🛑 व्हेल माशाच्या तस्करीचा स्थानिक गुन्हे अन्वेषण विभागाने केला पर्दाफाश..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍ प्रतिनिधी : संजय भाईप

🎴सावंतवाडी, दि-१२ :- संरक्षित प्राणी, व्हेल माशाची उलटी (Ambergris) या बेकायदेशीर व्यापार करणाऱ्या इसमांचा सिंधुदुर्ग स्थानिक गुन्हे अन्वेषण शाखेकडून पर्दाफाश करण्यात आला आहे. व्हेल माशाची उलटी म्हणजे समुद्रातील तरंगते सोने असे मानले जाते. सदरचा पदार्थ हा स्पर्म व्हेल माशाच्या पोटात तयार होतो. नमुद पदार्थाचा वापर हा अति उच्च प्रतिचा परफयुम, औषधांमध्ये तर काही ठिकाणी सिगारेट, मद्य, तसेच खादय पदार्थामध्ये स्वाद वाढविण्याकरीता देखील केला जातो. सदरचा पदार्थाची खरेदी विक्री करणे हे वन्य प्राणी सुरक्षा अधिनियमांतर्गत बेकायदेशीर आहे. नमुद पदार्थांची आंतरराष्ट्रीय बाजारामध्ये करोडो रुपयांमध्ये किंमत आहे.

बांदा या ठिकाणी तीन इसम वन्य संरक्षीत प्राणी व्हेल माशाचे उलटीची (Ambergris) ज्याचे खरेदी विक्रीवर शासनाने बंदी आणलेली आहे ती वस्तु बेकायदेशीररित्या विकण्याकरीता बांदा परीसरात येणार असल्याची माहीती स्थानिक गुन्हे अन्वेषण शाखा सिंधुदुर्गचे पोहेकॉ/ अनिल धुरी यांना प्राप्त झालेली होती.

मिळालेल्या वरील बातमीची खातरजमा करण्यात आली. त्यानंतर स्थानिक गुन्हे अन्वेषण शाखेचे पथकाने दि.11.12.2021 रोजी बांदा, गांधी चौक येथे सापळा रचुन तीन इसमांना त्यांचे ताब्यातील स्वीप्ट कार व मोटर सायकल सह ताब्यात घेतले. सदर इसमांकडून एका पिशवीमधुन 5 किलो 232 ग्रॅम वजनाची व्हेल माशाची उलटी ज्याची किंमत साधारणत: 5,32,20,000/- रुपये (5 कोटी 32 लाख 20 हजार रुपये) आहे. ती जप्त करण्यात आली आहे. सदर कारवाईप्रमाणे तिन्ही आरोपीत यांना ताब्यात घेवुन वन्य प्राणी संरक्षण कायदा 1972 चे कलम 39, 44, 48, 49 (ब) 51, 57 प्रमाणे गुन्हा दाखल करण्याची कार्यवाही सुरु आहे.

सदरची कारवाई ही मा श्री राजेंद्र दाभाडे, पोलीस अधीक्षक, सिंधुदुर्ग, मा. श्री नितीन बगाटे, अपर पोलीस अधीक्षक, सिंधुदुर्ग यांचे मार्गदर्शनाखाली श्री सुनिल धनावडे, वरीष्ठ पोलीस निरीक्षक, स्थानिक गुन्हे अन्वेषण शाखा सिंधुदुर्ग यांचे सुचनेनुसार स्थानिक गुन्हे अन्वेषण शाखचे सपोनि महेंद्र घाग, पोउनि सचिन शेळके, पोहेकॉ/ अनिल धुरी, आशिष गंगावणे, प्रकाश कदम, अनुपकुमार खंडे, प्रवीण वालावलकर, पोना/ चंद्रकांत पालकर, पोकॉ/ ज्ञानेश्वर कांदळगांवकर, प्रथमेश गावडे यांनी केलेली आहे.