🛑 बांदा ग्रामस्थांची माणगाव पदयात्रा उत्साहात..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍ प्रतिनिधी : संजय भाईप

🎴सावंतवाडी, दि-११ :-बांदा ग्रामस्थ पदयात्रा मंडळांच्या वार्षिक पदयात्रा उपक्रमाला बांदा ते माणगावया पदयात्रेने मंगळवारी आरंभ झाला. मंगळवार दि.७ डिसेंबर रोजी बांदा येथिल पदयात्री भाविकांनी बांदा ते माणगांव असा पायी प्रवास करुन प.प.श्री वासुदेवानंद सरस्वती टेंब्येस्वामी महाराज संस्थापित श्री दत्तमंदिराचे दर्शन घेतले.

बांदा ग्रामस्थांतर्फे दरवर्षी विविध धार्मिक स्थळांच्या पदयात्रा केल्या जातात. तसेच त्याठिकाणी नामस्मरण ,भजन आदी केले जाते. माणगाव पदयात्रेने या उपक्रमाचा प्रारंभ होतो.

सकाळी श्री देव बांदेश्वर भुमिका यांना वंदन करुन पदयात्रेला आरंभ झाला. दुपारी माणगाव येथे पोहोचताच ग्रामस्थांनी श्री दत्तमंदिर ,श्री यक्षिणी मंदिर, श्रींचे जन्मस्थळ   आदिंचे दर्शन घेऊन मंदिरातील आरतीनंतर महाप्रसादाचा लाभ घेतला व बांदा येथे परतले.

या पुढील पदयात्रा श्री समर्थ साटम महाराज समाधी मंदिर दाणोली येथे होणार असून त्याची तारीख लवकरच कळवीण्यात येईल असे बांदा ग्रामस्थ पदयात्रा मंडऴ अध्यक्ष उमेश मयेकर यांनी सांगितले आहे.