🛑 आंबोली, चौकुळ व गेळे येथील कबुलायतदार गावकर जमीन प्रश्नी आमदार दीपक केसरकर यांनी वेळोवेळी लोकांना फसविले ; राजन तेली

*🎥 कोकण लाईव्ह ब्रेकिंग न्यूज*

_अचूक बातमी थेट हल्ला_

*✍ ब्युरो न्यूज : कोकण लाईव्ह ब्रेकिंग*

*🎴सावंतवाडी दि.१२ मार्च :-* आंबोली, चौकुळ व गेळे येथील कबुलायतदार गावकर जमीन प्रश्नी तत्कालीन मुख्यमंत्री देवेंद्र फडणवीस सरकारच्या काळात निर्णय झाला होता त्याची घोषणा बाकी होती. मात्र आमदार दीपक केसरकर यांनी वेळोवेळी लोकांना फसविले आहे. या जमीन प्रश्नी आता मुख्यमंत्र्यांनी घोषणा केली तर त्याचे श्रेय भाजपला जाईल असे भाजपाचे जिल्हाध्यक्ष राजन तेली यांनी म्हटले आहे.

येथील पत्रकार परिषदेत राजन तेली बोलत होते. यावेळी जिल्हा बँक संचालक रवींद्र माडगावकर, पंचायत समिती उपसभापती शीतल राऊळ उपस्थित होते.

राजन तेली म्हणाले, गोव्यामध्ये भाजपाने २० जागा जिंकल्या आहेत. पंतप्रधान नरेंद्र मोदी यांच्या नेतृत्वाखाली गोव्यात यश प्राप्त केले आहे. माजी मुख्यमंत्री विरोधी पक्ष नेते देवेंद्र फडणवीस यांनीदेखील गोव्याच्या यशासाठी प्रचारसभा घेतल्या होत्या. या विजयाची मिरवणूक सिंधुदुर्ग जिल्ह्यामध्ये बांदा येथून काढली जावी आणि त्यावेळी देवेंद्र फडवणीस आणि गोव्याचे मुख्यमंत्री यावेत अशी आपण मागणी केली आहे. आता ही गोव्याचे विजयी मिरवणूक काढून २०२४ विधानसभा निवडणुकीमध्ये महाराष्ट्र राज्यात भाजपा सत्ता आणण्याचा संकल्प करेल, असे राजन तेली म्हणाले.

पेडणे विधानसभा मतदारसंघात प्रवीण आर्लेकर हे प्रथमतः आमदार बनले आहेत. पेडणे येथे माझ्यासह सिंधुदुर्ग जिल्ह्यातील पेडणे शेजारील गावातील अनेकांनी प्रचार केला होता. गोवा विधानसभा निवडणुकीमध्ये सिंधुदुर्ग जिल्ह्यातील भाजपाचे पदाधिकारी कार्यकर्ते प्रचारासाठी गेले होते.महाराष्ट्र राज्यात येती विधानसभा निवडणूक भाजपा स्वबळावर लढणार असल्याचे विरोधी पक्ष नेते देवेंद्र फडणवीस यांनी जाहीर केले आहे असे राजन तेली म्हणाले.

आमदार दीपक केसरकर नगर परिषद निवडणुकीच्या तोंडावर कोट्यावधी रुपयांच्या निधीची घोषणा करत आहेत आतापर्यंत अनेक आश्वासने त्यांनी दिली ती हवेत विरली आहेत आमदार खोटारडे आहेत ते रेटून खोटे बोलत आहेत. आमदार केसरकर यांच्या आतापर्यंतच्या घोषणा ह्या जनतेच्या दरबारात घेऊन ते कसे खोटी आश्वासने आणि खोट्या घोषणा करत आहेत हे सांगितले जाणार आहे. चांदा ते बांदा योजना ही देवेंद्र फडणवीस आणि सुधीर मुनगंटीवार यांनी केली होती केसरकर यांचा त्याच्यात काही संबंध नाही आता केसरकर यांचे सरकार येऊन शिवसेनेने त्यांना मंत्री केले नाही तसेच त्यांना विकासकामात विश्वासात घेतले जात नाही त्यामुळे सिंधुरत्न योजनेचे तीनतेरा वाजले असल्याचे राजन तेली यांनी सांगितले.

