🛑 शिवसेना माजी तालुकाप्रमुख यशवंत वेंगुर्लेकर यांचे निधन..

*🎥 कोकण लाईव्ह ब्रेकिंग न्यूज*

_अचूक बातमी थेट हल्ला_

*✍ प्रतिनिधी : प्रथमेश गावडे*

*🎴सावंतवाडी, दि-१८ :-* सावंतवाडी तालुका भंडारी मंडळाचे माजी उपाध्यक्ष तथा जेष्ठ राजकीय कार्यकर्ते यशवंत अर्जुन वेंगुर्लेकर ( ६६, रा. भोमवाडी, आजगांव ) यांचे दीर्घ आजाराने निधन झाले. कोल्हापूर येथील रुग्णालयात त्यांच्यावर उपचार सुरू होते. तेथेच उपचारादरम्यान शुक्रवारी सकाळी त्यांची प्राणज्योत मालवली. सायंकाळी उशिरा त्यांच्या पार्थिवावर अंत्यसंस्कार करण्यात आले.

केंद्रीय मंत्री नारायण राणे यांचे एकेकाळी खंदे समर्थक असलेले यशवंत वेंगुर्लेकर हे बुलंद व पहाडी आवाजातील आपल्या वक्तृत्वशैली मुळे सुप्रसिद्ध होते. एक यशस्वी संघटक म्हणून त्यांच्याकडे पाहिले जायचे. आपल्या मनमिळाऊ स्वभावाने त्यांनी अनेक माणसे जोडली होती. माजी जिल्हा परिषद सदस्य कै. बाब्या पांढरे यांचे ते अत्यंत निकटवर्तीय होते.

शिवसेनेचे तालुकाप्रमुख त्यानंतर काँग्रेसचे तालुकाध्यक्ष अशा विविध महत्त्वाच्या पदांची यशस्वी जबाबदारी त्यांनी पार पाडली होती. त्यानंतरच्या काळात आजारपणामुळे ते राजकारणापासून अलिप्त होते. केंद्रीय मंत्री नारायण राणे यांच्या जन आशिर्वाद यात्रेत मळेवाड येथे त्यांनी ना. राणे यांची भेट घेतली होती. राणे यांचे ते अत्यंत निकटवर्तीय मानले जायचे. एक सच्चा व प्रामाणिक कार्यकर्ता अशी त्यांची ओळख होती.

सावंतवाडी तालुका भंडारी मंडळाचे ते सक्रिय सदस्य होते. २००९ च्या काळात ते या मंडळाचे उपाध्यक्ष म्हणून कार्यरत होते. विविध सामाजिक चळवळीत त्यांचा सक्रिय सहभाग असायचा. गेली काही वर्षे एका दीर्घ आजारामुळे ते त्रस्त होते. त्यातच शुक्रवारी पहाटे उपचारादरम्यान त्यांचे निधन झाले. त्यांच्या पश्चात पत्नी दोन मलगे भाऊ भावजय असा परिवार आहे. भोम गावच्या विद्यमान अस्मिता वेंगुर्लेकर यांचे पती होत.