🛑 कोरोना व ओमायक्रोन साथ रोगामुळे शैक्षणिक नुकसानाचा धोका..

🛑 विद्यार्थी-विद्यार्थीनीना अँड्राॅइड फोन व नेटवर्क सुविधा देण्याबाबत मळगांव इंग्लिश स्कूल मळगांव तर्फे शासनाकडे मागणी पत्र..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍ प्रतिनिधी : सुखदेव राऊळ

🎴सावंतवाडी, दि-२५ :- कोरोना काळात वर्ष 2020 , 2021 व 2022 या दोन- अडीच वर्षांच्या काळात शासनाने बंद केलेल्या शाळा व विद्यार्थ्यांना दिलेल्या सुट्टी च्या काळात आॅनलाईन शिक्षण पद्धत लागू करण्यात आली. मात्र ही पद्धत नुकसानदायक तसेच जेमतेम उत्पन्न असलेल्या नोकरदार तसेच शेतकरी कुटूंबातील विद्यार्थी व पालकांसाठी मोबाईल खरेदी व नेटवर्क सुविधा उपलब्ध करण्यासाठी नाहक भूंर्दंड सोसावा लागला. दरम्यान पुन्हा एकदा हे संकट ओढण्याचे संकेत दिसू लागले असून ही बाब ध्यानात घेऊन मळगांव ऐक्यवर्धक संघ, मुंबई संचलित मळगांव इंग्लिश स्कूल मळगांव च्या वतीने संभाव्य साथ रोगाच्या पार्श्वभूमीवर विध्यार्थ्यांना अँड्राॅइड फोन व नेटवर्क सुविधा उपलब्ध करुन देण्यात यावी अशी मागणी करण्यात आली आहे.

सिंधुदुर्ग जिल्ह्याचे जिल्हाधिकारी तसेच तहसीलदार सावंतवाडी, गटविकास अधिकारी व गटशिक्षणाधिकारी पंचायत समिती सावंतवाडी, शिक्षणाधिकारी (प्राथमिक/माध्यमिक जिल्हा परिषद सिंधुदुर्ग व सरपंच मळगांव ग्रामपंचायत यांच्या कडे लेखी निवेदन सादर करण्यात आले आहे. मागील आठवड्यात सादर करण्यात आलेल्या या निवेदनानुसार अद्याप कोणतीही कार्यवाही झालेली नसून चेअरमन शाळा समिती, मळगांव इंग्लिश स्कूल मळगांव मनोहर राऊळ यांनी सादर केलेल्या या निवेदनात उपरोक्त संस्थेच्या प्रशालेत दशक्रोशीतील तब्बल 455 विद्यार्थी-विद्यार्थीनी शिक्षण घेत आहेत. शेतकरी व नोकरदार पालकांची मुले असलेले हे बहूतेक विद्यार्थी-विद्यार्थीनी विद्यार्थी-विद्यार्थीनी मळगांव, निरवडे, नेमळे , तळवडे, न्हावेली, वेत्ये व मळेवाड या ग्रामीण भागातील आहेत. मागील दोन अडीच वर्षांत कोरोना साथ रोगाच्या कालावधीत शाळा वारंवार बंद कराव्या लागल्याने विद्यार्थ्यांचे अतोनात नुकसान झाले. मागील काही महिन्यांपूर्वी पासून शासनाने शाळा पुन्हा सुरु होऊन कित्येक महिने शाळेपासून दूर राहिलेले विद्यार्थी- विद्यार्थीनी पुन्हा शाळेत येऊन अभ्यासाला लागले होते. मात्र कोरोना पाठोपाठ ओमायक्रोनच्या संभाव्य आक्रमणामुळे मागील 6 जानेवारी 2022 पासून मळगांव इंग्लिश स्कूल मळगांव च्या इयत्ता पाचवी ते आठवी तर लगेच 10 जानेवारी 2022 पासून इयत्ता नववी व दहावीचे वर्ग आॅफलाईन बंद करायचे आदेश काढण्यात आले. जेणेकरून सुरु करण्यात आलेली शाळा पुन्हा बंद करण्यात आली होती.

