🔴 ओट्रा बिझनेस पार्क प्रकल्पाचे अनधिकृत बांधकाम पाडून टाका…

🔴 अनधिकृत पोचमार्ग तयार केल्याप्रकरणी बिल्डर सचिन ओटवणेकर व विजयसिंह रजपूत यांच्यावर गुन्हा दाखल करा

🔴 माजी आमदार परशुराम उपरकर यांच्या तक्रारीनंतर कुडाळ प्रांताधिकारी वंदना खरमाळे यांच्या उपस्थितीत महसुल, भूमी अभिलेख व पाटबंधारे विभागाच्या अधिकाऱ्यांनी प्रकल्पस्थळी केली संयुक्तिक पाहणी

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍ ब्युरो न्यूज : कोकण लाईव्ह ब्रेकिंग

🎴ओरोस, दि-२८:- ओट्रा इन्फ्रास्ट्रक्चर प्रा.लि. कंपनीला सिंधुदुर्गनगरी नवनगर प्राधिकरण क्षेत्रातील वाणिज्यीक भूखंड क्रमांक ८२/१ मध्ये निवासी व वाणिज्य बांधकाम करताना “सदर भूखंड हा नाल्याच्या लगत असल्याने सदर जागेतील बांधकाम परवानगी करणेपूर्वी नाल्याच्या प्रवाहास अडथळा येणार नाही, अशा पद्धतीने नाल्याचे चॅनेलायजेशन करणेबाबत जलसंपदा विभागाचे अभिप्राय घेणे बंधनकारक राहील” अशी अट बांधकाम परवानगीमध्येच नमुद करण्यात आली होती. मात्र मातीचा भराव टाकून वहाळ बुजविण्यासाठी किंवा वहाळाचा मार्ग बदलण्यासाठी बांधकाम परवानगी करणेपूर्वी ( म्हणजेच दिनांक १३.०५.२०१६ पूर्वी ) ओट्रा कंपनीने जलसंपदा विभागाकडून कोणत्याही प्रकारचे अभिप्राय घेतले नव्हते. कार्यकारी अभियंता लघु पाटबंधारे विभाग ओरोस यांनी अधीक्षक अभियंता दक्षिण कोकण पाटबंधारे प्रकल्प मंडळ सिंधुदुर्गनगरी यांना दिनांक २९.०८.२०१८ रोजी सादर केलेल्या अहवालात स्पष्टपणे म्हटले आहे की- “विद्युत जनित्राजवळील नाल्याच्या काठावरील मातीचा भराव ढिसाळ स्वरूपाचा असल्याने विद्युत जनित्राच्या ऊर्ध्व बाजूस ५ मी. व अधोबाजूस ५ मी. इतक्या लांबीत नाल्याच्या दोन्ही बाजूने चॅनेलायझेशन करणे अत्यावश्यक आहे.” मे. ओट्रा इन्फ्रास्ट्रक्चर प्रा. लि कंपनीने मा. अधीक्षक अभियंता, दक्षिण कोकण पाटबंधारे प्रकल्प मंडळ, सिंधुदुर्गंनगरी यांचेकडून नाल्याचे चॅनेलायजेशन करणेबाबत कोणतीही पूर्वपरवानगी न घेता नाल्याचे चॅनेलायजेशन केल्याचे दिसुन येते. गुगल मॅपवर देखील संबंधित कंपनीने कशा पद्धतीने मातीचा भराव टाकून नाल्याची दिशा बदलली हे पुराव्यासहित स्पष्ट होत आहे. त्यामुळे मे. ओट्रा इन्फ्रास्ट्रक्चर प्रा. लि कंपनीला देण्यात आलेली बांधकाम परवानगी रद्द करून संबंधितांनी केलेले अनधिकृत बांधकाम तात्काळ पाडून टाकण्यात यावे, अशा आशयाची तक्रार माजी आमदार परशुराम उपरकर यांनी जिल्हाधिकारी सिंधुदुर्ग, प्रांताधिकारी कुडाळ आणि तहसीलदार कुडाळ यांच्याकडे केली होती.

