🛑 ऐकूनमळगांव इंग्लिश स्कूल मळगांव मधील शैक्षणिक वर्ष 2021-22 मधील शालांत (एस.एस.सी.) परिक्षेस बसणाऱ्या विद्यार्थी-विद्यार्थीनींची जय्यत तयारी सुरु..

🛑 वर्ष 2020-21 मधील 90 टक्के षेक्षा जास्त टक्के गुण मिळवून उत्तीर्ण झालेल्या व शिष्यवृत्ती परिक्षेत गुणवंत-यशवंत झालेल्या विद्यार्थी-विद्यार्थीनींच्या सत्काराने उत्साह

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍ प्रतिनिधी : सुखदेव राऊळ

🎴सावंतवाडी, दि-०४ :- माध्यमिक शालांत परिक्षा शैक्षणिक वर्ष 2021-22 मधील मार्च परिक्षेत बसणार असलेल्या मळगांव इंग्लिश स्कूल मळगांव मधील 96 परीक्षार्थी विद्यार्थी-विद्यार्थीनी कोविड-19 मुळे परिक्षा होणार की नाही या शक्यता-अशक्यतेच्या परिस्थितीतील तणाव बाजूला ठेवावा. कोणत्याही प्रकारचे दडपण न घेता अभ्यास करावा. यश तुमचेच असेल. तुम्ही सुद्धा पुढील वर्षी सत्कार मुर्ती असाल, असा विश्वास मळगांव इंग्लिश स्कूल मळगांवच्या वतीने मळगांवचे ग्रामस्थ तथा सेवानिवृत्त शासकीय अधिकारी व सामाजिक कार्यकर्ते शेखर पाडगावकर यांनी व्यक्त केला. बुधवारी त्यांच्याच वतीने पार पडलेल्या शैक्षणिक वर्ष 2020-21 मधील शालांत (एस.एस.सी.) परिक्षेत 90 षेक्षा जास्त टक्के गुण मिळवून उत्तीर्ण झालेल्या व शिष्यवृत्ती परिक्षेत गुणवंत-यशवंत झालेल्या तथा विविध पुरस्कार प्राप्त असलेल्या 17 विद्यार्थी-विद्यार्थीनींच्या सत्कार सोहळ्यात बोलत होते. दरम्यान शेखर पाडगावकर यांनी केलेल्या सत्कारामुळे मळगांव इंग्लिश स्कूल मधील वर्ष 2021-22 च्या शालांत परीक्षेला बसणार असलेल्या 111 विद्यार्थी- विद्यार्थीनी कडून आपणही या गुणवंत विद्यार्थी- विद्यार्थीनीं प्रमाणे अभ्यास करुया. आपणही पुढील वर्षी असेच सत्कारमुर्ती असू असा विश्वास व्यक्त होत आहे. पाडगावकर यांनी केलेल्या सत्कार सोहळ्याचे चांगले पडसाद उमटू लागल्याचे मागील दोन दिवस शाळा भरण्यापूर्वी शाळा परिसरात अभ्यासाची उजळणी करताना आढळून येत असलेल्या विद्यार्थ्यांच्या चेहऱ्यावरील आत्मविश्वास पाहील्यास यावर्षीही मागील वर्षी प्रमाणेच किंवा त्यापेक्षा अधिक टक्केवारी असेल असे दिसत आहे. तर मळगांव ग्रामस्थ व पालकवर्गाकडून शेखर पाडगावकर यांच्या महान कार्याचे कौतुक होत आहे.

