हावेली मधील या नादुरुस्त रस्त्यामुळे वाहनचालक-मालक, पादचारी यांना सोसाव्या लागत असलेल्या त्रासाबद्दल तक्रार मांडण्यात आली आहे.

न्हावेली सरपंच यांच्या मार्फत सादर करण्यात आलेल्या या लेखी निवेदनात, ‘ मौजे ग्रामपंचायत न्हावेली अंतर्गतच्या या रस्त्याचे काम

मुख्यमंत्री ग्रामसडक योजनेअंतर्गत मागील वर्षभरापासून सुरू आहे. सद्यस्थितीत हा रस्ता अनेक ठिकाणी खचलेली आहे. या खचलेल्या रस्त्यामुळे अपघात होण्याची शक्यता आहे. तसेच या रस्त्याच्या गटारांची पाईप लाईन तुटली असून यामुळे गटारे बंद झाली आहेत. यामुळे पावसाळ्यात गटारांचे पाणी रस्त्यावर येऊन रस्ते व गटारे तुडुंब भरुन वाहण्याची दाट शक्यता मागील काही वर्षा प्रमाणेच यावर्षीही वाढली आहे. तसेच या रस्त्याच्या लगत असलेली शेतकऱ्यांची शेती वाहून जाण्याची व अतोनात नुकसान होण्याची दाट शक्यता आहे.

तसेच रस्त्यालगत लावण्यात आलेली स्ट्रीट लाईट नादुरुस्त झाली असून स्ट्रीट साईटचे खांब वाकलेले आहेत. काही ठिकाणी पुर्णपणे जमिनदोस्त झाले आहेत. हे खांब तेथून हलविण्याबाबत संबंधित प्रशासनास वारंवार कळवूनही कोणत्याही प्रकारची कारवाई झालेली नाही.

यामुळे हे खांब पावसाळ्यात कोसळून मोठ्या प्रमाणात जीवितहानी (जसे मनुष्य व प्राणी) होण्याची दाट शक्यता आहे. याबाबत संबंधित प्रशासनासहीत संबंधित ठेकेदारांना कल्पना देण्यात आली आहे. मात्र अद्याप कोणतीही कार्यवाही झालेली नाही. इतकेच नव्हे तर अनेक ठिकाणी कामे अर्धवट सोडून देण्यात आली आहेत.

ही धोकादायक ठरू शकणारी बाब ध्यानात घेऊन येथील ग्रामस्थांनी ही कामे येत्या 31 मार्च 2022 पर्यंत पूर्ण न झाल्यास या विरोधी आंदोलन छेडण्याचा इशारा दिला आहे. यामुळे संबंधित प्रशासनाने याबाबत त्वरीत कार्यवाही करावी, अशी मागणी होत आहे.

________________________

*_🕴️पाहिजेत… पाहिजेत…पाहिजेत…🕴️_*

 

*नोकरीची सुवर्णसंधी..😍 सुवर्णसंधी..😍सुवर्णसंधी😍*

 

_*🍽️हॉटेल डार्क फॉरेस्ट, आंबोली येथे विविध विभागातील जागा भरणे आहे🏨*_

 

*▪️रिसेप्शनिस्ट(२ जागा )*

महिला किंवा पुरुष चालेल.पगार १२०००/-( पगार सह जेवण राहण्याची सोय)

 

*▪️रिझरव्हेशन(१ जागा )*

पगार-१४०००/-(राहण्याची जेवणाची सोय)

 

*▪️एक्सिकटीव्ह हाऊस कीपर(१ जागा )* पगार-१५०००/-

 

*▪️रूम बॉय(४ जागा )*

(पगार १००००/-सह जेवण राहण्याची सोय)

*▪️कॅप्टन(१जागा )*

पगार १३०००/- (जेवणाची राहण्याची सोय)

*_संपर्क:-_* *हॉटेल डार्क फॉरेस्ट, आंबोली*

9423251804

 

 

___________________________

 

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह व्हॉट्सॲप ग्रुप👇🏻*

https://chat.whatsapp.com/KOW4KDbrVIR5XnoJcgBgAB

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

*अचूक बातमी थेट हल्ला*