🛑 पुन्हा एकदा परमे ग्रामस्थांनी रोखले खडी वाहतुकीचे डंपर..

🛑 पाटबंधारे विभागाचे कनिष्ठ अभियंता घाटगे यांना ग्रामस्थांनी धरले धारेवर..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍ प्रतिनिधी : प्रतिक राणे

🎴दोडामार्ग, दि-१८ :- परमे येथून होणाऱ्या खडी वाहतुकी मुळे तेथील ग्रामस्थांना अनेक समस्यांना सामोरे जावे लागत आहे.दिनांक १५ जानेवारी रोजी ग्रामस्थांनी अशाच प्रकारे खडी वाहतूक करणारे डंपर रोखले होते. मात्र तेव्हा दोडामार्ग पोलीस निरिक्षक भोसले यांनी मध्यस्ती करून वाहतुक सुरु केली होती. काल सकाळी ०९ वाजण्याच्या सुमारास पुन्हा एकदा ग्रामस्थांनी कालव्या वरून होणारी अवजड खडी वाहतुक रोखली होती.

ही बातमी पाटबंधारे विभागाला कळताच पाट बंधारे विभागाचे कनिष्ठ अभियंता घाटगे तेथे आले . त्यांना ग्रामस्थांनी चांगलेच धारेवर धरले. या कालव्या वरून ७ टन येवढी अवजड वाहतुक व्हावी येवढीच क्षमता असताना त्याच्या वरून या पेक्षा जस्त टन वाहतुक कशी काय केली जाते असे अनेक प्रश्न ग्रामस्थांनी कनिष्ठ अभियंता घाटगे यांच्या समोर उपस्थित करून त्यांना धारेवर धरले.

रात्री उशीरापर्यंत ग्रामस्थांनी वाहतुक रोखून धरली होती.