🛑 चायनाटाउन पिक्चर सारखी जुन्या खेळाडूंची गँग सोबत घेऊन दिपक केसरकर यांनी लोकांची दिशाभूल करू नये ; पंचायत समितीचे उपसभापती शीतल राऊळ

 

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍ प्रतिनिधी : प्रथमेश गावडे

🎴सावंतवाडी दि.२५:- चायनाटाउन पिक्चर सारखी जुन्या खेळाडूंची गँग सोबत घेऊन दिपक केसरकर यांनी लोकांची दिशाभूल करू नये, असा टोला सावंतवाडी पंचायत समितीचे उपसभापती शीतल राऊळ यांनी आज येथे लगावला. दरम्यान बांद्यात क्रीडासंकुलासाठी १३ एकर जागा उपलब्ध असताना नसलेली जागा पुढे करून केसारकरांनी सावंतवाडीचे नाव रेटू नये, बांद्यात क्रीडा संकुल झाल्यास ३५ ते ४० ग्रामपंचायतींना ते जोडले जाणार आहे. असेही त्यांनी यावेळी सांगितले. या ठिकाणी आयोजित पत्रकार परिषदेत श्री. राऊळ बोलत होते.

ते पुढे म्हणाले, तालुका क्रीडा संकुलासाठी ज्यावेळी जागा मिळत नव्हती त्यावेळी मी स्वतः पुढाकार घेऊन विनोद तावडे यांच्या माध्यमातून बांदा येथे २०१८ साली जागा उपलब्ध करून दिली. आमदारकीच्या १२ वर्षात केसारकरांना जागा मिळाली नाही. ते आम्ही केले. मात्र आपलं हेच अपयश लपविण्यासाठी ते क्रीडा संकुल पुन्हा सावंतवाडीत नेत आहेत. असा आरोप त्यांनी केला. तर बांदा येथे उपलब्ध असलेली जागा केवळ पाचशे मीटर अंतरावर आहे. त्यामुळे आजूबाजूच्या ३५ ते ४० ग्रामपंचायती त्या ठिकाणी जोडल्या जाणार आहेत. त्याचा फायदा ग्रामीण भागातील खेळाडूंना ” असे त्यांनी सांगितले.

ते पुढे म्हणाले, केसारकरांनी आपल्या आमदारकीच्या बारा वर्षाच्या कार्यकाळात कोणताही विकास केला नाही. त्यांनी केवळ या ठिकाणी येऊन घोषणा केल्या. क्रीडा संकुल आणि मल्टीस्पेशालिटी हॉस्पिटलची घोषणा अद्याप अधांतरीच राहिली आहे. त्यामुळे बारा वर्षांचे जमले नाही, ते पुढे तरी काय करणार, असा सवाल त्यांनी उपस्थित केला. तर केसरकरांच्या घोषणा आता येथील जनतेला सुद्धा तोंडपाठ झाल्या आहेत. यात वेंगुर्लेत गेले काथ्या प्रकल्पावर बोलायचे, आंबोलीत जाऊन पर्यटनावर बोलायचे, सावंतवाडीत येऊन सेटअप बॉक्सची स्वप्ने जनतेला दाखवायची, दोडामार्गात जाऊन रोजगाराची आश्वासने द्यायची, आणि बांद्यात येऊन आपले आजोळ असल्याचे सांगत, प्रेम उतू करून लोकांची दिशाभूल करायची, ही फसवेगिरी आता जनतेला माहीत झाली आहे. त्यामुळे त्यांनी नसलेली जागा पुढे करत त्यांनी सावंतवाडीचे नाव रेटून क्रीडा संकुलाला आणखीन उशीर करू नये, असा सल्ला दिला. दरम्यान हे क्रीडा संकुल बांद्यात होण्यासाठी तत्कालीन नगराध्यक्ष बबन साळगावकर यांनी सुद्धा संमती दर्शवली होती. त्यामुळे नाहक राजकारण न करता केसरकरांनी बांद्यातच हे क्रीडा संकुल उभारण्यासाठी प्रयत्न करावेत, अन्यथा आमचा लढा असाच पुढे कायम ठेवू, असा इशारा त्यांनी दिला. तर जुन्या खेळाडूंची गँग घेऊन केसरकरांनी लोकांना फसवू नये, तसे झाल्यास आम जारो खेळाडू घेऊन मैदानात उतरू, असेही त्यांनी यावेळी सांगितले.

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

*♦कार्यकारी संपादक : आनंद धोंड*

*📱संपर्क : +919423958828*

*♦ब्युरो चीफ : विशाल पित्रे*

*📱संपर्क : +919405475712*

 

 

*🎴कोकण लाईव्ह व्हॉट्सॲप ग्रुप👇🏻*

https://chat.whatsapp.com/I4y2vaGHgX3BJcpWZe94nr

 

*🖥️ कोकण लाईव्ह ब्रेकिंग*

_अचूक बातमी थेट हल्ला_