जिल्ह्यातील विकासाची स्थिती दयनीय झाली असून प्रशासनावर कोणाचाही अंकुश नसल्याने वाळू तस्करी होत असून मटका,गैर धंदे मोठ्या प्रमाणात चालत आहेत. अधिकारी कोणाचे ऐकत नाहीत. अधिकारी मुजोर झाले असून विनी खर्च होत असे आमदार केसरकर म्हणत आहेत. आमदार केसरकर गृहराज्यमंत्री, पालक मंत्री राहिलेले आहेत मात्र अधिकारी ऐकत नाहीत, निधी खर्च होत नाहीत अशी ते आरडाओरड करून हवेतील बुडबुडे काढत आहेत तसे त्यांनी सांगितले.

तिलारी प्रकल्पाचे कालवे फुटत आहेत अधिकारी व ठेकेदार कामे करताना गोंधळ घातला आहे. वनखात्याने आंबोली येथे केलेल्या कामांमध्ये प्रचंड आर्थिक नाराजी आहे. वनखात्याच्या जंगलात वनखात्याने सिमेंट काँक्रिटचे जंगल उभे केले तर चालते मात्र अन्य कोणी जरी वनखात्यात जंगलात काही काम करायला गेले तर वनखाते त्यावर कारवाई करत असल्याचे राजन तेली म्हणाले.

आंबोली चौकुळ गेळे कबुलायतदार जमीन प्रश्नावर मुख्यमंत्री देवेंद्र फडणीस असताना निर्णय झाला आहे. आमदार केसरकर यांच्या गडबडीने घोषणा बाकी होती.ती घोषणा आता मुख्यमंत्री यांनी केली तर त्याचे श्रेय भाजपला जाते असे त्यांनी सांगितले. उद्या भाजपाची कार्यकारिणी बैठक होत असून प्रशासन आणि विरोधकांना उघडे पाडण्यासाठी भाजपा पुढील काळात प्रयत्न करणार असून जिल्हा परिषद पंचायत समिती नगर परिषद निवडणुका स्वबळावर जिंकण्यासाठी पुढाकार घेणार आहेत.

भाजपच्या बैठकीमध्ये आक्रमक धोरणाबाबत उद्या निर्णय होईल. सावंतवाडी नगर परिषद उमेदवार ठरलेले नाहीत.भाजपा इच्छुक उमेदवारांच्या मुलाखती होतील त्यानंतर पक्ष उमेदवारी देईल. देशभरातील निकाल पाहता यापुढील विधानसभा, जिल्हा परिषद, पंचायत समिती, नगर परिषदेमध्ये भाजपची सत्ता येईल असा राजन तेली यांनी विश्वास व्यक्त केला.

 

*🎂वाढदिवस🎂 साजरा करायचा आहे काळजी करु नका घरपोच केक उपलब्ध होईल चिंता कसली…..🎂*

 

सावंतवाडी मध्ये आपल्या हक्काचे *😍हाऊस आँफ केक😍*

 

*▪️ब्लॅक फॉरेस्ट*

*▪️व्हाईट फॉरेस्ट*

*▪️पायनॅपल*

*▪️बटरस्कॉच*

*▪️मॅंगो*

*▪️स्ट्रॉबेरी*

*▪️ब्लॅक करंट*

*▪️चॉकलेट क्रीम*

*▪️रसमलाई*

*▪️फोटो केक*

*▪️स्पेशल थीम केक*

*▪️पिनाटा केक*

 

_🎊अगदी माफक दरात केक खरेदी करा आणि आपल्या हिंतचिंतकाचे वाढदिवस साजरे करा🎊_

*संपर्क:-* *सुरज लाड*

बिरोडकर टेंब सावंतवाडी

7307367856/7385501506

 

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह व्हॉट्सॲप ग्रुप👇🏻*

https://chat.whatsapp.com/G4Eze9woWlw7ngXJwQ6iTo

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

*अचूक बातमी थेट हल्ला*