मळगांव इंग्लिश स्कूल च्या शिवाजी नारायण सभागृहात बुधवार दिनांक 2 फेब्रुवारी 2022 रोजी संपन्न झालेल्या या सत्कार सोहळ्यात मळगांव ऐक्यवर्धक संघाचे सचिव आर. आर. राऊळ, चेअरमन मनोहर राऊळ, माजी मुख्याध्यापक तथा शिक्षण सल्लागार व शाळेचे माजी विद्यार्थी दिवाकर राऊळ सर, माजी मुख्याध्यापक तथा शिक्षण सल्लागार वैजनाथ देवण सर, शाळा समिती सदस्य-तथा माजी विद्यार्थी दिपक जोशी, संस्था संचालक तथा माजी विद्यार्थी रामचंद्र केळूसकर, बाळकृष्ण तेंडोलकर तथा ग्रामस्थ,संस्था सेक्रेटरी- तथा माजी विद्यार्थी गुरुनाथ राऊळ व मळगांव इंग्लिश स्कूल मळगांव च्या एस. एस. सी. बॅच तथा चॅम्पियन्स गृपचे माजी विद्यार्थी तथा कोकण लाईव्हचे सावंतवाडी प्रतिनिधी कवी-वात्रटिकाकार सुखदेव राऊळ यांच्या सहीत मुख्याद्यापिका सौ. श्रद्धा सावंत (प्रमिला राणे) मॅडम तसेच शिक्षक तथा पर्यवेक्षक एम. बी. फाले सर, शिक्षक ओमप्रकाश तिवरेकर सर, संदीप कारीवडेकर सर , शिवाजी ठाकरे सर ,सुनिल कदम सर, विठ्ठल सावंत सर,

प्रकाश केसरकर सर ,शिक्षिका नम्रता सातार्डेकर मॅडम, शैलजा परुळेकर मॅडम, प्रज्ञा मातोंडकर मॅडम, नेहा गोसावी मॅडम, प्रज्ञा पार्सेकर मॅडम, ऋतुजा सावंत भोसले मॅडम, ग्रंथपाल तथा माजी विद्यार्थी सतीश राऊळ, शिक्षकेतर कर्मचारी तथा माजी विद्यार्थी गोविंद कानसे,शिपाई तथा माजी विद्यार्थी बाळा जाधव,शिपाई तथा माजी विद्यार्थी विलास जाधव,शिपाई रमेश भांडे, संगणक प्रशिक्षक तथा माजी विद्यार्थी हितेश राऊळ आदी उपस्थित होते.

