🛑 आ. भास्करराव जाधव यांची किमया.. ६ महिन्यात दोन आरोग्य केंद्राचे श्रेणीवर्धन..

_*🛑 वावे प्राथमिक आरोग्य केंद्राला ग्रामीण रूग्णालयाचा दर्जा..*_

*🎥 कोकण लाईव्ह ब्रेकिंग न्यूज*
_अचूक बातमी थेट हल्ला_

*✍ प्रतिनिधी : ओंकार रेळेकर*

*🎴चिपळूण, दि-२६ :-* अवघ्या सहा महिन्यामध्ये आपल्या मतदारसंघातील दोन प्राथमिक आरोग्य केंद्रांना ग्रामीण रूग्णालयाचा दर्जा मंजूर करून घेण्याची किमया आमदार श्री. भास्करराव जाधव यांनी साधली आहे. चिपळूण तालुक्यातील रामपूर आरोग्य केंद्राचे श्रेणीवर्धन केल्यानंतर आता गुहागर मतदारसंघात असलेल्या खेड तालुक्यातील वावे प्राथमिक आरोग्य केंद्रालाही त्यांनी ग्रामीण रूग्णालयाचा दर्जा मिळवून दिला आहे. त्यांच्या या प्रयत्नांना पंधरागाव विभाग जनता सेवा संघ तसेच स्थानिक लोकप्रतिनिधी यांनीही साथ दिली आणि या सर्वांच्या प्रयत्न व पाठपुराव्यातून अनेक दिवसांपासून प्रलंबित असलेले हे मोठे काम तडीस गेले आहे. वावे केंद्राला मिळालेल्या दर्जोन्नतीमुळे आजुबाजूच्या २०-२५ गावांतील रूग्णांना फार मोठा फायदा होणार आहे.
चिपळूण तालुक्यातील कामथे येथे असलेले उपजिल्हा रुग्णालय जिल्हा शासकीय रुग्णालयाप्रमाणे अद्ययावत असावे यासाठी आमदार श्री. भास्करराव जाधव यांनी पुढाकार घेतला आणि त्यात त्यांना यश आले. त्याप्रमाणे मतदारसंघातील रामपूर (ता. चिपळूण), वावे (ता. खेड) आणि आबलोली (ता. गुहागर) येथे असलेल्या प्राथमिक आरोग्य केंद्रांना ग्रामीण रूग्णालयाचा दर्जा मिळावा, यासाठी त्यांचे सातत्याने प्रयत्न सुरू होते. त्यासाठी विधानसभेतही तारांकित प्रश्न व अन्य आयुधांच्या माध्यमातून सतत त्यांनी आवाज उठविला. शिवाय या विभागाच्या वरिष्ठ अधिकाऱ्यांसह आरोग्यमंत्री ना. श्री. राजेशजी टोपे यांच्यासमवेत बैठकाही घेतल्या. त्यामध्ये त्यांनी या आरोग्य केंद्रांना ग्रामीण रूग्णालयाचा दर्जा देणे का गरजेचे आहे, हे पटवून दिले होते. त्यातूनच आधी रामपूर केंद्राला ग्रामीण रूग्णालयाचा दर्जा मंजूर झाला. त्याला सहा महिने व्हायच्या आतच वावे केंद्राला हा दर्जा देण्यास शासनाने मान्यता दिली आहे.
ग्रामीण रूग्णालयाचा दर्जा प्राप्त झाल्यामुळे आता हे रूग्णालय ३० खाटांचे असेल. रूग्णालयामध्ये उपजिल्हा किंवा जिल्हा रूग्णालयाप्रमाणे विविध आजारांवरील तज्ञ डॉक्टरांसह अदययावत यंत्रसामुग्री, उपकरणे उपलब्ध होतील. या सोयीसुविधांमुळे या भागातील गरजू रूग्णांना उपचारांसाठी रत्नागिरी येथे जिल्हा रूग्णालयामध्ये जावे लागणार नाही. परिणामी, रूग्णांचा वेळ, शारीरिक त्रास आणि आर्थिक भुर्दंडही वाचेल. तातडीने उपचार मिळू शकतील, काही शस्त्रक्रियादेखील होवू शकतील आणि त्यामुळे गंभीर स्वरूपाच्या रूग्णांचे प्राणही वाचू शकतील. वावे आणि परिसरातील गावं ही अत्यंत दुर्गम भागातील आहेत. त्यांना आता या रूग्णालयाचा खूप मोठा फायदा होणार आहे.
वावे प्राथमिक आरोग्य केंद्राला ग्रामीण रूग्णालयाचा दर्जा देण्यात आल्याची मान्यता प्राप्त झाल्याचा शासन निर्णय हाती आल्यानंतर आमदार श्री. जाधव यांनी आपण यासाठी सातत्याने प्रयत्न करीत होतो, हे खरे असले तरी त्यासाठी पंधरागाव विभाग जनता सेवा संघ, मुंबईचे पदाधिकारी, या भागातील जिल्हा परिषद सदस्य श्री. अरविंद चव्हाण व स्थानिक पदाधिकारीसुध्दा त्यांच्या परिने प्रयत्न करीत होते. हे काम लवकरात लवकर व्हावे, यासाठी सतत ही मंडळ माझ्या संपर्कात राहून चिकाटीने पाठपुरावा करीत होते. त्यामुळे हे यश माझे एकटयाचे नसून सर्वांचे आहे, अशी प्रतिक्रिया व्यक्त केली. त्याचवेळी आता राहिलेल्या आबलोली प्राथमिक आरोग्य केंद्रालाही ग्रामीण रूग्णालयाचा दर्जा मिळावा, यासाठी प्रयत्न करणार असल्याचे त्यांनी सांगितले.

