🛑 महात्मा गांधी तंटामुक्त गाव समिती, मळगांवची यावर्षीची पहिली मासीक सभा संपन्न..

 

🛑 विविध विषयांवर चर्चा करून निर्णय..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍ प्रतिनिधी : सुखदेव राऊळ

🎴सावंतवाडी, दि-२३ :- महात्मा गांधी तंटामुक्त गाव समिती, मळगांवची यावर्षीची पहिली मासीक सभा शनिवारी पार पडली. मळगांव ग्रामपंचायतीच्या सभागृहात तंटामुक्त समितीचे अध्यक्ष निलेश कुडव यांच्या अध्यक्षतेखाली पार पडलेल्या या सभेत विविध विषयांवर चर्चा करून निर्णय घेण्यात आले.

या सभेत सरपंच स्नेहल जामदार, उपसरपंच हनुमंत पेडणेकर, सदस्य आनंद देवळी, निकिता बुगडे, आरोग्य विभागाच्या डॉ. मयुरी कलमिसकर, पोलीस पाटील रोशनी जाधव, माजी सैनिक आनंद राणे,दिपक जोशी तसेच निलेश राऊळ,विश्वनाथ गोसावी, प्रकाश जाधव, विनायक राऊळ, गोपाळ नार्वेकर व हेमंत खानोलकर आदी उपस्थित होते.

या सभेत कंत्राटी कामगारांची माहिती घेऊन त्यांना ओळखपत्रे देणे आवश्यक, अनोळखी वाहनांची पार्किंग, मुलांना पळविण्याचा घटना रोखण्यासाठी पालकांनी खबरदारी घेणे आवश्यक, चाकू हल्ले व चोऱ्या तसेच पाकिटमारी रोखण्यासाठी आवश्यक सतर्कता, मुले व मुलीं कडून होणारा मोबाईलचा वापर व त्याद्वारे होत असलेला गैरवापर तसेच त्याचे दुष्परिणाम यासाठी घ्यायची दक्षता, यासाठी समाजातील प्रस्थापित व मान्यवर यांचे आवश्यक असलेले मार्गदर्शन, गावात होणारी अवैध दारू विक्री व मद्यपींचा त्रास यावर नियंत्रण आणणे आवश्यक तसेच वाढत्या व्यसनाधिनते मुळे होत असलेली कुटूंबातील भांडणे व महिलांचे होणारे हाल आदी विषयांवर चर्चा करुन उपाययोजना करण्याबाबत निर्णय घेण्यात आले. गावात होणारे अनैतिक चाळे रोखण्यासाठी महिलांनी घरात व बाहेर सतर्कता बाळगून अशा प्रकारांवर आळा घालण्यासाठी प्रयत्न करावेत. सभांमध्ये केवळ चर्चा व ठराव न करता त्याची अंमलबजावणी व्हावी

त्याचप्रमाणे या सभेत घर बांधणी व दुरुस्ती अनधिकृत बांधकामे याबाबत विशेष दक्षता घेणे आवश्यक असल्याबाबतही चर्चा करण्यात आली. तसेच पोलीस प्रशिक्षण केंद्राकडून दिल्या जात असलेल्या प्रशिक्षणात आढळत असलेला मुलांच्या सातत्यपूर्ण उपस्थितीचा प्रश्न याबाबतही यावेळी चर्चा करण्यात आली. तसेच मुलांनी या प्रशिक्षणाकडे केवळ नोकरी मिळेल या अपेक्षेने सहभाग न घेता आपली शारीरिक तंदुरुस्ती राहील या दृष्टीने पहावे व या प्रशिक्षणाकडे पहावे असे आवाहन करण्यात आले.

तसेच यावेळी गावच्या ग्राम दक्षता समिती, तंटामुक्ती समिती व कृती दल समिती या तिन्ही समित्यांनी संयुक्तपणे काम करावे अशी सूचनाही करण्यात आली.

अत्यंत खेळीमेळीने पार पडलेल्या या सभेबाबत आपले मत मांडताना निलेश कुडव यांनी उपस्थितांचे धन्यवाद मानून पुढील सभा पुढील आठवड्यात होणार असल्याची माहिती दिली.

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

*♦कार्यकारी संपादक : आनंद धोंड*

*📱संपर्क : +919423958828*

*♦ब्युरो चीफ : विशाल पित्रे*

*📱संपर्क : +919405475712*

 

 

*🎴कोकण लाईव्ह व्हॉट्सॲप ग्रुप👇🏻*

https://chat.whatsapp.com/I4y2vaGHgX3BJcpWZe94nr

 

*🖥️ कोकण लाईव्ह ब्रेकिंग*

_अचूक बातमी थेट हल्ला_