यावेळी शेखर पाडगावकर यांनी पुढे बोलताना “या यशस्वी तथा 13 व्या सत्कार समारंभातील सत्कार मुर्ती तसेच आगामी परीक्षेत परीक्षार्थी असलेल्या विद्यार्थी-विद्यार्थीनीनी ” ज्या विद्यार्थीनीचे नाव तब्बल 32-33 वर्षांनंतरही तिच्या वर्ग मित्र-मैत्रिणी, शाळा मित्र-मैत्रिणी, तत्कालीन शिक्षक-शिक्षिका व शिक्षकेतर कर्मचारी तसेच पंचक्रोशीतील ग्रामस्थ पालकांकडून घेतले जाते त्या विद्यार्थीनीचे अर्थात 88 टक्के गुण मिळवून दुसऱ्या क्रमांकाने तर मळगांव इंग्लिश स्कूल मधून तेव्हाच्या कोणत्याही सुविधा व विशेष जोड गुण नसलेल्या परिस्थितीत सिंधुदुर्ग जिल्ह्यातून दुसऱ्या क्रमांकाने तर सावंतवाडी तालुक्यातून प्रथम क्रमांकाने अव्वल ठरलेल्या शैक्षणिक वर्ष 1987-88 ची विद्यार्थीनी राखी विठ्ठल नाईक (संजना संजीव राणे) हिचा आदर्श डोळ्यासमोर ठेवण्याचे आवाहन केले. तसेच पाडगावकर यांनी, ” कार्यक्रमाचे अध्यक्ष आर. आर. राऊळ यांच्या सहीत उपस्थित मान्यवरांनी केलेल्या भाषणातून विद्यार्थ्यांनी बोध घ्यावा असे आवाहन करताना, “17 गुणवंत विद्यार्थी- विद्यार्थीनीनी जसे यश मिळवले तसे तुम्हीही मिळवा. आमचे आशीर्वाद व प्रेरणा तुमच्या पाठीशी सदैव राहील. तुमच्या सर्व गुरुवर्यांचे योगदान महान आहे. त्यांच्याकडून मिळत असलेल्या मार्गदर्शनाचा जास्तीत जास्त उपयोग करुन घ्या. जेवढे विद्यार्थी गुणवंत होतील तेवढे होऊ देत. आम्हांला तेच हवे आहे. मी त्यासाठी खुप इच्छूक व उत्सुक आहे. निकाल वाढायला व वाढवायलाच हवा. 90 टक्के पेक्षा जास्त गुण मिळविणाऱ्या जास्तीत जास्त विद्यार्थी-विद्यार्थीनींची आम्हांला प्रतिक्षा आहे. अधिक गुणवंत वाढावेत यासाठी आतापासूनच तयारी करा. अभ्यास तुम्हांलाच करायचा आहे. यासाठी मोबाईलचा वापर टाळायला हवा. याबाबत शेखर पाडगावकर यांनी, हाच सल्ला व संदेश देणारे, ” कराग्रे वसते लक्ष्मी | कर मध्ये सरस्वती | कर मुल्ये तु गोविंद | प्रभाते कर दर्शन | ” या प्रत्येकाच्या हातात लक्ष्मी वास करत असते. त्यामुळे सकाळी उठल्यावर हाताची ओंजळ करुन प्रथम समोर धरा. त्यानंतर ती ओंजळ मस्तक व चेहऱ्यावर फिरवून पुन्हा समोर धरा व गोविंद म्हणजेच ईश्वराचे नाव घ्या व सकाळी सकाळी त्याचे स्मरण करा. असा अर्थ असलेले मुळ सुभाषित सद्या,