 

________________________

*🏝️ हिंदुस्तान कॅपिटल सिक्युरिटीज कंपनी*
खास आपल्यासाठी घेऊन आलेत एक आकर्षक कर्ज योजना, *पाच (५) लाख रुपयापर्यंत 💶💶विनातारण विना गॅरेंटर व्यावसायिक तसेच पर्सनल लोन*

*👉🏻नको तारण*
*👉🏻नको जामीन*
*👉🏻नको CBIL*

🔸वार्षिक व्याजदर फक्त12%

*🟣परतफेड कालावधी ५ वर्षे🟣*

*⚫ आमचा पत्ता-* हिंदुस्तान कॅपिटल सिक्युरिटी
🏬ऑफिस नंबर (४) आदित्य बिजनेस सेंटर गांधी चौक सावंतवाडी

🖊️ बँक अकाउंट ओपनिंग कामासाठी मुला-मुलींची आवश्यकता- *पगार-8000 ते 28000 पर्यंत + आकर्षक बोनस + अलाऊन्स*
👉🏻मग चला वाट कसली बघताय ऊचला📞 फोन आणि संपर्क करा

🛑📲अधिक माहितीसाठी आजच संपर्क करा.
——————————————
*📲आमचा संपर्क-9823643211/9403367839*
___________________________

*🎴कोकण लाईव्ह फेसबुक पेज👇🏻*
https://www.facebook.com/kokanlivebreaking/

*🎴कोकण लाईव्ह युटयूब चॅनल👇🏻*
https://www.youtube.com/channel/UC4OBZsXZuVI8r7ezVUUeOJg

*🎴कोकण लाईव्ह व्हॉट्सॲप ग्रुप👇🏻*
https://chat.whatsapp.com/KOW4KDbrVIR5XnoJcgBgAB

*🎴कोकण लाईव्ह वेबसाईट👇🏻*

Home

*🎴कोकण लाईव्ह इंस्टाग्राम👇🏻*
https://www.instagram.com/kokanlivebreaking/

*🎴कोकण लाईव्ह टेलिग्राम👇🏻*
https://t.me/kokanlive

*🎴कोकण लाईव्ह ट्विटर👇🏻*
Tweets by LiveKokan

*🖥️ कोकण लाईव्ह ब्रेकिंग*
*अचूक बातमी थेट हल्ला*