माजी आमदार परशुराम उपरकर यांच्या तक्रारीनंतर जिल्हा प्रशासन खडबडून जागे झाले आहे. कुडाळ प्रांताधिकारी वंदना खरमाळे यांनी स्वतः प्रकल्पस्थळी उपस्थित राहून महसुल, भूमी अभिलेख, पाटबंधारे विभागाचे संबंधित अधिकारी आणि तक्रारदार परशुराम उपरकर यांच्यासमवेत पाहणी केली. सुमारे तासभर सुरु असलेल्या या स्थळपाहणीत प्रकल्पस्थळी मोजमापे घेण्यात आली. माजी आमदार परशुराम उपरकर यांनी बिल्डरने कशा पद्धतीने मातीचा भराव टाकून वहाळ बुजवला आहे, हे प्रांताधिकारी वंदना खरमाळे यांच्या निदर्शनास आणून दिले. त्याचप्रमाणे मे. ओट्रा इन्फ्रास्ट्रक्चर प्रा. लि. कंपनीने सदर प्रकल्पाच्या मंजूर नकाशात ओरोस-जाधववाडी येथे आपल्या मिळकतीसाठी पोचमार्ग दाखवलेला आहे. मात्र सदर कंपनीने मंजूर नकाशाप्रमाणे पोचमार्गाचे बांधकाम न करता प्रत्यक्षात शिवाजी पुतळ्याच्या समोर आपल्या मिळकतीसाठी प्राधिकरणाच्या जागेतून मातीचा भराव टाकून अनधिकृतरीत्या पोचमार्ग तयार केल्याचे दिसून येत आहे. सदर कंपनीने अनधिकृतरीत्या तयार केलेल्या पोचमार्गाची मिळकत ही प्राधिकरणाच्या मालकीची असून प्रादेशिक परिवहन कार्यालयाने ही जागा रिक्षा स्थानकासाठी प्रस्तावित केल्यासंदर्भात सिंधुदुर्गनगरी नवनगर विकास प्राधिकरणाला पत्र लिहिले होते. त्यामुळे अनधिकृत पोचमार्ग तात्काळ बंद करून प्राधिकरणाची रिक्षा स्थानकासाठी प्रस्तावित असलेली जागा पुर्ववत केली पाहिजे. तसेच प्राधिकरणाच्या जागेत मातीचा भराव टाकून अनधिकृत पोचमार्ग तयार केल्याप्रकरणी मे. ओट्रा इन्फ्रास्ट्रक्चर प्रा. लि. कंपनीचे संचालक श्री. सचिन शिवराम ओटवणेकर व श्री. विजयासिंग नारायणसिंग रजपूत यांचे विरोधात Prevention of Damage to Public Property Act 1984 चे कलम ३ नुसार गुन्हा दाखल करण्याची मागणी त्यांनी प्रांताधिकारी वंदना खरमाळे यांच्याकडे केली आहे. एकंदरीतच माजी आमदार परशुराम उपरकर यांनी घेतलेल्या आक्रमक व रोखठोक भुमिकेमुळे ओट्रा कंपनीचे आणि जिल्हा प्रशासनाचे धाबे दणाणले आहे. माजी आमदार परशुराम उपरकर यांच्याशी संवाद साधला असता त्यांनी प्रतिक्रिया देताना म्हटले आहे की, वर नमुद प्रकरणी प्रांताधिकारी आणि जिल्हा प्रशासन ओट्रा कंपनीने केलेले अनधिकृत बांधकाम पाडून टाकण्यास किंवा बिल्डरवर गुन्हा दाखल करण्यास टाळाटाळ करत असेल तर महाराष्ट्र राज्याचे लोकायुक्त यांच्याकडे अपील दाखल करून दाद मागण्यात येईल. मात्र मुजोर बिल्डरला अद्दल घडवल्याशिवाय आता शांत बसणार नाही.

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

*♦कार्यकारी संपादक : आनंद धोंड*

*📱संपर्क : +919423958828*

*♦ब्युरो चीफ : विशाल पित्रे*

*📱संपर्क : +919405475712*

 

 

*🎴कोकण लाईव्ह व्हॉट्सॲप ग्रुप👇🏻*

https://chat.whatsapp.com/I4y2vaGHgX3BJcpWZe94nr

 

*🖥️ कोकण लाईव्ह ब्रेकिंग*

_अचूक बातमी थेट हल्ला_