” कराग्रे वसते मोबाईल | कर मुल्ये एन्ड्राॅइड | कर मुल्ये तु मेसेज मेसेजम | प्रभाते वाॅटसअप दर्शनम | “विडंबनात्मक संस्कृत सुभाषित बनले आहे. अर्थात सकाळी उठल्यावर हाताची ओंजळ करुन ती प्रथम समोर धरा. त्यानंतर त्या ओंजळीत मोबाईल धरा.तो मोबाईल मस्तक व चेहऱ्यावर फिरवून पुन्हा समोर धरा व मेसेज व वाॅटसअप म्हणजेच एन्ड्राॅइड फोनचे नाव घ्या व सकाळी सकाळी त्याचे स्मरण करा. ” असा बनला असल्याचे सांगितले.तर पुढे बोलताना पाडगावकर यांनी, ” विद्यार्थ्यांनी शालेय जीवनात आव्हाने स्विकारावीत . नवे मार्ग निवडावेत. कसोटीला उतरावे. यश नक्कीच मिळेल.शिक्षकांना व पालकांना मोबाईल बाबत नव्हे तर अभ्यासाबाबतच्या गरजा सांगा. लाजू नका. संकोचू नका. आमच्या सारखे देणगीदार सहकार्य करण्यासाठी तत्पर आहेत.” असे सांगताना पाडगावकर यांनी कवी ग. दी. माडगूळकर यांनी त्यांच्या एका कवीतेत कष्टाचे वर्णन केले असल्याचे व शेवटी आपले काम व कष्ट दुसरा करणार नाही.ते आपल्यालाच करायच आहे.’ असे सांगताना माजी राष्ठ्रपती डॉ.ए. पी. जे. अब्दुल कलाम यांचा आदर्श प्रत्येक विद्यार्थ्यांने डोळ्यासमोर ठेवावा, असा सल्ला दिला. तसेच त्यांनी वाचन करा. चांगल्या साहित्यिकांचे चांगले साहित्य निवडा. “असे प्रतिपादन करताना कोरोना नसता तर आणखी चांगले यश गुणवंत विद्यार्थ्यांनी मिळवले असते असा विश्वास व्यक्त केला. त्यामुळे इच्छा शक्ती बाळगा. गुण वाढतील असे सांगून पाडगावकर यांनी गुण कमी मिळाले तर खंत करु नका, असा सल्ला दिला. तसेच पाडगावकर यांनी मळगांव इंग्लिश स्कूल मळगांव च्या एस. एस. सी. बॅच 1987-88 मधील आदर्श विद्यार्थ्यांनी बाळगावा असे सांगताना तिचे सह विद्यार्थी तथा पत्रकार सुखदेव राऊळ यांनी , जेव्हा त्यांची व माझी काही महिन्यांपूर्वी पहिल्यांदाच भेट झाली होती तेव्हा आपली ओळख पत्रकार अशी करुन न देता आपण माळीचे घरचा सुपुत्र असलो तरी राखी नाईक सारखी सह विद्यार्थीनी आपणांस इयत्ता पहिली ते दहावी पर्यंत लाभल्यानेच आपण घडलो. तिच्या सारखे गुण मिळवता आले नसले तरी तिच्या बरोबर निबंध स्पर्धा, वकृत्व स्पर्धा, शिष्यवृत्ती परीक्षांमध्ये आपण भाग घेतला. त्यामुळेच जेव्हा आपण एस. एस. सी. वाॅटसअप ग्रुप सुरु केला तेव्हा तिची प्रत्यक्ष भेट वर्ग मित्र महेश शिरोडकर याच्या मदतीने 32 वर्षांनंतर घेऊन तिचे मार्गदर्शन घेतल्याचे आपणास सांगितले होते , अशी आठवण करुन दिली. तसेच पाडगावकर यांनी आणखी एक सल्ला देताना, ‘गुणवंत व एस. एस. सी. तसेच सर्व विद्यार्थी- विद्यार्थीनीनी भविष्यातही अशीच प्रगती करावी. यासाठी शिक्षकांचे मार्गदर्शन घ्यावे. दडपण न घेता अभ्यास करावा,असे सांगताना प्रशालेची 100 टक्के निकालाची तिसऱ्यांदा पुनरावृत्ती व्हायला हवी. “अशी विनंती करुन आपण लवकरच विद्यार्थ्यांसाठी मार्गदर्शन शिबिरे आयोजित करणार असल्याची घोषणा केली.

यावेळी एस. एस. सी. वर्ष 2020 -21 या परिक्षेत 90 टक्के पेक्षा जास्त गुण मिळवून उत्तीर्ण झालेल्या अनिषा ओमप्रकाश तिवरेकर (100 टक्के गुण), प्रांजल श्यामसुंदर कळसूलकर( 93.80 टक्के गुण) , मयुरेश तुळशीदास नाईक (92.60 टक्के गुण) , गणेश शंकर खडपकर (92.60 टक्के गुण) , सानिका उदय फेंद्रे (90.80 टक्के गुण) ,भूमी अरुण परब ( 90.60 टक्के गुण) ,गायत्री बापू गावकर ( 90.60 टक्के गुण) गुणवंती दिगंबर बाबत ( 90.00 टक्के गुण) , श्रुती संतोष गावकर (90.00 90.60 टक्के गुण) या गुणवंत तर पूर्व माध्यमिक ( इयत्ता आठवी) ) शिष्यवृत्ती परीक्षा – शिष्यवृत्ती धारक विद्यार्थी

साहिश दिगंबर तळणकर 64 टक्के, सुचित्रा सत्यविजय धुरी 64 टक्के, सिद्धी नारायण गावडे 60 टक्के, तनुजा प्रकाश शेटकर 55.33 टक्के, शिवम दिपक जोशी 54.66 टक्के, अनंत श्याम सांगेलकर 52.66 टक्के तसेच आर्थिक दुर्बल घटक शिष्यवृत्ती ( एन. एम. एम. एस. परीक्षा या परीक्षेत सुचित्रा सत्यविजय धुरी 66.67 टक्के, सिद्धी नारायण गावडे 61.11 टक्के एवढे गुण मिळवून शिष्यवृत्ती धारक ठरलेल्या विद्यार्थी-विद्यार्थीनींसहीत राष्ट्रीय नेमबाजी निवड चाचणी साठी निवड झालेल्या साहीश दिगंबर तळणकर आदी विद्यार्थी-विद्यार्थीनींचा सत्कार करण्यात आला.