बंद केलेल्या महाराष्ट्र राज्यातील काही शाळा शासनाच्या आदेशानुसार सुरु करण्यात आल्या असल्या तरी मळगांव इंग्लिश स्कूल शाळेला अद्याप कोणतेही आदेश प्राप्त झालेले नसल्याने शाळा व्यवस्थापनाने केवळ काल सोमवार दिनांक 24 जानेवारी 2022 पासून मार्च मधील परीक्षा लक्षात घेऊन इयत्ता दहावीच्या विद्यार्थी-विद्यार्थीनीच्या अभ्यासावर घरच्या वातावरण व घरी सुरु असणाऱ्या मनोरंजनाच्या साधनांचा दुष्परिणाम होऊ नये यासाठी शाळेत बोलवून त्यांचा अभ्यासावर लक्ष राहील असा हेतू बाळगण्यात आला आहे.

दरम्यान मळगांव व दशक्रोशीतील गावांमध्ये असलेली नेटवर्कची समस्या व यामुळे येत असलेल्या आॅनलाईन शिक्षणाची अडचण लक्षात घेऊन तसेच अँड्राॅइड फोन विकत घेऊन त्यामध्ये नेटवर्क पॅकेज विकत घेण्याची पालकांची आर्थिक दुर्बलता तसेच एकाच कुटूंबात एका पेक्षा अधिक मुले शिक्षण घेत असल्याने सर्वांसाठी स्वतंत्र मोबाईल व नेटवर्क देणे येथील आर्थिक दुर्बल पालकांना शक्य होत नसल्याने येथील विद्यार्थी-विद्यार्थीनींचे अतोनात नुकसान होत आहे व कोरोना व ओमायक्रोनची समस्या कायम राहिल्यास त्यांना शिक्षणापासून वंचित व्हावे लागण्याची शक्यता निर्माण झाली आहे. ही परिस्थिती अशीच सुरु राहिल्यास पुढील काळात येथील शिक्षणाची पातळी घसरण्याची शक्यता वाढली आहे. या परिस्थितीचा विचार करुन मळगांव इंग्लिश स्कूल मळगांव तर्फे शासनाने विद्यार्थी-विद्यार्थीनीना मोबाईल व नेटवर्क सुविधा उपलब्ध करुन द्यावी अशी मागणी करण्यात आली आहे. याबाबत बोलताना शाळेच्या मुख्याध्यापिका श्रद्धा सावंत व सर्व शिक्षक -शिक्षकेतर कर्मचारी यांनी शाळेच्या मागील शैक्षणिक दर्जा व टक्केवारीवर परिणाम होऊ नयेत यासाठी शासनाने गांभीर्याने दखल घ्यावी अशी मागणी केली आहे.

 

________________________

 

*💼LIC मध्ये RCA नेमणे आहेत!💼*

● जागा -10

● मानधन – 7000 (सध्याची नोकरी किंवा व्यवसाय सोडायची गरज नाही)

● वयोमर्यादा – 21 ते 35 वर्षे

● शैक्षणिक पात्रता – किमान 10 वी पास, 12 वी व पदवीधरांना प्राधान्य

 

_गृहिणी, महिला बचत गट कार्यकर्ता, सेविका, आशासेविका, पिग्मी एजन्ट, खाजगी नोकरदार, व्यावसायिक, कंत्राटी कर्मचारी, General Insurance एजन्ट._

 

*💁‍♂️इच्छुक उमेदवारांनी* https://wa.me/message/IDNBY5YU6FNSO1

*👆वरील link वर क्लिक करुन किंवा 9421082622 या नंबरवर आपले नाव, वय, शिक्षण, गाव व तालुका 🪀WhatsApp करावे.*

 

💁‍♂️आपले Application आमच्याकडे

आल्यानंतर आपणास आम्ही संपर्क करू.

 

*उमेश गावडे : 9421082622*

___________________________

 

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह व्हॉट्सॲप ग्रुप👇🏻*

https://chat.whatsapp.com/KOW4KDbrVIR5XnoJcgBgAB

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

*अचूक बातमी थेट हल्ला*