🛑 सोनावल – पाळये रस्त्याच्या कामाला १५ दिवसात सुरूवात न केल्यास उपोषण ; सामाजिक कार्यकर्ते प्रवीण गवस

*🎥 कोकण लाईव्ह ब्रेकिंग न्यूज*

_अचुक बातमी थेट हल्ला_

*✍️ प्रतिनिधी : प्रतिक राणे*

*🎴दोडामार्ग, ०८ :-* सोनावल – पाळये रस्ता मंजूर होऊन व त्या रस्त्याची मुदत संपून दोन वर्षे उलटली मात्र या रस्त्याची कोणालाच जाग नही. सोनावल-पाळये रस्त्याचे मजबुतीकरण आणि नूतनीकरण करणे यासाठी १४९.१७ लक्ष एवढी रक्कम मंजूर झाली होती.

तसेच या कामाचा कार्यारंभ चा आदेश ३ ऑक्टोबर २०१८ रोजी देण्यात आला होता व काम पूर्ण करण्याची मुदत २ ऑक्टोबर २०१९ पर्यंतची होती. मात्र मुदत संपून दोन वर्षे उलटली मात्र अद्याप पर्यंत ते काम पूर्ण झालेले नाही. ठेकेदार या कामात दिरंगाई करत आहे असे सामाजिक कार्यकर्ते प्रविण गवस यांनी कोकण लाईव्ह ब्रेकिंगशी बोलताना सांगितले. तात्काळ १५ दिवसांत या कामास सुरुवात न केल्यास नियोजित रस्त्यावर ग्रामस्थां समवेत उपोषण करण्याचा इशारा सामाजिक कार्यकर्ते प्रविण गवस यांनी दिला आहे.