शेखर पाडगावकर यांच्या संकल्पनेतून साकार झालेल्या या सत्कार सोहळ्यात उपस्थित मान्यवरांचे स्वागत मुख्याध्यापिका तथा शाळेच्या माजी विद्यार्थीनी प्रमिला राणे उर्फ सौ. श्रद्धा सावंत मॅडम यांच्या हस्ते करण्यात आले. कार्यक्रमाचे प्रास्ताविक मुख्याद्यापिका सौ. सावंत यांनी करताना शेखर पाडगावकर यांच्या मार्फत गुणवंत व शिष्यवृत्ती धारक विद्यार्थी-विद्यार्थीनींचा सत्कार वर्ष 2009 मध्ये सुरु करण्यात आल्या पासून मागील 13 वर्षात अखंडितपणे सुरु आहे,असे प्रतिपादन केले. या सर्व शिक्षक, शिक्षिका, शिक्षकेतर कर्मचारी यांचा पाडगावकर यांच्या हस्ते पुष्प गुच्छ देऊन सत्कार करण्यात आला. यावेळी उपस्थित सर्व मान्यवरांचाही शेखर पाडगावकर यांच्या हस्ते शाल, श्रीफळ व गुलाबपुष्प देऊन सत्कार करण्यात आला.

सोहळ्याचे अध्यक्ष आर. आर. राऊळ यांनी शेखर पाडगावकर यांच्या तर्फे करण्यात आलेला दहावी गुणवंत व शिष्यवृत्ती धारक विद्यार्थी-विद्यार्थीनींचा गुण गौरव प्रेरणादायी ठरेल. याबद्दल पाडगावकर यांचे आम्ही ऋणी आहोत. गेली 13 वर्षे पाडगावकर यांनी जसे ऋषीमुनींनी तपश्चर्येचे सातत्य ठेवल्याने व या कार्यक्रमाला खंड पडू न दिल्याने सत्कार मूर्तींची संख्या वाढत आहे. पाडगावकर यांनी मागील 12-13 वर्षात दाखविलेला विश्वास व दिलेल्या आव्हानाचा स्विकार करा आणि गुणवंत व्हा. यशवंत व्हा. पैसा, सन्मान, मिळेलच मिळेल. पैशांपेक्षा मानसन्मान मोठा असतो. तो मिळवा. कोरोनामुळे विस्कटलेली शिकवणी व अभ्यासाची घडी बसवा. आलेल्या शाळा बंदच्या संकटाला धीराने सामोरे गेलात तसे पुढेही जा. सर्वाना पुढील काळ यश व गौरवशाली जावो, असे प्रतिपादन करुन शाळेच्या शिक्षणाचा पाया मजबूत केलेल्या सर्व शिक्षकांचे अभिनंदन, असे गौरवोद्गार व्यक्त केले. ही विस्कटलेली घडी प्रसार माध्यमांनी अधिकच बिघडवली.मात्र तुम्ही सर्व विद्यार्थी या संकटात धीराने सामोरे गेलात, याबद्दल ओमप्रकाश तिवरेकर सर यांनी पाडगावकर यांच्या तर्फे 12 वर्षे राखण्यात आलेल्या सातत्याचा हेतू साध्य झाला आहे. शाळेचे विद्यार्थीही दरवर्षी चांगले गुण मिळवत आहेत. विद्यार्थ्यां पेक्षा शिक्षकांना अधिक समाधान मिळते. जेव्हा चांगला निकाल लागतो तेव्हा आनंद द्विगुणित होतो, अशा शब्दांत आपल्या भावना व्यक्त केल्या. तसेच त्यांनी मागील कोरोना काळातील संकटांनी प्रत्येक गोष्ट सर्वोत्तम करण्याचा धडा दिला. विद्यार्थ्यांनी उत्तरोत्तर कामगिरी उंचवि. यशाने हुरळून जाऊ नका,अपयशाने खचून जाऊ नका. यशाचा अभिमान असावा. मात्र अहंकार नसावा. जीवनाच्या यशासाठी शाॅर्टकट मारु नका. शाॅर्टकट अडचणीत आणतो. नोकरी व्यवसायात कमाई व मानसन्मान हवा असतो तो शिक्षणच देऊ शकते. दुर्दैवाने आज शिक्षण, उद्योग, व्यवसाय यांची घडी विस्कटलेली आहे. काय कमावले काय गमावले याचा विचार करा. स्मार्ट फोनचा योग्य वापर करा. इयत्ता 5 वी ते 10 वी पर्यंतचे 5 वर्षे कष्टात घालवा, असा सल्ला दिला. तसेच त्यांनी इयत्ता 5 वी ते दहावी पर्यंतचे 5 वर्षे मेहनत घ्यावी तर पुढची 50 वर्षे आरामात रहाल. भ्रमात राहू नका. प्रत्येक विषयाचा अभ्यास करा. तरच तुम्ही जीवनात यशस्वी व्हाल’ असे प्रतिपादन केले.

