🛑 सावंतवाडी – आंबोली मार्गाची तत्काळ दुरुस्ती करा अन्यथा उपोषण छेडू ; माडखोल माजी सरपंच संजय लाड

November 11, 2021 Pratik Rane

*🎥 कोकण लाईव्ह ब्रेकिंग न्यूज*

_अचुक बातमी थेट हल्ला_

*✍️ प्रतिनिधी : प्रभाकर गावडे*

*🎴सावंतवाडी, दि-११ :-* सावंतवाडी ते आंबोली मार्गावर मोठ्या प्रमाणात खड्डे पडल्यामुळे वाहनधारकांना जीव मुठीत धरून प्रवास करावा लागत आहे. संबंधित मार्गाची तत्काळ दुरुस्ती करा तसेच मार्गावर असलेल्या गतिरोधकांकडे फलक लावा अशी मागणी माडखोल माजी सरपंच संजय लाड यांनी सार्वजनिक बांधकाम विभागीय अभियंतांकडे केली आहे. 10 डिसेंबर पर्यंत कार्यवाही न झाल्यास परिसरातील ग्रामस्थांना घेऊन सार्वजनिक बांधकाम कार्यालयासमोर उपोषण छेडू असा इशारा संबंधित अधिकाऱ्यांना दिला आहे. सार्वजनिक बांधकाम उपविभागीय सावंतवाडी यांच्या अखत्यारित असलेला रस्ता वेंगुर्ले बेळगाव असून सावंतवाडी ते आंबोली पर्यंत येणार रस्ता कारिवडे पेडवेवाडी बुर्डी फुल ,माडखोल पर्यंत येणार रस्ता कारिवडे पेडवेवाडी माडखोल सापळे स्टॉप , माडखोल फुगिवाडी मेट वाडी, रुणा हॉटेल जवळ धवडकी फुला च्या दोन्ही बाजूला तसेच दाणोली बाजार, आंबोली घाट मार्ग व आंबोली ते बेळगाव रोड सावंतवाडी हद्दीपर्यंत काही ठिकाणी मोठमोठे खड्डे पडले असून सदर रस्त्यावर वाहने चालवताना छोटे-मोठे अपघात घडत आहेत .याची आपल्याला कल्पना देत आहोत. सदर रस्त्याचे खड्डे गणेश चतुर्थीच्या काळात मातीने बुजविण्यात चे काम आपल्या कार्यालयामार्फत करण्यात आले होते परंतु दुसर्‍या तिसर्‍या दिवशीच खड्ड्यामध्ये टाकलेली माती पावसामुळे वाहून गेली. संबंधित खात्याने मातीने खड्डे बुजवून प्रवाशांची व ग्रामस्थांची तसेच शासनाची दिशाभूल केली आहे. रात्रीच्या वेळी गाड्या चालविताना जीव मुठीत घेऊन प्रवास करावा लागतो. काही ठिकाणी स्थानिक ग्रामस्थांनी श्रमदानातून खड्डे बुजविलेले होते. सावंतवाडी सार्वजनिक बांधकाम उपविभागीय अभियंता यांनी तत्काळ खड्डे बुजवून दुरुस्तीचे काम करावे. जनतेच्या व प्रवाशांच्या जीवाशी खेळू नये. सदर खड्ड्यामध्ये अपघात होऊन जीवित हानी झाल्यास संबंधित अधिकारी यांना जबाबदार धरले जाईल. सदर रस्त्याच्या दुरुस्तीचे काम 10 डिसेंबर पर्यंत पूर्ण न केल्यास सार्वजनिक बांधकाम उपविभागीय सावंतवाडी यांच्या कार्यालयासमोर उपोषण छेडू असा इशारा सार्वजनिक बांधकाम उपविभागीय अभियंत यांच्याकडे निवेदनाद्वारे देण्यात आला आहे. यावेळी माडखोल गावचे माजी सरपंच संजय लाड, सुरेंद्रनाथ राऊळ, जॉकी डिसोज , राजकुमार राऊळ, सूर्यकांत राऊळ, संतोष सखाराम राऊळ, राजन बाळकृष्ण राऊळ आदी ग्रामस्थ उपस्थित होते

Leave a Reply