माजी मुख्याध्यापक वैजनाथ देवण सर यांनी, ” शैक्षणिक वर्ष 2020-21 मध्ये यशवंत ठरलेल्या विद्यार्थी- विद्यार्थी-विद्यार्थीनींचा गौरव करताना “पाडगावकर यांनी विद्यार्थी-विद्यार्थीनींचे कौतुक करण्याचे काम केले आहे. याबद्दल पाडगावकर यांचै आभार आहेत. शिक्षकांनी घेतलेली मेहनत वाया गेली नाही. मात्र यावर्षी परीक्षा होणार की होणार नाहीत अशा शंका न् बाळगता हकिंवा तशा भ्रमात न राहता अभ्यास करावा. केलेला अभ्यास वाया जाणार नाही. जरी परीक्षा नाही झाल्या तरी केलेला अभ्यास कामी येईल. यासाठी अभ्यासाचे नियोजन करा. यश नक्कीच मिळेल. यासाठी वेळापत्रक आखा”, अशा सूचना देताना त्यांनी पुढील वाटचालीस शुभेच्छा दिल्या.

शाळेचे माजी विद्यार्थी तथा शाळा समिती सदस्य दिपक जोशी यांनी, *कोरोना काळात शिक्षकांनी जी मेहनत घेतली ती यशस्वी झाल्याचे स्पष्ट दिसत आहे. त्या सर्व शिक्षकांना प्रणाम. कारण त्यांनीच विद्यार्थी घडविण्यासाठी मेहनत घेतली, त्याचे फळ मिळाले आहे. ” अशा प्रतिक्रिया व्यक्त केल्या. तसेच त्यांनी 90 टक्के पेक्षा जास्त गुण प्राप्त विद्यार्थी- विद्यार्थीनीची नावे जाहीर केली. तसेच त्यांनी आतापर्यंत यशस्वी, गुणवंत विद्यार्थी- विद्यार्थीनीना रोख रक्कम पाडगावकर यांच्या हस्ते देण्यात येत होती. मागील तीन वर्षांत चषक देण्यात येत आहे. या चषकाचा मांडणी व रचना सुनील कदम सर यांनी केल्याचे सांगितले.

तर आपले मनोगत व्यक्त करताना मयुरेश नाईक याने, ” परिक्षा जवळ आल्या आहेत. मन लावून अभ्यास करा. डोळ्यासमोर ध्येय ठेवा. अभ्यासक्रम पूर्ण झाला नसला तरी दडपण घेऊ नका.आपल्या अभ्यास प्रगतीकडे लक्ष केंद्रीत करा. यावर्षी सोशल मिडिया वर सुरु अतर पर्यसलेल्या परीक्षा होणार नसल्याच्या अफवांवर विश्वास ठेऊन गाफील राहू नका. सोशल मिडियाच्या बातम्यांकडे लक्ष देऊ नका.परीक्षा या व्हायलाच हव्यात आणि होणारच आहेत.कोविड-19 मुळे विद्यार्थ्यांचे नुकसान होत आहे. सत्कार झाला.खुप आनंद वाटला. विद्यार्थ्यांनी मोबाईल चा वापर आभ्यासा व्यतिरिक्त टाळावा.इयत्ता पाचवी पासूनच वेळच्या वेळी अभ्यास केला. जेणेकरून आत्मविश्वास वाढला. सर्व शिक्षकांनीही मेहनत घेतली वेळोवेळी प्रोत्साहन दिले. त्यामुळे यश मिळाले. शिक्षक नेहमी चांगले विद्यार्थी हुडकून असतात. त्यामुळे खेळ कमी खेळा,टीव्ही- मोबाईलचा नाद सोडा. केवळ 80 टक्के गुण मिळवून फायदा नाही. केवळ गुण मिळविण्यासाठीच नव्हे तर ध्येय गाठण्यासाठी अभ्यास करा. तसेच दहावी उत्तीर्ण होऊन अकरावीत गेल्या वर बिनधास्त बनू नका. अभ्यासाचे सातत्य ठेवा, असा मोलाचा व अनुभवी सल्ला दिला.

तर अनिषा तिवरेकर हीने परिक्षा या तलवारीच्या धारे सारख्या असतात. दहावीची परीक्षा दिल्यावर कळले की, त्या कशा असतात. शिक्षक वेळ देऊन शिकवत असतात. त्यांचे श्रम वाया जाऊ देऊ नका. अभ्यास करा. आपल्या सर्व शिक्षकांनी आमच्यावर जुलै मेहनत घेतली ती यशस्वी झाली, अशा भावनिक प्रतिक्रिया व्यक्त केल्या. यावेळी शाळेचे पर्यवेक्षक तथा शिक्षक एम. बी. फाले सर यांनी सोहळ्याचे सूत्रसंचालन करताना पाडगावकर यांनी शाळेला आतापर्यंत बरीच आर्थिक मदत केली असल्याचे सांगताना यावर्षीही पाडगावकर यांनी आर्थिक मदत केली असल्याचे जाहीर केले. विठ्ठल सावंत सर यांनी विद्यार्थ्यांनी व सर्व शिक्षक -शिक्षकेतर कर्मचारी यांनी मोलाचे सहकार्य केल्याचे तर फाले सर यांनी उपस्थितांचे आभार प्रदर्शन केले. हा एस. एस. सी. गुणवंत व शिष्यवृत्ती धारक विद्यार्थी व विद्यार्थीनींचा गुणगौरव सोहळा यशस्वी करण्यासाठी सर्व आजी-माजी विद्यार्थ्यांनी परिश्रम घेतले.

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

*♦कार्यकारी संपादक : आनंद धोंड*

*📱संपर्क : +919423958828*

*♦ब्युरो चीफ : विशाल पित्रे*

*📱संपर्क : +919405475712*

 

 

*🎴कोकण लाईव्ह व्हॉट्सॲप ग्रुप👇🏻*

https://chat.whatsapp.com/I4y2vaGHgX3BJcpWZe94nr

 

*🖥️ कोकण लाईव्ह ब्रेकिंग*

_अचूक बातमी थेट हल्ला_